Eksodusi 32:32 - Tshwa Bible

³² Kanilezi makunu tsetselela kuonha kabye! Loku zi nge ngaho, vinya a vito ga mina legi u gi tsalileko lomu bhukwini ga wena. Tis. 69:28; Rom. 9:3

Eksodusi 32:32 Referans Kwoze

Tisimu 69:28

Ngha va vinyiwa bhukwini ga wutomi, Va nga tsaliwi zinwe ni valulamileko. Ekso. 32:32; Fil. 4:3

Kuvululelwa 21:27

Cima ku nga ta enghena ka wona ni xihi xilo xo nyenyeza, hambu ni loyi a mahako manyala ni mawunwa; ku enghena ntsena lava va tsalilweko bhukwini ga wutomi ga Yivana. Isa. 52:1; Fil. 4:3; Xip. 3:5

Va le Filipi 4:3

Ina, nza ku khongotela na wenawu xitiri-kulori, vunetela a vavasati lava, hakuva va tirile na mina ivangelini, zinwe na Klemente, ni zinwani zitiri-kulori, lava a mavito yabye ma tsalilweko bhukwini ga wutomi. Rom. 16:3; Ekso. 32:32; Lu. 10:20; Xip. 1:27

Va le Roma 9:3

Hakuva nzi wa ta ranza a kuva nzi rukatelwe mina wutsumbu, nzi hoxiwa ka Kristu, loku a vamakabye va mina va nga vuneka ha zona, lava va nga maxaka ya mina hi ka nyama. Ekso. 82:32

Danieli 12:1

Xikhatini lexo ku ta huma Mikaeli, a hosana leʼya hombe yi yimelako a vana va tiko ga wena; ku tava ni zikhati za zikarato lezi zi kalako zi nga se huma kusukela a kusanguleni ka mifumo kala xikhatini lexo. Xikhatini xwalexo a vanhu va wena va ta tlhatlhiswa, vontlhe lava va ta nga kunwa na va tsalilwe bhukwini. Mat. 24:1; Mar. 13:19

Kuvululelwa 3:5

Loyi a hlulako i ta ambexwa tinguwo to basa; cima nzi nga ta vinya a vito gakwe bhukwini ga wutomi, nzi ta vumela vito gakwe mahlweni ka Dadani wa mina, ni mahlweni ka tingelosi takwe, Ekso. 32:32; Mat. 10:32; Fil. 4:3

Tisimu 139:16

A mahlo ya wena ma nzi wonile na nza ha wumbiwa, Ni masiku ya mina wontihe ma lo tsaliwa bhukwini ga wena, Ma hlayilwe na ma nga se kuva kona.

Tisimu 56:8

U hlayile a masiku ya kunzulanzula ka mina; Chela a mihloti ya mina lomu ka nghotso ya wena; A yi tsaliwangi lomu bhukwini ga wena ke?

Kuvululelwa 17:8

A xihari lexi u xi wonileko xi wa hi kona, kanilezi a xa ha hi kona; xi lava ku huma hi lomu nkeleni wa lieswila, xiya kulobyisweni. A vaaki va misava lava a mavito yabye ma nga tsaliwangiko bhukwini ga wutomi kusukela kuvangiweni ka misava, va ta hlamala loku va wona xihari, hakuva xi wa hi kona, zonake a xa ha hi kona, kasi xi ta tlhela xiva kona. Xip. 11:7; 13:8, 10

Deuteronome 29:20

Jehova a nga ta mu tsetselela, hakuva a zanga ya Jehova ni khulo gakwe zi ta vura hehla ka munhu loye; zonake wontihe makhombo lawa ma tsalilweko lomu bhukwini legi ma tava hehla kakwe, na Jehova i ta hlanguta a vito gakwe lahasi ka tilo.

Deuteronome 25:19

Hikwalaho laha Jehova Nungungulu wa wena a ta nga ku nyika kuhumula ka vontlhe valala va wena lava va ku ranzeleko, lomu ka tiko legi Jehova Nungungulu wa wena a ku nyikileko kasi gi maha tshomba ya wena u gi fumela, zonake wena u ta hlanguta muAmaleki, a nga ha alakanyiwi kambe lahasi ka tilo; u nga rivali lezo. 1 Sam. 15:2; 1 Kro. 4:43

Deuteronome 9:14

Nzi tsike nzi va lovisa, nzi fuvisa a vito gabye lahasi ka tilo; nzi ta ku maha uva tiko ga hombe gi nga ni ntamu ku hunza vanhu lava.

Mitsengo 14:19

Tsetselela lava vanhu a kuonha kabye hi wukulu ga wuxinji ga wena, kota lezi u va tsetselelako lava vanhu kusukela Gipite kala laha.

Eksodusi 32:10

Nzi tsike makunu nzi va zangarela, nzi va mbhetisa; zonake mina nzi ta maha lixaka la hombe ha wena.

Luka 23:34

Jesu aku ngalo: Dada, va tsetselele, hakuva a va zi tivi lezi va zi mahako. Zonake va lo avelana tinguwo takwe xikari kabye hi ku hlahluva. Mat. 5:44; Miti. 7:60; Mar. 15:24

Amosi 7:2

Laha na yi mhhetile a kuga a byanyi gontlhe ga tiko, nzite: Hosi Jehova, hi nga zwela wuxinji! Jakobe i ta yimisa kuyini, lezi a nga tsongwani?

Ezekieli 13:9

A canja ga: mina gi ta vukela a vaprofeti lava va wonako miwoniso ya hava, ni lava va vumbako mawunwa. Va nga ta hlayiwa hubyeni ya vanhu va mina, va nga ta tsaliwa bhukwini ga yindlu ya ka Israeli, ge hambu ku enghena tikweni ga ka Israeli; zonake mu ta zi tiva lezaku hi mina Hosi Jehova.

Kuvululelwa 22:19

Loku munhu a susa timhaka tinwani bhukwini ga loku kuprofeta, Nungungulu i ta susa xiavelo xakwe sinyeni ya wutomi, ni lomu mutini wo basa, ku tsalilweko ha zona bhukwini legi. Ekso. 32:33; Tis. 69:28; Xip. 3:5; 21:2

Luka 10:20

Ahemba-lokoke, mu nga tsaki hi lezi a mimoya yi mu ingisako; kanilezi tsakani hakuva a mavito ya nwina ma tsalilwe le tilweni. Ekso. 32:32; Tis. 89:28; Dan. 12:1

Mitsengo 11:15

Loku zi nghaho, nza ku kombela lezaku u nzi zwela wusiwana u nzi daya zalezi, kasi nzi nga ha woni a hlomulo lowu.

2 Samueli 18:33

Zonake a hosi yi lo xaniseka nguvu lomu mbilwini, yi kanziha yiya le ndlwini ya le hehla ka nyangwa, na yi kari yi rila; na a kari a famba, i wa wulawula, aku: Nwananga Absalome! Nwananga Absalome! Ku wa hi chukwana na ku file mina wutshanwini ga wena! Absalome nwananga, nwananga!

Isaya 4:3

Zi ta maheka lezaku loyi a seleko le Zioni, ni loyi a seleko le Jerusalema, va ta hlayiwa kota va basileko, vontlhelele lava va tsalilweko bhukwini ga vahanyako le Jerusalema,

Malaki 3:16

Zonake lava va chavako Jehova va wulawula munwe ka munwani, na Jehova i dembile ndleve a ingisela, ku tsaliwa a bhuku ka xialakanyiso mahlweni kakwe, ku tsaliwa lava va chavako Jehova ni lava va alakanyako vito gakwe.

Malaki 3:17

Jehova wa tiyimpi i ngalo: Va tava vanhu va mina a sikwini legi nzi ta nga tira a ntiro wa mina, vava tshomba ya mina; nzi ta va tsetselela kukotisa a munhu loyi a tsetselelako a nʼwana loyi a mu tirelako. Ekso. 19:5; Tit. 2:14; 1 Ped. 2:9

Mitsengo 11:25

Zonake Jehova i lo relela hi refu, a ta wulawula na Mosi, zonake i lo pambula a moya lowu wu nga wa hi hehla ka yena a wu chela hehla ka 70 wa masingalakati. Laha a moya wu nga wa relele hehla kabye, va lo profeta, kanilezi a va ha engetangi kambe.