Eksodusi 32:12 - Tshwa Bible

¹² Hikuyini a vaGipite va ta ngaku ngalo: Ehe, i va humesile kasi a fela ku ya maha kubiha ha vona, hakuva i va dele le xitsungeni, niku i va lovisile laha misaveni. Tlhelisa a zanga ya wena, u tsika a kubiha loko u lavako ku maha ka vanhu va wena.

Eksodusi 32:12 Referans Kwoze

Deuteronome 9:28

kasi a vanhu va tiko legi va nga wuli lezaku: Jehova i tsanzekile ku va enghenisa ka tiko legi a nga wa va tsumbisile gona, ni kambe wa va venga, yena i va nehile kasi a fela ku ta va daya lomu xiwuleni.

Joxua 7:9

Laha a vaKanani ni vontlhe lava va akileko lomu tikweni va ta nga zizwa, va ta su ta hi ranzela, va susa a vito ga hina laha misaveni; wenake u ta maha yini hi vito ga wena ga hombe ke? Ekso. 32:12; Mitse. 14:13

Eksodusi 32:14

Zonake Jehova i lo tsika kubiha loko a nga wa alakanyile ku ku maha ka vanhu vakwe.

Zakaria 8:14

Hakuva Jehova wa tiyimpi i ngalo: Khwatsi hilezi nzi nga xuva ku mu mahela kubiha laha a vadadani va nwina va nga vindlusa a zanga ya mina, nzi nga va tsetsi, ku wula Jehova wa tiyimpi,

Jona 3:9

Himani a zi tivako, aku kutani Nungungulu i ta hunzuluka, a tlhela a tsika a zanga yakwe yo tshisa, kasi hi nga lovi ke?

Amosi 7:6

Jehova i lo zi tsika. Ni lezi zi nga ta maheka, ku wula Hosi Jehova.

Amosi 7:3

Jehova i lo zi tsika. Zi nga ta maheka, ku wula Jehova.

Ezekieli 20:22

Hambu zi hi tano, nzi lo tlhelisa a canja ga mina, hi kota ya vito ga mina nzi lo maha lezaku gi nga nyenyeziswi mahlweni ka matiko lawa nzi va humesileko mahlweni ka wona.

Ezekieli 20:14

Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa nzi va humesileko mahlweni ka wona. Mitse. 14:13; Deut. 9:28

Ezekieli 20:9

Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa va nga hi xikari ka wona, lawa nzi nga ti tivekisa mahlweni ka wona, hi ku va humesa tikweni ga le Gipite.

Tisimu 106:45

A alakanya a xivumelwano xakwe hi kota ya vona, A va zwela hi wuxinji gakwe ga hombe. Deut. 30:1

Tisimu 90:13

Wuya Jehova, u ta hlwela kala rini? Zwela wusiwana a malanza ya wena. Ekso. 32:12

Tisimu 85:3

U susile a zanga ya wena yontlhe, U tlhelile kuvureni ka khulo ga wena.

Tisimu 78:38

Kanilezi yena na hi ni tipswalo, i lo va tsetselela, a nga va lovisangi; I lo ti khoma zangeni yakwe zikhati zo tala, A nga tsikangi a khulo gakwe gontlhe gi vuka. Ekso. 34:6; Joeli 2:13

Tisimu 74:18

Jehova, alakanya lezaku a nala i ku rukatele, Ni tiko ga zipumbu gi kanyisile a vito ga wena.

Ezra 10:14

A tihosana ta hina a ti yimele a ntlhangano wontihe, kasi vontlhe lava va tekileko vavasati va vamatiko, va nga lomu mitini yabye, va tata hi xikhati xi ta nga yimiswa, vata ni masingalakati ya muti ni muti, ni Valamuli vabye, kala a khulo ga Nungungulu wa hina gi bohla xungetano ni mahungu lawa.

Joxua 7:26

Va lo tlhatekela hehla ka yena a nhulu ya hombe ya maribye, leyi yi nga kona kala legi siku. Zonake Jehova i lo bohla ka zanga yakwe yi chavekako; hilezo lego wutshamu gi lo vitanwa ku ngalo mbutshamu ga nzhelelo wa Akora kala legi siku.

Deuteronome 32:36

Hakuva Jehova i ta yimela vanhu vakwe, Ni kambe i ta hawukela malanza yakwe, Laha a ta nga wona lezaku a ntamu wabye wu mbhelile. Ni lezaku ku nga ta sala ni munwe wa vona. 1 Tih. 14:10; 2 Tih. 14:26

Deuteronome 13:17

Ku nga namarelani xilo xinwe xa lezo zo yila mandleni ya wena; kasi Jehova a fela ku bohla zangeni yakwe, a ku zwela wusiwana, a ku mahela wuxinji, zonake a ku enzelekisa khwatsi hi lezi a hlambanyileko ka vararu va wena,

Genesisi 6:6

Zonake Jehova i lo ti laya hilezi a vangileko a munhu misaveni, i lo xaniseka mbilwini yakwe.

Eksodusi 33:13

Makunu, loku hakunene nzi kumile thomo mahlweni ka wena, nzi kombise tindlela ta wena, nzi ta ku tiva; nzi wona lezaku nzi kumile thomo mahlweni ka wena. Kambe alakanya lezaku lava vanhu mbanhu va wena.

Mitsengo 16:21

Tlhatukani xikari ka tlhangano lowu, nzi ta va lovisa khatiginwe.

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.

1 Tihosi 8:51

hakuva mbanhu va wena ni tshomba ya wena leyi u yi humesileko te Gipite, xikari ka nzilo wa nyunzo. Ekso. 1:11, 14; Deut. 4:20

Jeremia 28:16

Hikwalaho Jehova i ngalo: Nzi ta ku susa misaveni; u tafa hi lembe gwalegi, hakuva u kanele kuhluwuka u vukela Jehova.

Joeli 2:17

A vapristi va nga malanza ya Jehova, a va rile laha xikari ka ligumbagumba ni alati, vaku: Rivalela a vanhu va wena Jehova, u nga nyikeli a tshomba ya wena a kuva yi tseketselwa, yi hlekiwa hi vamatiko. Ku ta wulelwa yini xikari ka matiko, vaku: I kwihi a Nungungulu wabye?

Mitsengo 14:19

Tsetselela lava vanhu a kuonha kabye hi wukulu ga wuxinji ga wena, kota lezi u va tsetselelako lava vanhu kusukela Gipite kala laha.

Isaya 64:7

A ku na munhu a khongelako vitweni ga wena, Loyi a vukako kasi ku namarela ka wena; Hakuva u hi fihlele a nghohe ya wena, U hi tsika hifa zigohweni za hina.

Isaya 64:8

Kanilezi makunu, wena Jehova u dadani wa hina; Hina hi wumba, wena u muwumbi wa hina, Hina hontlhe hi ntiro wa mandla ya wena, Jer. 3:19; Rom. 9:20