Eksodusi 3:5 - Tshwa Bible

⁵ Nungungulu aku: U nga tshineli laha! Susa zilato mikonzweni ya wena, hakuva a wutshamu legi u yimileko ka gona mbutshamu go basa.

Eksodusi 3:5 Referans Kwoze

Joxua 5:15

Ni nduna ya yimpi ya Jehova yi te ngalo ka Joxua: Susa a zilato Za wena mikonzweni ya wena, hakuva a wutshamu legi u yimileko ka gona mbutshamu go basa. Na Joxua i lo maha lezo.

Mitiro 7:33

A Hosi yiku ngalo kakwe: Tlhatlha a zilato mikonzweni ya wena; hakuva a wutshamu legi u yimileko ka gona, misava yi basileko. Ekso. 3:5

Eksodusi 19:12

Kambe u ta kombisa vanhu a mbhingano lowu wu renzetekelako xitsunga, uku: Ti woneleni, mu nga kanzihi le xitsungeni, hambu ni ku henya matlhelo ya xona, a munhu loye a ta nga khumba xitsunga i ta dawa.

Mutshawuteli 5:1

Hlayisa a konzo wa wena loku uya lomu ndlwini ya Nungungulu; a ku tshinela kasi ku ingisa ku sasekile ku hunza miphahlelo ya zipumbu, hakuva a zi zi tivi lezaku zi maha kubiha. 1 Sam. 15:22; Mav. 15:8; Hos. 6:6

Maheberu 12:20

hakuva va lo binzelwa hi xileletelo lexi xi nge ngalo: Hambu ni xihari loku xi khumba xitsunga xi ta gandliwa hi maribye. Ekso. 19:13

Eksodusi 19:21

Jehova aku ka Mosi; Relela u ya byela vanhu lezaku va nga dzuki va tshinela ku ta wona Jehova, ku ngafa vanhu vo tala xikari ka vona.

Levi 10:3

Zonake Mosi aku ka Aroni: Lezi hi lezi Jehova a leleteleko, aku ngalo: Nzi ta basiswa hi lava va tshinelako ka mina, nzi dumiswa mahlweni ka vanhu vontlhe. Kanilezi Aroni i la su tiwitiwi bhi!

2 Pedro 1:18

A gezu lego hi lo gizwa hina na gita hi le tilweni, laha hi nga wa hi naye xitsungeni xo basa.

Deuteronome 23:14

Hakuva Jehova Nungungulu wa wena wa fambafamba xikari ka wugovelo ga wena kasi ku ku ponisa ni ku nyikela valala va wena canjeni ga wena; hikwalaho a wugovelo ga wena gi fela ku tshama na gi basile; kasi Jehova a nga dzuki a wona a zilo zo biha ka wena, ku nga taku a suka ka wena.

Jeremia 30:21

A hosana yabye yi ta huma ka vona venyi, Ni mufumeli wabye i ta huma xikari kabye wutsumbu, Nzi ta mu tshineta, i tata ka mina; Hakuva himani a nga tiyako a tshinela ka mina ke? Ku wula Jehova.

Eksodusi 4:28

Makunu Mosi i lo hlawutela Aroni tontlhe timhaka ta Jehova leti a mu rumileko, ni ziwoniso zontlhe lezi a mu leleteleko zona.