Eksodusi 3:18 - Tshwa Bible

¹⁸ Vona va ta ingisa a gezu ga wena: zonake u ta famba ni masingalakati ya ka Israeli ka hosi ya vaGipite, mu yaku ngalo ka yena: Jehova. Nungungulu wa maHeberu i wonekile ka hina; hikwalaho hi vumele hi teka a pfhumba ga masiku manharu hiya xiwuleni hi ya khozela Jehova, Nungungulu wa hina, hi miphahlelo.

Eksodusi 3:18 Referans Kwoze

Eksodusi 9:1

Zonake Jehova aku ka Mosi: Famba ka Faro, u yaku ngalo ka yena: Jehova, Nungungulu wa maHeberu, i ngalo: Tlhatlha a vanhu va mina vaya nzi khozela.

Eksodusi 7:16

u taku kakwe: Jehova, a Nungungulu wa maHeberu, i nzi rumile ka wena, i ngalo: Tsika a vanhu Va mina va ya nzi khozela le xiwuleni! Kanilezi a ku ingisi kala lezi.

Eksodusi 10:3

Zonake Mosi na Aroni va loya ka Faro va yaku ngalo kakwe: Jehova, Nungungulu wa maHeberu, i ngalo: U ta ala kala rini a ku ti koramisa mahlweni ka mina? Tlhatlha a vanhu va mina va ya nzi khozela.

Eksodusi 9:13

Jehova aku ka Mosi: U ta vinzuka ni mixo u ya yima mahlweni ka Faro, uku ngalo kakwe: Jehova, Nungungulu wa maHeberu, i ngalo: Tlhatlha a vanhu va mina va ya nzi khozela.

Tisimu 110:3

A vanhu va wena vata hi litsako, Laha wena u hlomako a yimpi ya wena, A vaswa va tshinela ka wena na va ambele wubaswa, Khwatsi hi nzhokati yi humako ni mixo.

2 Kronekele 30:12

A canja ga Jehova gi wa hi zinwe ni vanhu va tiko ga ka Juda, gi va nyika a mbilu yinwe ya ku maha khwatsi hi lezi a hosi ni tihosana va leleteleko hi gezu ga Jehova.

Joxua 1:17

Kota lezi hi ingisileko Mosi ka zilo zontlhe, zinghaho hi ta ku ingisawu. Ntsena lezaku Jehova Nungungulu wa wena ave zinwe na wena, kota lezi a nga wa hi zinwe na Mosi.

Mitsengo 17:4

U ta ti veka lomu ka tenda ga mutlhangano, a mahlweni ka wumboni, laha nzi tlhanganako kona zinwe na nwina.

Eksodusi 30:6

U ta yimisa a alati, gi cuwukana ni nguwo ya xisirelo leyi yi nga mahlweni ka nghaxa ya xivumelwano, ni xitshamu xa wuxinji lexi xi nga hehla ka Wumboni, laho nzi ta nga tlhangana kona na wena.

Eksodusi 25:22

Nzi ta ti wonekisa ka wena kwalomo hi le xitshanwini xa wuxinji, xikari ka makerubima lawa ma nga hehla ka nghaxa ya xivumelwano, nzi wulawula na wena hi zileletelo zontlhe lezi nzi ta nga zi nyika vaIsraeli ha wena.

Eksodusi 19:1

Makunu anzhako ka tihweti tinharu, kusukela kuhumeni ka vaIsraeli hi le Gipite, va lo chikela xiwuleni xa Sinai hi siku lego.

Eksodusi 4:31

A vanhu va lo vumela; laha va ngazwa lezaku Jehova i alakanyile a vanana va ka Israeli, ni lezaku i wonile kuxaniseka kabye; hikwalaho va lo khizama va khozela.

Eksodusi 4:24

Zonake laha ndleleni, na va hi lomu ndlwini ya vaenzi, Jehova i lo tlhangana ha Mosi; i wa lava ku mu daya.

Eksodusi 3:16

Famba u ya tsombanyisa a masingalakati ya ka Israeli, uku ka wona: Jehova, Nungungulu wa vararu va nwina, Nungungulu wa Abrahama, ni Nungungulu wa Isaka, ni Nungungulu wa Jakobe, i wonekile ka mina, aku: Hakunene nzi mu enzele, nzi wonile lezi a vaGipite va zi mahako ka nwina.

Eksodusi 3:12

Aku ka yena: Nzi tava zinwe na wena. A xikombiso xaku hi mina nzi ku rumako hi lexi: Loku u humesile a vanhu va mina le Gipite, mu ta ta khozela Nungungulu ka xitsunga lexi.

Genesisi 48:3

Jakobe aku ka Josefa: Nungungulu wa Ntamu Wontihe i lo woneka ka mina le Luzi, tikweni ga le Kanani, a nzi katekisa,

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Genesisi 12:1

Makunu Jehova i te ngalo ka Abrama: Suka tikweni ga nwina, ni le maxakeni ya wena, ni le ndlwini ya raru wa wena, uya tikweni legi nzi ta nga ku kombisa gona. Miti. 7:3; Maheb. 11:8

Jeremia 26:5

kasi ku ingisa a timhaka ta malanza ya mina a vaprofeti, lava nzi va rumeleko ka nwina, na ga hi mixo nzi va rumela, kanilezi nwina a mu ingisangi;

Jeremia 2:6

A va wulangi, vaku: I kwihi Jehova, Loyi a hi humesileko le tikweni ga Gipite, Loyi a hi rangeleko xiwuleni, lomu tikweni ga zigwangwa ni marinzi, Hi tsemakanya a tiko gi omileko ni ga nzhuti wa kufa, A tiko gi nga hi hava vahunzi ni vaaki?

Jeremia 2:2

Yana, kanyuluka tindleveni ta Jerusalema, uku: Jehova i ngalo: Nza alakanya a wunene ga wuswa ga wena, Ni liranzo la wena xikhatini xa kuwutiwa ka wena; Laha u nga kari u nzi lanzela le xiwuleni, A ka tiko legi gi nga kala gi nga byaliwangi.

Isaya 64:5

Wa tlhangaveta lava va tsakako ku maha kululama, Lava va ku alakanyako tindleleni ta wena: Languta, u wa zangara hakuva hi ku onhele; Zi wa hi tano ni kale, hi ta hanyiswa ke?

Eksodusi 30:36

U ta gaya xipanze xa zona, u zi veka mahlweni ka Wumboni lomu tendeni ga mutlhangano, laha nzi ta nga ta tlhangana kona na wena. Xi tava xilo xi basileko nguvu ka nwina.

Genesisi 14:13

A munwe loyi a nga wa ponile i lo ta bikela Abrama, a muHeberu; hakuva i wa tshama mikuhlwini ya Mamre, a muAmori, makabye wa Exkole na Aneri; lavo va wa zwanana na Abrama.

Eksodusi 4:1

Kanilezi Mosi i lo hlamula, aku: Kanilezi vona va nga ta vumela, ne cima va nga ta ingisa gezu ga mina, hakuva vona va taku: Cima Jehova a nga wonekangi ka wena.

Eksodusi 5:1

Anzhako ka lezo Mosi na Aroni va loya ka Faro, va yaku ngalo: Jehova, Nungungulu wa ka Israeli, i ngalo: Tsika a vanhu va ya nzi mahela a nkhozo le xiwuleni.

Eksodusi 5:3

Vaku kakwe: Nungungulu wa maHeberu i wonekile ka hina. Hi vumele hi teka pfhumba ga masiku manharu hiya xiwuleni, hi ya khozela Jehova, a Nungungulu wa hina, hi miphahlo; a nga hi daya hi ntungu kutani hi supado.

Eksodusi 8:1

Zonake Jehova aku ka Mosi: Famba ka Faro u yaku ka yena: Jehova i ngalo: Tsika a vanhu va mina va ya nzi khozela.

Eksodusi 8:20

Jehova aku ka Mosi: Vuka laha mixweni uya yima mahlweni ka Faro; loku aya matini, u taku ka yena: Jehova i ngalo: Tlhatlha a vanhu va mina va ya nzi khozela!

Eksodusi 17:5

Jehova aku ka Mosi: Teka masingalakati ya va ka Israeli, ni nhonga ya wena leyi u ngaba bimbi ha yona, u rangela mahlweni ka vanhu.

Eksodusi 4:23

Nzi ngalo ka wena: Tlhatlha nʼwana wa mina, a ya nzi khozela; kanilezi loku u ala ku mu tlhatlha a famba, nzi ta daya a nʼwana wa wena wa matewula.

Eksodusi 8:23

Mina nzi ta veka mbhingano xikari ka vanhu va mina ni vanhu va wena. Lexo xikombiso xi tava kona manziko.