Eksodusi 3:1 - Tshwa Bible

¹ Mosi i wa risa tiyivu ta Jetro muxade wakwe, mupristi wa le Midiani. I lo gula a tlhambi aya tlhelo ga le xiwuleni, a ya chikela xitsungeni xa Nungungulu le Horebe.

Eksodusi 3:1 Referans Kwoze

1 Tihosi 19:8

Yena i lo vuka aga, anwa; zonake hi ntamu lowu a wu kumileko hi kuga loko, i lo famba 40 wa masiku, wusiku ni hlikanhi, aya le Horebi xitsungeni xa Nungungulu. Ekso. 3:1; Deut. 9:9, 18; Mat. 4:2

Eksodusi 17:6

Languta, nzi ta yima mahlweni ka wena lahaya ribyeni ga Horebe; u taba ribye, zonake gi ta humesa mati; va tanwa vanhu. Mosi i lo maha lezo mahlweni ka masingalakati ya ya ka Israeli. Mitse. 20:11; Isa. 48:21; 1 Kor. 10:4

Mitsengo 10:29

Mosi i te ngalo ka Hobaba, a nʼwana wa Reueli, a muMidiani, a muxade wa Mosi: Hina hiya tikweni legi Jehova a nga ku ngalo: Nzi ta mu nyika gona. A hi fambe hontlhe; hina hi ta ku khoma khwatsi, hakuva Jehova i wulawulile kusasa ha Israeli.

Malaki 4:4

Alakanya a nayo wa Mosi a nanza ga mina, lowu nzi wu leleteleko ka vontlhe va ka Israeli ha yena le Horebe, zi nga zilayelo ni zileletelo. Ekso. 20:1; Deut. 6:1; Maheb. 3:5

Valamuli 4:11

Makunu Hehera a muKeni i wa ti hambanyisile ni va ka kabye, a vanana va Hobaba, muxade wa Mosi, a ya zimeka a tenda gakwe kusuhani ni nkuhlu wa le Zananime, kusuhani ni le Kedexi.

Eksodusi 19:11

va ti longisela a siku ga wunharu, hakuva hi siku ga wunharu Jehova i ta relela le xitsungeni xa Sinai mahlweni ka vanhu vontlhe.

Luka 2:8

A tikweni lego ku wa hi ni varisi va nga tshamile mikoveni, va lavelela a mitlhambi yabye ni wusiku.

Tisimu 106:19

Va maha a role le Horebe, Va khizamela a xifananiso xi chululweko. Ekso. 32:1

Deuteronome 4:10

hi siku lego u nga yima ha gona mahlweni ka Jehova Nungungulu wa wena le Horebe, xikhati lexo Jehova a ngaku ka mina: Tsombanyisa vanhu kasi va tazwa a timhaka ta mina, kasi va fela ku gonza ku nzi chava ka wontihe masiku lawa va ta nga hanya laha misaveni, kasi va fela ku gonzisa a vanana vabye.

Deuteronome 1:6

Jehova Nungungulu wa hina, i wulawulile ka hina le Horebe, aku: Nwina mu tshamile xikhati xo leha ka lexi xitsunga.

Eksodusi 24:13

Mosi i lo suka zinwe na Joxua, a nanza gakwe; zonake Mosi i lo kanziha xitsungeni xa Nungungulu.

Eksodusi 19:3

Mosi i lo kanziha kuya ka Nungungulu; Jehova a mu vitana na hi lomu xitsungeni, aku: Wulawula ka yindlu ya Jakobe, u byela a vanana va ka Israeli, uku: Miti. 7:38

Eksodusi 3:5

Nungungulu aku: U nga tshineli laha! Susa zilato mikonzweni ya wena, hakuva a wutshamu legi u yimileko ka gona mbutshamu go basa.

Eksodusi 2:16

A mupristi wa le Midiani i wa hi ni vanhanyana va ntlhanu ni vambiri. Va lo takha mati, va khelela lomu ka xigowolo kasi va nwisa mitlhambi ya raru wabye.

Amosi 1:1

A timhaka ta Amosi, a munwe wa varisi va le Tekoa, leti a ti wonileko xungetano na Israeli masikwini ya Uzzia hosi ya ka Juda, ni masikwini ya Jerobpamu a nʼwana wa Joaxi a hosi ya ka Israeli, hi mahlweni ka xitsekatseka xa misava lexi xi humeleko anzhako ka malembe mambiri.

Eksodusi 4:27

Zonake Jehova aku ka Aroni: Famba xiwuleni u khinga Mosi. Aroni i lo suka aya mu kuma le xitsungeni xa Jehova: i lo mu pswopswa.

Eksodusi 2:21

Mosi i lo vumela ku tshama ni munhu loye; zonake i lo teka Zipora a nʼwana wakwe.

Eksodusi 2:18

Makunu, na va yile kaya ka raru wabye Reueli, ite ka vona: Inyamutlha mu lo hatlisa ku wuya hiyini ke?

Mitiro 7:30

Laha na ku hunzile 40 wa malembe, a ngelosi yi lo woneka ka yena le xiwuleni xa xitsunga xa Sinai, na yi hi lomo phingweni ga nzilo lomo xihlahleni.

Eksodusi 3:12

Aku ka yena: Nzi tava zinwe na wena. A xikombiso xaku hi mina nzi ku rumako hi lexi: Loku u humesile a vanhu va mina le Gipite, mu ta ta khozela Nungungulu ka xitsunga lexi.

Eksodusi 4:18

Mosi i lo wuya ka Jetro, a muxade wakwe, a taku ka yena: Nzi vumele nzi tlhela nziya ka vamakabye va mina le Gipite, nzi ya va kamba nzi tiva kuhanya kabye. Jetro aku ka Mosi: Famba hi kurula.

Eksodusi 18:12

Zonake Jetro, muxade wa Mosi, i lo nyikela munyikelo wo hiswa ni miphahlelo ka Jehova; Aroni ni masingalakati wontihe ya vaIsraeli va lo taga zibaba ni muxade wa Mosi mahlweni ka Nungungulu.

Eksodusi 19:2

Laha na va sukile Refidime, va lo chikela xiwuleni xa Sinai, va zimeka matenda yabye lomo xiwuleni; Israeli i lo gova ko cuwukana ni xitsunga.

Eksodusi 33:6

Zinghaho a vanana va ka Israeli va lo susa lezi va hembako ha zona ku suka le xitsungeni xa Horebe.

Deuteronome 1:2

Kusukela Horebe ku famba hi ndlela ya xitsunga xa Seire i mpfhuka wa 11 wa masiku ku chikela le Kadexe-Barnea.

Mitsengo 10:33

Va lo andlamuka hi le xitsungeni xa Jehova, va famba a pfhuka wa masiku manharu, ni nghaxa ya xivumelwano xa Jehova yi wa famba mahlweni kabye a pfhuka wa masiku manharu, a ku lava a wutshamu ga kuhumula.

1 Samueli 16:11

Samueli i te ngalo ka Jese: Xana hi vona vontlhe vafana va wena lava ke? Yena aku ku sele nzisana yabye loyi a risako timbuti. Samueli aku: Ruma munhu a ya mu vitana, hakuva hi nga ta tshama mezeni kala yena ata laha.

1 Tihosi 19:19

Zinghaho Elija i lo suka hi laho, a ya kuma Elixa a nʼwana Xafate na a kari a rima hi 12 wa miyoko leyi yi nga wa famba mahlweni kakwe; yena i wa gula a muyoko wo gumesa. Elija i lo hunza hi laha kusuhani kakwe, zonake i lo mu hoxa a kumba wakwe.