Eksodusi 29:40 - Tshwa Bible

⁴⁰ U ta yi nyikela zinwe ni lipinwana la mapa ma nanaselweko, ma kanyangilweko hi khihlanya ga hini ya mafura ya maoliva ma kamilweko, ni khihlanyana ga hini ya vinya, akuva munyikelo wa zakunwa.

Eksodusi 29:40 Referans Kwoze

Va le Filipi 2:17

Hambu loku a nkhata wa mina wu lombelwa muphahlelweni laha ku mahiwako muphahlo wa kukholwa ka nwina, ni lezo kambe nzi ta tsaka na nwina nwentlhe.

Joeli 2:14

Himani a tivako aku kutani a nga ta tlhela a hunzuluka, a siya xikatekiso lenzhako kakwe, kasi muva ni minyikelo ya tinzhoho ni ya kunwa ka Jehova Nungungulu wa nwina ke?

Ezekieli 46:14

Mixo ni mixo u ta nyikela zinwe na yona a munyikelo wa tinzhoho, a xipanze xa wuntlhanu ni xinwe xa efa ni xipanze xa wunharu xa hini ga mafura kasi ku xolovisa ha wona a tinzhoho. Lowu hi munyikelo wa zakuga ka Jehova wa xiyimiso xa simasima.

Ezekieli 45:17

Ku tava fanelo ya hosana a ku humesa a minyikelo ya kuhiswa, ni ya tinzhoho, ni ya kunwa, lomu mibuzweni ni xikhatini xa kuwoneka ka hweti, ni masiku ya sabado, ni tihlengeletanweni tontlhe ta yindlu ya ka Israeli. Hi yona yi ta nga humesa minyikelo ya kuonha, ni ya tinzhoho, ni ya kuhiswa, ni ya kurula, kasi ku mahela nzhiho a yindlu ya ka Israeli.

Isaya 57:6

A xiavelo xa wena hi maribye yo retemuka ya nkova, Hi yona a tshomba ya wena leyo. Hi wona lawo u ma phahlelako hi vinya, Ni xinyikiwo xa mapa. Nzi ta xalaliswa hi lezo zilo ke?

Levi 23:13

Mu ta engetela a muphahlo wa zakuga hi tipimo timbiri ta wukhume ta efa ga mapa yo saseka laya ma vuvilweko hi mafura; zi ta nyikelwa ku maha muphahlelo wa kuhiswa lowu wu nga ni masema yo nuhela ka Jehova; a munyikelo wa kunwa wu tava xipanze xa wumune xa hini ga vinya.

Joeli 1:13

Nwina vapristi, ambalani a tinguwo ta tisakwa, mu rila; banani huwa nwina zitiri za alati; nwina malanza ya Nungungulu wa mina, etlelani gontlhe wusiku na mu ambele a tinguwo ta tisakwa, hakuva a minyikelo ya tinzhoho ni ya kunwa a za ha yiswi koha ndlwini ya Nungungulu wa nwina.

Joeli 1:9

Minyikelo ya tinzhoho ni ya kunwa a ya ha hi kona ndlwini ya Jehova; a vapristi lava va nga zitiri za Jehova va rila.

Ezekieli 46:11

Lomu mibuzweni ni lomu zimuseni a munyikelo wa tinzhoho wu tava efa ginwe hi honwana yinwe, ni efa ginwe hi hamba yinwe; loku ti hi tiyivana yi ta nyika hi laha yi zi kotako; zinwe ni hini ginwe ga mafura ka efa ginwe ni ginwani.

Ezekieli 46:7

Yi ta humesa a munyikelo wa tinzhoho, efa ginwe hi honwana yinwe, ni efa ginwe hi hamba yinwe, loku ti hi tiyivana yi ta maha lezi yi ta nga zi kota, zinwe ni hini ginwe ga mafura hi efa ginwe ni ginwani.

Ezekieli 46:5

A munyikelo wa tinzhoho ku tava efa ginwe hi hamba yinwe, kanilezi a munyikelo wa tinzhoho wa tiyivana yi ta humesa kota lezi a zi ranzako; a wa mafura yi ta humesa a hini ginwe ka efa ginwe.

Ezekieli 45:24

I ta humesa a munyikelo wa tinzhoho, efa ginwe ka honwana yinwe ni yinwani, ni efa ginwe ka hamba yinwe ni yinwani, ni hini ginwe ga mafura ka efa ginwe ni ginwani.

Ezekieli 20:28

Hakuva laha nzi nga va enghenisile a tikweni legi nzi nga hlambanya lezaku nzi ta va nyika gona, a ka xihi xitsunga xo tlakuka va nga xi wona, ni ka tontlhe tisinya to tlhuma va lo mahela ka zona a miphahlo yabye, va nzi zangarisa hi minyikelo yabye; va hisa kambe ni muri wa masema yo nuhela, va chulula kona a minyikelo yabye ya kunwa.

Ezekieli 4:11

U tanwa mati hi lipimo, a mabhikiri mambiri hi siku; u tanwa xikhati ni xikhati.

Deuteronome 32:38

Va kwihi a vanungungulu lava va ngaga mafura ya miphahlo yabye, Lava va nganwa a vinya ga minyikelo yabye? A va suke va mu hlanguta, A va mu vikele! Vala. 10:14

Mitsengo 29:16

Mu ta nyikela hi mhongo yinwe kasi yi maha muphahlelo wa kuonha zinwe ni munyikelo wa kuhiswa wa siku ni siku, zinwe ni munyikelo wa zakuga ni zakunwa.

Mitsengo 28:24

Mu ta nyikela lezo zilo siku ginwe ni ginwani kala 7 wa masiku, a kuva kuga ni muphahlelo wa kuhiswa wa masema yo nanziha ka Jehova. Mu ta nyikela zinwe ni munyikelo wa kuhiswa wa kala kupinzuka zinwe ni kunwa ka kona.

Mitsengo 28:10

Lowu hi muphahlo wa kuhiswa wa sabado yinwe ni yinwani, ahandle ka munyikelo wa kuhiswa wa siku ni siku, zinwe ni munyikelo wa kona wa kunwa.

Mitsengo 28:5

zinwe ni munyikelo wa xipanze xa wukhume xa efa ya mapa ma nanaselweko, ma vuvilweko hi xipanze xa wumune xa hini ya mafura ma nene.

Mitsengo 15:24

zonake ku taku loku ku onhilwe hi ku hoheta, na tlhangano wu nga zi tivi, a tlhangano wontihe wu ta nyikela a nkuzi ya munyikelo wa kuhiswa, a kuva masema yo nanziha ka Jehova, ni munyikelo wa zakuga, ni munyikelo wa zakunwa, kotisa a nayo wa kona; a tlhangano wu ta nyikela ni mhongo, a kuva muphahlelo wa kuonha.

Mitsengo 15:7

ni xipanze xa wunharu xa hini ya vinya a kuva munyikelo wa kunwa; u ta zi nyikela a kuva masema yo nanziha ka Jehova.

Eksodusi 30:24

Ni kasia ya 500 wa maxekeli hi lipimo la xekeli go basa, ni lipimo la hini la mafura ya oliva.

Eksodusi 16:36

A homeri yinwe yi hi xipanze xa wukhume xa efa.

Genesisi 35:14

Jakobe i lo aka a mhinga ya maribye ka wutshamu lego Nungungulu a nga wulawula naye ka gona, i lo phahlela hehla ka yona, i lo chela mafura hehla ka yona.

Eksodusi 29:39

A yivana yinwe u ta yi nyikela ni mixo, a yinwani u yi nyikela laha gambyeni.

Eksodusi 29:41

Laha gambyeni u ta tlhava a yivana ya wumbiri, u maha muphahlo wa mapa ni wa zakunwa, ku kota wa laha mixweni. Wu tava muphahlelo lowu wu hiselwako Jehova, lowu wu nga ni masema yo nanziha.

2 Tihosi 3:20

Ku te ni mixo, hi xikhati xa ku nyikela a muphahlelo, a mati ma sita hi ndlela ya le Edomi, a tiko gontlhe gi tala hi mati. Ekso. 29:39

Hosea 9:4

Va nga ta maha minyikelo ya vinya ka Jehova, ge hambu ku mu tsakisa hi miphahlelo yabye. A miphahlelo yabye yi taku khwatsi zibaba za xirilo, vontlhe lava va ta nga ziga va ta nyenyeziswa ha zona; hakuva a kuga kabye ku tave ko enela vona voce, zi nga ta enghena ndlwini ya Jehova.

Levi 6:13

A nzilo wu ta vura wontihe masiku laha alatini, wu nga dzuki wu timeka.

Mitsengo 4:16

A ntiro wa Eleazari a nʼwana wa mupristi Aroni hi ku hlayisa mafura ya tikandiya, ni libani lo nuhela, ni muphahlo wa mapa siku ni siku, ni mafura yo tola; i ta hlayisa ni tabemakeli gontlhe, ni zontlhe zi nga ka gona, a wutshamu go basa ni zibya za gona.