Eksodusi 27:2 - Tshwa Bible

² U ta maha mune wa timhonzo hi lomu makhuzwini ya alati, zonake u ta gi nameketa hi suku.

Eksodusi 27:2 Referans Kwoze

Tisimu 118:27

Jehova hi Nungungulu, loyi a nga hiha kuwonekela, Bohani a xihari xa muphahlo hi tingoti, Mu xi yisa timhonzweni ta alati.

1 Tihosi 1:50

Adonija i lo chava hi kota ya Solomoni; i lo suka a ya khoma a timhonzo ta alati. Ekso. 27:2

Levi 4:7

Ni mupristi i ta tota a timhonzo ta alati ga libani mahlweni ka Jehova, legi gi nga lomu ka tabemakeli ga mutlhangano; zonake a nkhata wontihe wa honwana i ta wu chulula laha zikhatelweni xa alati ga munyikelo wa kuhiswa, legi gi nga nyangweni ya tabemakeli ga mutlhangano.

Eksodusi 29:12

U ta teka a nkhata wa role u tota laha timhonzweni ta alati hi litiho; a nkhata lowu wu seleko u wu chulula lahasi ka alati.

Maheberu 6:18

lezaku kasi hi zilo lezi zimbiri zi nga hiko na kuhunzuluka, lezi Nungungulu a nga zi kotiko ku hemba ha zona, hina hi fela kuva ni kutiyiswa ka ntamu, hina lava hi tsutsumeleko wuponelweni ku ta khoma a kutsumba loku ku vekilweko mahlweni ka hina.

1 Tihosi 8:64

A siku lego a hosi yi lo basisa a wutshamu ga xipetso xa laha xikari lexi xi nga mahlweni ka yindlu ya Jehova, hakuva i lo nyikela a miphahlelo ya kuhiswa, ni ya zakuga, ni mafura ya muphahlelo wa kurula, hakuva a alati ga suku legi gi nga hi mahlweni ka Jehova gi wa hi gitsongwani gi nga ringani a miphahlo ya kuhiswa ni munyikelo wa zakuga ni mafura ya miphahlo ya kurula.

1 Tihosi 2:28

A mahungu lawa ma lota ka Joabe, hakuva i wa lanzele Adonija, hambu lezi a nga mu lanzelangi Absalome. Zonake Joabe i lo chavela lomu tendeni ga Jehova, a ya khoma timhonzo ta alati.

Levi 16:18

Makunu loku a humile, i taya lomu ka alati legi gi nga mahlweni ka Jehova, aya gi mahela a nzhiho; a teka a nkhata wa nkuzi, ni nkhata wa mhongo, a wu tota matlhelo wontihe ya timhonzo ta alati.

Levi 8:15

Mosi i lo yi tlhava, a teka a nkhata wa kona, laha na petile litiho lakwe lomu nkhateni i lo tota timhonzo ta alati matlhelo wontihe, a basisa a alati; zonake i lo chulula a nkhata lahasi ka alati, a gi basisa kasi gi fela ku mahelwa a nzhiho.

Levi 4:25

Ni mupristi i ta teka a nkhata wa muphahlo wa kuonha hi litiho, a tota ha wona a timhonzo ta alati ga munyikelo wa kuhiswa, a chulula a nkhata laha xikhatelweni xa alati ga munyikelo wa kuhiswa.

Levi 4:18

Zonake i ta tota hi nkhata lomu ka timhonzo ta alati legi gi nga mahlweni ka Jehova, lomu ka tabemakeli ga mutlhangano, zonake a chulula wontihe a nkhata lowu wu seleko laha zikhatelweni xa alati ga muphahlo wa kuhiswa, legi gi nga nyangweni ya tabemakeli ga mutlhangano;

Eksodusi 27:3

U ta maha ni zibya za gona zo wola ha zona khuma, ni mafoxola, ni minzheko, ni mafoloko, ni timbita ta makhala; zontlhe a zibya za kona u ta zi maha hi suku.

Mitsengo 3:31

Lava va wa hlayisa a arke, ni meza, ni meza ya tikandiya, ni maalati, ni zibya za ntiro wa wutshamu ga kubasa, ni xisirelo, ni zontlhe zilo za koha.

2 Tihosi 16:14

Kanilezi a alati legi gi nga wa hi mahlweni ka Jehova, i lo gi susa laha wutshanwini ga gona mahlweni ka tempeli, laha xikari ka yindlu ya Jehova ni alati legi giswa, a gi veka laha kusuhani ni alati gakwe hi tlhelo ga Nwalungu.

2 Kronekele 4:1

Tlhatakumbiri, i lo maha a alati ga suku; a kuleha ka gona gi wa hi 20 wa mikono, a kuanama ka gona gi wa hi 20 wa mikono, ni kutlakuka ka gona gi wa hi 10 wa mikono. Ekso. 27:1

Ezekieli 43:15

A kutlakuka ka khombari ga alati ku tava mune wa mikono, lomu ka khombari ku ta huma mune wa timhonzo.

Zakaria 9:15

Jehova wa tiyimpi i ta va vikela, va ta khadamule valala vabye, va kanzihelela a maribye yo nziwitela; va tanwa a nkhata wabye, va maha guwa khwatsi hi loku va pswonga a vinya; va ta tala ha wona kukotisa mingelo ya muphahlo, va ku khwatsi magwitsi ya alati. Ekso. 24:6

Eksodusi 38:30

Va lo maha ha wona a zikhato za nyangwa ya tenda ga mutlhangano, ni alati ga suku ni xitlhata xa kona xa suku, ni zontlhe zibya za alati,