Eksodusi 24:12 - Tshwa Bible

¹² Zonake Jehova aku ka Mosi: Kanziha uta leno xitsungeni u ta yima kona; nzi ta ku nyika a timbila ta maribye laya ma nga ni milayo ni zileletelo za mina lezi nzi zi tsalileko, kasi u va gonzisa zona.

Eksodusi 24:12 Referans Kwoze

Deuteronome 5:22

Leti timhaka ti lo wulawuliwa hi Jehova ka tlhangano wontihe wa nwina le xitsungeni, na a hi lomu nzilwehi, ni refu, ni munyama, a wulawula hi gezu ga hombe, a nga engetelangi nchumu. I lo tsala leti timhaka ka timbila timbiri ta maribye a nzi nyika.

Eksodusi 31:18

Makunu laha Jehova a nga mbhetile ku wulawula na Mosi le xitsungeni xa Sinai, i lo mu nyika maribye mambiri ya milayo, laya ma tsalilweko hi litiho la Nungungulu.

Maheberu 9:4

legi gi nga hi ni alati ga nzalama go hisela kona mpepo, ni Nghaxa ya Xivumelwano, leyi yi nameketelweko nzalama matlhelo wontihe. Lomo nzeni ka yona ku wa hi ni mbita ya nzalama leyi yi nga hi ni manna, ni nhonga ya Aroni leyi yi nga hluka, ni timbila ta xivumelwano. Ekso. 16:33; Mitse. 17:10; Deut. 10:2, 5

2 Va le Korinte 3:3

Hakuva za su dlunya lezaku nwina mu papilo ga Kristu, legi gi tsalilweko hi hina, na mu nga tsaliwangi hi tinta, kanilezi hi Moya wa Nungungulu loyi a hanyako; a mu tsaliwangi timbiteni ta maribye, kanilezi timbileni ta nyama, ti nga timbilu ta vanhu. Ekso. 24:12; Tis. 40:8; Ezek. 11:19; 1 Kor. 3:5

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

2 Va le Korinte 3:7

Kanilezi loku a kukhozela ka kufa, loku ku tsalilweko maribyeni, na ku tile hi kungangamela kala a vanana va ka Israeli va nga zi koti a ku cuwuka a nghohe ya Mosi hi kota ya kungangamela ka yona; na ku hi kungangamela loku ku nga hunza;

Deuteronome 4:14

Xikhatini xwalexo Jehova i lo nzi leletela a kuva nzi mu gonzisa milayo ni zileletelo lezi mu ta nga zi hlayisa tikweni legi mu yako ku ya gi fumela.

Eksodusi 24:18

Mosi i lo enghena refini, a kanziha xitsungeni a ya tshama kona 40 wa masiku ni 40 wa wusiku.

Eksodusi 24:15

Mosi i lo kanziha xitsungeni; zonake a refu gi lo fenengeta xitsunga.

Eksodusi 24:2

Ku ta tshinela Mosi yece mahlweni ka Jehova; a vanwani va nga tshineli; ni vanhu va nga kanzihi zinwe naye.

Mateu 5:19

Hikwalaho kani hi mani a ta nga hambunyeta munwe wa milayo leyi yi tsongwani, a gonzisa vanhu ku maha lezo, i ta hlayiwa loyi tsongwanyani mufunweni wa le tilweni. Kanilezi loyi a hlayisako milayo a yi gonzisa, i ta hlayiwa wahombe mufunweni wa tilo. Jak. 2:10

Nehemia 9:13

Ni kambe u lo relela le hehla ka xitsunga xa Sinai, u wulawula navo na u hi le tilweni, u va kombisa zinene, ni milayo ya lisine, ni ziyimiso, ni zileletelo;

Ezra 7:10

Hakuva Ezra i wa nyikele mbilu yakwe ntirweni wa ku hlota a nayo wa Jehova, ni ku wu maha, ni ku gonzisa va ka Israeli a zileletelo ni nongameto.

Eksodusi 34:1

Zonake Jehova aku ka Mosi: Vatla timbila timbiri ta maribye yo fanana ni laya yo ranga, kasi nza fela ku tsala ka wona a timhaka leti ti nga wa hi ka maribye yo sangula, laya u nga ma faya.

Deuteronome 5:31

kanilezi wena tshama laha zinwe na mina, nzi ta ku byela yontlhe milayo ni timhaka ni zileletelo; lezi u ta nga ya va gonzisa zona kasi va fela ku ya zi maha lomu ka tiko legi nzi va nyikileko ku ya gi fumela.

1 Tihosi 19:11

Jehova i te ngalo kakwe: Huma u ya yima le xitsungeni mahlweni ka Jehova. Languta, Jehova i lo hunza hi laho; ni mheho ya hombe ya ntamu yi nga tsekatsekisa zitsunga yi fayetela maribye, yi lo ranga mahlweni ka Jehova. Kanilezi Jehova i wa nga hi kona lomu ka bhubhutsa lego. Ni nzhako ka bhubhutsa ku wa hi kona kutsekatseka ka misava, kanilezi Jehova i wa nga hi kona lomo ka kutsekatseka ka misava. Ekso. 34:6; Miti. 2:2

Eksodusi 19:3

Mosi i lo kanziha kuya ka Nungungulu; Jehova a mu vitana na hi lomu xitsungeni, aku: Wulawula ka yindlu ya Jakobe, u byela a vanana va ka Israeli, uku: Miti. 7:38

Eksodusi 32:1

Makunu laha a vanhu va nga wona lezaku Mosi wa hlwela ku relela hi le xitsungeni, va lo tsombana ka Aroni, vaku kakwe: Ngone u ta hi mahela vanungungulu lava va ta nga hi rangela mahlweni, hakuva Mosi loyi a hi humesileko le tikweni ga Gipite, a hi zi tivi lezi zi mu humeleleko. Miti. 7:40

Nehemia 9:14

u va maha va tiva a sabado ga wena go basa, u va nyika zileletelo, ni ziyimiso, ni milayo hi canja ga nanza ga wena Mosi.

Tisimu 19:12

Himani a tivako a zihoxo zakwe ke? Nzi rivalele lezi zi fihlilweko.