Eksodusi 23:7 - Tshwa Bible

⁷ Chava mawunwa. U nga dayi loyi a nga hiko na nanzu ni loyi a lulamileko, hakuva nzi nga ta yimela a munhu wo biha, nzi mu hlaya loyi a lulamileko.

Eksodusi 23:7 Referans Kwoze

Va le Efesusi 4:25

Hikwalaho tsikani mawunwa, mu wulawula zinene munwe ni munwani ka waakelane wakwe, hakuva munwe ni munwani xiro ka vanwani.

Deuteronome 27:25

Khombo a give ka loyi a amukelako nzhiho wa ku daya munhu loyi a nga hiko na nanzu! A vanhu vontlhe va ta hlamula, vaku: Amen!

Eksodusi 34:7

loyi a nga ni wuxinji ka khume ga mazana, loyi a tsetselelako munhu wa kubiha, ni wa kuhambuka ni kuonha; kanilezi lava va nga ti soliko hi milanzu leyi va nga nayo a nga va rivaleli; kanilezi i tsayisa a vanana ni vazukulu kala ku chikela ka xizukulwana xa wunharu ni xa wumune, hi kota ya kuonha ka vapswali vabye. Joba 9:2; Jer. 32:18; Nah. 1:3

Eksodusi 23:1

U nga dzuki u wulawula timhaka ta mawunwa; u nga hlengeli ni wa kubiha u maha kustumunyu wo hemba.

1 Va le Tesalonika 5:22

Tsikani tixaka tontlhe ta kubiha. Xip. 4:12

Levi 19:11

Mu nga yivi. Mu nga hembelana mawunwa, hambu ni ku khohlisana. Efe. 4:25, 28; 1 Tes. 4:6

Va le Roma 1:18

Hakuva a zanga ya Nungungulu ya wonekeliswa hi le tilweni hehla ka kontlhe a kungakholwi ni kungalulami ka vanhu, lava va thindekisako a zinene hi kungalulami kabye. Miti. 17:30; Joba 24:13

Luka 3:14

A masochwa kambe ma lo mu wutisa, maku: Na hina, hi yimelwe hi ku maha yini ke? Aku ngalo kabye: Mu nga wutleli munhu nchumu, hambu ni ku kecara munhu hava; eneliswani hi hakhelo ya nwina. Ekso. 23:1; Levi 19:11

Nahume 1:3

Jehova wa nonoka ku zangara, ngwa hombe ntanwini wakwe, a nga ta tsiketa nanzu. A ndlela ya Jehova yi lomu ka xipupuri ni ka bhubhutsa, a marefu i tsutsungwani wa mikonzo yakwe. Ekso. 34:6; Mitse. 14:18; Neh. 9:17

Isaya 33:15

Hi yena loyi a fambako kululameni, a wulawulako zinene; Loyi a alako a titshomba ti wulilweko, Loyi a mandla yakwe ma nga amukeliko zakuxavelelwa. Loyi a tindleve takwe ti nga ingiseliko a timhaka ta kudaya, Loyi a valako mahlo yakwe lezaku ma nga woni kubiha.

Mavingu 17:15

Loyi a yimelako loyi a nga ni nanzu, ni loyi a konako loyi a nga hiko na nanzu, i wumbiri gabye va hi manyalataniso mahlweni ka Jehova. Deut. 25:1; Isa. 5:23

Joba 22:23

Loku u tlhelela ka Nyamintamu, u ta tlhela u vuxiwa; Loku u hlongola kugoha kule ni tenda ga wena.

Eksodusi 20:13

U nga dayi.

Genesisi 18:23

Abrahama i lo tshinela kusuhani i te ngalo: U ta lovisa a valulamileko ni vangalulamangiko ke?

Eksodusi 20:16

U nga lumbeti wakelane wa wena hi wumboni ga mawunwa.

Levi 19:16

Loku u fambafamba lomu tikweni ga nwina u nga fambi u lumbeta a va ka nwina, hambu ni ku maha mboni yo vukela a nkhata wa wakelene na wena. Hi mina Jehova.

Deuteronome 25:1

Loku vavanuna va holovisana, zonake vaya mahlweni ka Valamuli kasi va fela ku ya lamulwa, a Valamuli va ta tlhatlha loyi a lulamileko ni ku kona loyi a nga ni nanzu.

Tisimu 94:21

Va hlengeletanela a muhefemulo wa loyi a lulamileko, Va kona lava va nga hiko na nanzu.

Tisimu 119:29

A ndlela ya mawunwa a yive kule na mina, U nziha hi tipswalo ku tiva a nayo wa wena.

Mavingu 11:21

A wa kubiha cima a nga ta pona ku tsayiswa; anilezi a pswalo wa loyi a lulamileko wu ta hlangutwa.

Isaya 5:20

Khombo ka lava va wulako zo biha lezaku zi sasekile, a zo saseka vaku zi bihile; Lava va mahako munyama a kuva kuwonekela, ni kuwonekela va ku maha munyama; A zo bava va zi maha zo tsombela, ni zo tsombela va zi maha zo bava.