Eksodusi 23:1 - Tshwa Bible

¹ U nga dzuki u wulawula timhaka ta mawunwa; u nga hlengeli ni wa kubiha u maha kustumunyu wo hemba.

Eksodusi 23:1 Referans Kwoze

Tisimu 101:5

Loyi a hlevako muakelwane wakwe nzi ta mu lovisa, Nzi nga ta honisela hi loyi a ti kulisako, a nga ni mbilu ya matshanza.

Mavingu 19:5

A kustumunyu ya mawunwa yi nga ta pona ku tsayiswa; i loyi a wulawulako mawunwa a nga ta huluka. Deut. 19:18

Eksodusi 20:16

U nga lumbeti wakelane wa wena hi wumboni ga mawunwa.

Tisimu 35:11

Ku humele a vakustumunyu va mawunwa, Va nzi wutisa a timhaka nzi nga ti tiviko. Mat. 28:60; Lu. 23:2, 10; Joh. 18:30

Deuteronome 5:20

U nga lumbeti wakelane wa wena hi wumboni ga mawunwa.

Levi 19:16

Loku u fambafamba lomu tikweni ga nwina u nga fambi u lumbeta a va ka nwina, hambu ni ku maha mboni yo vukela a nkhata wa wakelene na wena. Hi mina Jehova.

Kuvululelwa 12:10

Nzi lozwa a gezu ga hombe le tilweni, giku: Makunu ku chikele a kuhanyiswa, ni ntamu, ni mufumo wa Nungungulu wa hina, ni ntamu wa Kristu wakwe; hakuva a muranisi wa vamakabye va hina i hoxilwe lahasi, loyi a nga va ranisa mumu ni wusiku mahlweni ka Nungungulu wa hina. Joba 1:9; Zak. 3:1; Xip. 11:15

Va le Roma 3:8

Hikuyini hi nga wuliko hiku: A hi maheni kubiha kasi ku fela ku huma kusaseka? (kota lezi vanwani va hi hlevako vaku hi wula zona hina). A kukoniwa ka vakunghahi ku va ringene. Xip. 5:20

Mavingu 19:9

A kustumunyu ya mawunwa yi nga ta pona ku tsayiswa; i loyi a hembako mawunwa i ta lova.

1 Pedro 3:16

na mu hi ni livalo li nene, kasi va fela ku telwa hi tingana hi lezi va mu hlevako ha zona, lava va rukatelako a mahanyela ya nwina ya ma nene ka Kristu. Tit. 2:8; Maheb. 13:18

2 Timote 3:3

lava va nga ranziko a va ka kabye, lava va nga tsetseleliko, a valumbeti, lava va nga tiviko ku ti khoma, lava va lunya, lava va nga ranziko zinene,

Va le Efesusi 4:25

Hikwalaho tsikani mawunwa, mu wulawula zinene munwe ni munwani ka waakelane wakwe, hakuva munwe ni munwani xiro ka vanwani.

Mavingu 24:28

U nga kustumunyi u vukela muakelane wa wena handle ka nanzu; ana u ta khohlisa hi milomu ya wena ke?

Mavingu 21:28

A kustumunyu ya mewunwa yi ta lova; anilezi loyi a zi zwako wa wulawula hi kutiyisa. Deut. 19:18; Mav. 19:5, 9

Mavingu 10:18

Loyi a fihlako livengo i na ni nomu wa mawunwa, i loyi a hlevako, xipumbu.

Mavingu 6:19

A kustumunyu yo hemba, leyi yi wulako wunwa, i loyi a xwanyako kungazwani xikari ka vanakulobye.

Tisimu 15:3

Loyi a nga lumbetiko hi lirimi lakwe, Loyi a nga mahiko kubiha ka xaka gakwe, Ge hambu ku wulawula nzhukano ka muakelwani wakwe;

Levi 19:11

Mu nga yivi. Mu nga hembelana mawunwa, hambu ni ku khohlisana. Efe. 4:25, 28; 1 Tes. 4:6

Luka 19:8

Kanilezi Zakeu i lo yima, aku ngalo ka Hosi: Languta, Hosi, nzi pambulela zisiwana a khihlanya ga zilo za mina, ni loku nzi ngha nzi mu kalavele xilo munhu, nzi ta xi tlhelisela na xi engetelwe ka mune. Ekso. 22:1; 1 Sam. 12:3; Xip. 3:14

Luka 3:14

A masochwa kambe ma lo mu wutisa, maku: Na hina, hi yimelwe hi ku maha yini ke? Aku ngalo kabye: Mu nga wutleli munhu nchumu, hambu ni ku kecara munhu hava; eneliswani hi hakhelo ya nwina. Ekso. 23:1; Levi 19:11

Mateu 19:18

Aku ka yena: Hi yihi ke? Jesu aku ngalo: U nga dayi, U nga bhayi, U nga yivi, U nga mahi wukustumunyu ga mawunwa, Ekso. 20:13; Deut. 5:17

Jeremia 20:10

Hakuva nzi zwile vanyingi na va nzi hleva, Matlhelweni wontihe ku kona kuchava. Vaku: Mu kecareni, hi ta mu kecara. A vanghana lava nzi toloveleneko navo Va langutela a kuwa ka mina, vaku: Kutani a nga kucetelwa, zonake hi ta mu hluthula, Kasi hi ti photela ka yena.

Mavingu 25:23

A mheho ya Nwalungu yi neha vula; inghaho ni lirimi li lumbetako li maha tinghohe ti tsuva.

Mavingu 25:18

A munhu loyi a kustumunyako hava a vukela muakelane wakwe, ibombonzwani, ni supado, ni ligalala lo pswotika.

Mavingu 19:28

A kustumunyu ya mawunwa ya tseketsela zinene; i nomu wa munhu wo biha wu khadamula zigoho.

Mavingu 17:4

A wa kubiha i ingisela milomu ya kubiha; i muhembi i ingisela lirimi la mahlevo.

Mavingu 12:17

Loyi a wulawulako zinene i kombisa kululama; anilezi a kustumunyu ya mawunwa ya khohlisa.

Tisimu 120:3

U ta nyikwa yini, u chachazelwa hi yini, Wena lirimi nzi wena la kukhohlisa? Jak. 3:5

Tisimu 27:12

U nga nzi nyikeli kuranzeni ka valala va mina; Hakuva a vakustumunyu va mawunwa va nzi vukela, Ni lava va hefemulako titseku.

2 Samueli 19:27

kanilezi yena i hlevile a nanza ga wena ka hosi ya mina. Kanilezi a hosi ya mina i khwatsi i ngelosi ya Nungungulu.

2 Samueli 16:3

A hosi yiku: I kwihi nʼwana wa hosi ya wena ke? Ziba aku: I sele le Jerusalema, hakuva i ngalo: Inyamutlha a yindlu ya ka Israeli yi ta nzi tlhelisela a mufumo wa dadani wa mina.

Eksodusi 23:7

Chava mawunwa. U nga dayi loyi a nga hiko na nanzu ni loyi a lulamileko, hakuva nzi nga ta yimela a munhu wo biha, nzi mu hlaya loyi a lulamileko.

Johani 7:51

Xana a nayo wa hina wa kona munhu na va nga rangangi hi ku mu hlola, ni ku tiva lezi a zi mahileko ke? Deut. 1:17; 17:8; 19:15

Genesisi 39:17

I lo wulawula ni nuna wakwe; aku: A nanza legi ga muHeberu, loyi wena u hi neheleko, i wa tile ka mina a ku ta nzi xengetela.

Mavingu 14:5

A kustumunyu yi kholekileko a yi hembi; anilezi a kustumunyu ya mawunwa ya hemba wunwa.