Eksodusi 22:29 - Tshwa Bible

²⁹ U nga hlweli a ku humesa a munyikelo wa mavele ya wena, ni wa vinya ga wena. U ta nzi nyika a matewula ya vana va wena.

Eksodusi 22:29 Referans Kwoze

Eksodusi 23:16

U ta hlayisa ni mutlhangano wa kuhula, wu nga wa mihanzu ya ntiro wa wena wa lezi u byeleko masinwini. Va ta hlayisa ni mutlhangano wa kuhlengeletela, kugumeseni ka lembe, loku u hlengeletele a mitiro ya masimu ya wena.

Eksodusi 13:2

Zontlhe za matewula xikari ka vanana va ka Israeli, a vanhu hambu zifuyo, zontlhe za mina. Mitse. 3:13; Lu. 2:23

Jakobe 1:18

Hi kuranza kakwe i hi belekile hi mhaka ya zinene, kasi hi tava a mihanzu yo rangula ya zivangwa zakwe. Kuv. 14:4; Jer. 2:3; Joh. 1:13

Eksodusi 23:19

A mihanzu yo sangula ya tiko ga wena, u ta yi neha ndlwini ya Jehova, Nungungulu wa wena.

Va le Roma 8:23

Na ku nga hi lezo ntsena, kanilezi na hinawu, lava hi nga ni mbhanzu wo ranga wa Moya, hina kambe ha keta moyeni na hi kari hi rinzela a ku mahiwa vana, lezo hiku ngalo, a kutirulwa ka miri wa hina. Lu. 20:36; 2 Kor. 5:5

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Mika 7:1

I khombo ka mina! hakuva nzi kotisa a simu legi a mihanzu ya gona yi phophilweko, ni xivina lexi a mauva ya xona ma kolelweko; a ka hi na xitata xa mauva lexi xi nga giwako, hambu ni mihanzu yo ranga ya kuwu leyi nzi yi ranzako. Mat. 21:19

Eksodusi 34:19

A matiwula wontihe nja mina; hambu matiwula ya tontlhe tihomu ta vamatsune, ni matiwula ya tiyivu ta mitlhambi yontlhe ya wena. Lu. 2:23

Eksodusi 13:12

u ta hendleleta ka Jehova a matewula wontihe, ni matewula wontihe ya zifuyo za wena; zontlhe za matewula na zi hi za vamatsune zi tava za Jehova.

Ezekieli 20:40

Hakuva vontlhe va yindlu ya ka Israeli, vontlhe lava va nga lomu tikweni, va ta nzi khozela lomu xitsungeni xa mina xo basa, a xitsunga xo tlakuka xa ka Israeli, ku wula Hosi Jehova. Laho nzi ta va tsakela, nzi amukela kona a minyikelo ya nwina, ni milangelwa ya zinyikiwo za nwina, ni zontlhe lezi mu zi basiselako mina.

2 Kronekele 31:5

Zalezo laha a xileletelo na xi tiyisilwe, a va ka Israeli va lo humesa mihanzu yinyingi yo ranga ya mavele, ni ya vinya, ni ya mafura, ni ya wulombe, ni ya mihanzu yontlhe ya masimu; va lo neha mihanzu yinyingi ya za wukhume.

2 Tihosi 4:42

Makunu laho ku lota a munhu hi le Baal-Xalixa a neha zakuga ka munhu wa Nungungulu, a zibaba za mihanzu yo ranga, 20 wa zibaba za sevada ni mavele ya zipfhaki zo tsakama lomu kwameni wakwe. Elixa i te ngalo kakwe: Nyika a vanhu lava vaga! Mitse. 18:31; Mat. 14:15; Joh. 6:5

Eksodusi 23:15

U ta hlayisa a mutlhangano wa zibaba zi nga comelwangiko; ka masiku ya ntlhanu ni mambiri, hi hweti ya Abibi, u taga a zibaba zi nga comelwangiko khwatsi hilezi u leletelweko; hakuva hi yona a hweti leyi u nga huma ha yona le Gipite. Hikwalaho a vanhu va nga dzuki va woneka mahlweni ka mina na va nga hi na nchumu.

Eksodusi 34:20

A matiwula ya mbongola u ta ma tirula hi yivana; loku u nga ma tiruli, u ta ma tshova nhamu. U ta tirula matiwula wontihe ya vafana va wena. Ku nga dzuki ku woneka munhu mahlweni ka mina na a nga khomangi nchumu.

Mitsengo 18:13

Yontlhe mihanzu yo ranga yi nga lomu tikweni gabye leyi va ta nga neha ka Jehova, yi tava ya wena. Vontlhe lava va hlazekileko lomu ndlwini ya wena Va taga.

Levi 22:27

Loku ku pswaliwa xirolana, kutani xiyivana, kutani ximhutana, xi ta tshama ni nyine wa xona ntlhanu wa masiku ni mambiri, zonake kusukela lego siku, loku xi nyikelwa ku maha muphahlelo wa ku hiselwa Jehova, xi ta amukeleka.

Deuteronome 15:19

Wontihe matewula ya xinuna ya zifuyo lezi za hombe ni lezi za zitsongwani, u ta ma basisela Jehova Nungungulu wa wena. U nga dzuki u tirisa matewula ya zifuyo za wena lezi za hombe hambu ni ku kaya matewula ya zifuyo za wena lezi za zitsongwani. Ekso. 13:2; Mitse. 3:13