Eksodusi 22:21 - Tshwa Bible

²¹ U nga xanisi muluveli, hambu ku mu tsimbeketa, hakuva nwinawu mu wa hi valuveli tikweni ga le Gipite. Levi 19:33; Deut. 24:17

Eksodusi 22:21 Referans Kwoze

Deuteronome 10:19

Hikwalaho ranzani valuveli, hakuva nwinawu mu wa hi valuveli le tikweni ga Gipite.

Eksodusi 23:9

U nga xanisi a muluveli; nwina ma tiva malakanyo ya muluveli, hakuva nwinawu mu wa hi valuveli le Gipite.

Levi 19:33

Loku muluveli a akile tikweni ga nwina, mu nga mu xanisi.

Zakaria 7:10

Mu nga tsimbeketi a tinoni, ni lava va nga hiko na vabeleki, ni valuveli, ni zisiwana. A mbilu ya munwe ni munwani wa nwina ngha yi nga hi na xikungo xo vukela nakulobye.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Jeremia 7:6

loku mu nga xanisi a muluveli, a xisiwana ni noni, loku mu nga halati a nkhata wa va nga hiko na nanzu ka legi wutshamu, hambu ni ku lanzela vanwani vanungungulu, muva ni makhombo hi kota ya vona; Ekso. 22:21

Deuteronome 23:7

U nga dzuki u xanza vaEdomi hakuva mbamakabye va wena; u nga xanzi vaGipite, hakuva u wa luvele tikweni gabye. Gen. 25:25

Levi 25:35

Loku a makabye wa wena a dzuka ave muvumali, ni loku a mbhelelwa hi ntamu wa ku tira, u ta mu hlayisa; hambu loku a hi muluveli, hambu loku a hi mufambi, u ta mu amukela a tshama ka wena.

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Jeremia 22:3

Jehova i ngalo: Lamulani hi fanelo ni kululama, mu ponisa loyi a phangiwako a mandleni ya loyi a mu tsimbeketako; mu nga xanisi a muluveli, ni xisiwana, ni noni, mu nga va tsimbeketi, hambu ku halata nkhata wa lava va nga hiko na nanzu wutshanwini legi.

Deuteronome 15:15

U ta alakanya lezaku na wenawu u wa hi khumbi le Gipite; ni lezaku Jehova Nungungulu wa wena i ku tlhatlhisile; hi kota ya lezo nza ku nyika lowu nayo inyamutlha.

Levi 19:13

U nga tsimbeketi wakelene na wena, ni ku phanga a zilo zakwe. U nga hlweli ni hakhelo ya xitiri kala ku chikela manziko.

Levi 19:34

A muluveli loyi a akileko xikari ka nwina, i tava xisumbulwa, a maha munwe wa nwina; u ta mu ranza kota lezi u ti ranzako wena; hakuva nwinawu mu wa hi valuveli tikweni ga le Gipite. Hi mina Jehova, Nungungulu wa nwina.

Deuteronome 1:16

Ka xona xikhati lexo nzi wa leletele Valamuli va nwina, nziku: Zwanani timhaka ta vamakabye va nwina, mu lamula hi kululama timhaka tabye, hambu ni wamatiko loyi a akileko xikari ka nwina.

Deuteronome 23:16

kanilezi yi ta tshama ka wena ni lomu tikweni ga wena ka wutshamu lego yi ta nga gi hlawula, ni ka muti lowo yi ta nga wu lava; ni kambe u nga mu xanisi.

Deuteronome 27:19

Khombo a give ka loyi a hambukisako nongameto ka muluveli, ni ka xisiwana, ni ka noni! A vanhu vontlhe va ta hlamula, vaku: Amen!

Tisimu 146:9

Jehova wa lonzowota a vamatiko, Wa hlayisa a zisiwana ni tinoni; Kanilezi i hambanyisa a tindlela ta vakubiha. Deut. 10:18

Ezekieli 22:7

Lomu ka wena a vararu ni vanyine va kanyiswa, a vamatiko va tsimbeketwa; lomu ka wena ku xaniswa lava va felweko ni tinoni.

Deuteronome 10:18

loyi a yimelako zisiwana ni tinoni kulamuleni; loyi a ranzako valuveli, a va nyika kuga ni kuambala.

Deuteronome 24:17

U nga hambukisi a nongameto wa muluveli ni wa xisiwana, ni kambe u nga teki a nguwo ya noni u maha yo zima ha yona seve. Isa. 1:17; Jer. 5:28; Ezek. 22:29

Joba 6:27

Ina, nwina mu phangelana hi zisiwana, Mu koxelana hi munghana wa nwina.

Isaya 1:17

Gonzani ku maha zinene; hlotani nongameto, mu tsimbetela a mutsimbeketi; yimelani lava va nga hiko na vapswali, mu lwela tinoni. Deut. 24:17; 1 Ped. 3:11