Loku wanuna kutani wasati a ta nga wutisa ka tinguluve, kutani loye a nga xitumbe, va ta dawa, va gandliwa hi maribye; a nkhata wabye wu tava hehla kabye.
Makunu lexo xikhati Samueli i wa file, ni vontlhe va ka Israeli va wa mu rilile, va mu lahla le Rama lomu mutini wakwe. Saule i wa hlongole vamandiki ni zitumbe lomu tikweni. Ekso. 22:18; Levi 19:31
Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6
Mu ngayi ka zitumbe ni ka vangoma, mu nga dzuki mu wutisa nchumu ka vona, kasi va nga mu nyenyezisi. Hi mina Jehova, Nungungulu wa nwina. 1 Sam. 28:7; Isa. 8:19
A moya wa Gipite wu ta titivala nzeni kabye, Nzi ta hangalasa makungo yabye, Va ta tsutsumela zifananisweni ni ka vangoma, Ni lava va humesako mimoya ya vafileko ni vavumbi.
Ni vanyingi lava va tirileko za wutumbe, va lo neha mabhuku yabye, va ta ma hisa mahlweni ka vontlhe: va lo hlaya a ntsengo wa wona, va kuma 50,000 wa macheleni.
A wasati i te ngalo kakwe: Languta, Wena wa zi tiva lezi Saule a mahileko, lezaku i lovisile lomu tikweni lava Va zi kotako ku vumbula a vakufa, hi zitumbe. Hi kuyini u nzi vekela a ziyo wutomini ga mina?
Hikwalaho mu nga dzuki mu ingisa a vaprofeti va nwina, ni vavumbi va nwina, ni miloro ya nwina, ni zitumbe za nwina, ni vangoma va nwina, ioku zi wula ka nwina, ziku; Mu nga tireli a hosi ya Babuloni!
