Eksodusi 21:26 - Tshwa Bible

²⁶ Loku a munhu aba a nanza gakwe ga xinuna kutani ga xisati, a gi bhoxa tihlo, i ta gi tlhatlha gi ti fambela hi kota ya tihlo ga gona.

Eksodusi 21:26 Referans Kwoze

Va le Kolosi 4:1

Nwina lava mu nga venyi, nyikani a malanza ya nwina lezi zi faneleko ni zi ringeneko, na mu tiva lezaku na nwinawu mu na ni Hosi le tilweni. Levi 19:13; Mal. 3:5; Efe. 6:9

Va le Efesusi 6:9

Na nwina venyi, mahani zalezo ka malanza ya nwina, mu tsika a ku va dzukisa; na mu tiva lezaku loyi a nga Hosi ya vona ni ya nwina i le tilweni, ni lezaku ka yena a ku na kuhlawulwa munhu. Kol. 4:1; 1 Ped. 1:17

Tisimu 10:18

Kasi ku lulamisa timhaka ta zisiwana ni ta va tsimbeketilweko. Lezaku a munhu wa misava a fela ku kala a nga ha chavisi kambe. Deut. 10:18; Isa. 2:22

Tisimu 10:14

Wena u zi wonile, hakuva u wona a kuxaniseka ni hlomulo, U zi khoma hi canja ga wena; Loyi a nga hlomulweni i ti nyikela ka wena; Hi wena muvuni wa zisiwana.

Tisimu 9:12

Hakuva a muphoteli wa nkhata i lo va alakanya; A nga rivali a huwa ya lava va nga khombyeni.

Nehemia 5:5

Kasike a mimiri ya hina yi fana ni ya vanakulori, ni vana va hina va fana ni vana vabye. Langutani, hi yisa a vana va hina ni vanhanyana va hina wukhumbini, ni lezi a vanwani vanhanyana va hina va sina va hi kona wukhumbini. Hi vumala ni ntamu wa ku va vuna, hakuva a masimu ya hina ni zivina za hina zi mandleni ya vanwani.

Deuteronome 16:19

U nga hambanyisi a nongameto; u nga cuwuki a nghohe ya munhu, u nga amukeli zinyikiwo, hakuva a zinyikiwo za tsopetisa a mahlo ya titlhari, ni ku onha timhaka ta lava vo lulama.

Eksodusi 21:20

Loku a munhu aba a nanza gakwe ga xinuna, kutani ga xisati, gi fela mandleni yakwe, i ta tsayiswa.

Eksodusi 21:25

a kuhiswa hi kuhiswa, a mbanga hi mbanga, a mbirimbi hi mbirimbi.

Eksodusi 21:27

Loku a tshova a tino ga nanza gakwe ga xinuna kutani ga xisati, i ta gi tlhatlha hi kota ya tino ga gona.

Eksodusi 21:24

a tihlo hi tihlo, a tino hi tino, a woko hi woko, a nenge hi nenge,