Eksodusi 20:3 - Tshwa Bible

³ U nga ta kuva ni vanwani vanungungulu mahlweni ka mina.

Eksodusi 20:3 Referans Kwoze

Deuteronome 5:7

U nga ta kuva ni vanwani vanungungulu mahlweni ka mina.

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Tisimu 81:9

Ku nga tava ni munwani nungungulu ka wena, U nga khizameli a nungungulu wamatiko. Ekso. 20:2

Isaya 46:9

Alakanyani a zilo zi mahekileko kaleloko, Hakuva hi mina Nungungulu, a nga kona munwani; Nzi Nungungulu, a nga kona a fananako na mina.

Deuteronome 6:5

U ta ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, ni ntamu wontihe wa wena. Lu. 10:27

Jeremia 25:6

Mu nga lanzeli vanwani vanungungulu, kasi mu va tirela ni ku va khizamela, mu nga vindlusi a khulo ga mina hi mitiro ya mandla ya nwina, kasi mina nzi nga mu maheli kubiha.

Deuteronome 6:14

Mu nga dzuki mu lanzela vanwani vanungungulu, lava va nga xikari ka vanungungulu va matiko lawa ma mu ranzeleko.

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

1 Va le Korinte 8:6

kasike ka hina i kona Nungungulu munwe, a Dadani loyi zilo zontlhe zi tako hi ka yena; na hina hi nga ka yena; ni Hosi yinwe, yena Jesu Kristu, loyi zilo zontlhe 21 nga kona ha yena, na hina hi kona hi kota ya yena. Miti. 17:28; Efe. 4:6; Fil. 2:11; Kol. 1:16

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9

Va le Kolosi 2:18

Mu nga vumeli munhu a ku mu wutlela a nchachazelo wa nwina, hi kutikoramisa ka hava ni ku khozela tingelosi, a ti kulisa hi kota ya ziwoniso zakwe, a ti kukumukisa hava hi kupima kakwe ka nyama,

Va le Filipi 3:19

A kugumelwa kabye hi kulova; a nungungulu wabye hi xingwengwe, va ti dzunza hi lezi zi nga tingana tabye, va khatalela a zilo za misava ntsena.

Va le Efesusi 5:5

Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. Kuv. 22:15

Isaya 26:4

Tsumbani Jehova kala ku pinzuka, Hakuva Jehova Jehova i ribye ga pinzukelwa. Deut. 32:4; Tis. 18:2

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Eksodusi 20:23

Mu nga ti maheli vanungungulu va siliva ni va nzalama, ahandle ka mina.

Isaya 44:8

Mu nga chavi, ge hambu ku rurumela! A nzi ku byelangi kale, nzi zi tlhatlhambutela ke? Nwina mu vakustumunyu va mina. I kona munwani Nungungulu a handle ka mina ke? Ge, a gi kona ginwani ribye, a nzi gi tivi. Deut. 4:35; 1 Sam. 2:2; 1 Kor. 8:4

Isaya 43:10

Nwina mu timboni ta mina, ku wula Jehova; Mu nanza ga mina legi nzi gi hlawuleko, Kasi ma fela ku zi tiva, mu kholwa hi mina, Mu pima lezaku hi mina yena. Hi mahlweni ka mina a ku na nga mahiwa Nungungulu, Ge hambu nzhako ka mina a nga ta kuva kona munwani.

Tisimu 73:25

Himani nzi nga naye le tilweni ahandle ka wena ke? Loku nzi hi na wena a nzi naveli nchumu misaveni.

Tisimu 29:2

Hlayelani Jehova a wudumo gi faneleko a vito gakwe, Khizamelani Jehova na mu ambele zo basa.

Kuvululelwa 22:9

Yiku ka mina: Hi nga wona, u nga mahi lezo. Nzi nanza khwatsi hi wena ni vamakabye va wena a vaprofeti, ni lava va hlayisako a timhaka ta legi bhuku: khozela Nungungulu. Xip. 19:10

1 Va le Korinte 8:4

Hikwalaho xungetano ni kuga a zilo zi phahlelweko zifananisweni, ha zi tiva lezaku a xifananiso a hi nchumu laha misaveni, ni ku ngalo, a ku kona Nungungulu mumbe, munwe ntsena. Deut. 4:39; Isa. 41:24; 44:8

Eksodusi 32:8

Va hatlisile ku hambuka ndleleni leyi nzi va leleteleko yona; va ti mahele a role gi nyekisilweko, va khizama mahlweni ka gona, va gi khozela, va gi mahele miphahlo, vaku: Hi yena nungungulu wa wena, Israeli, loyi a ku humesileko tikweni ga Gipite!

Eksodusi 34:14

Hakuva wena u nga ta khizamela munwani nungungulu, hakuva Jehova loyi a vito gakwe a nga Mupinyami, i Nungungulu wo pinyama.

Isaya 42:8

Nzi Jehova, hi gona vito ga mina lego; Nzi nga ta nyikela ka munwani a wukulu ga mina. Hambu ni wudzunzo ga mina ka zifananiso. Ekso. 6:3

Jeremia 7:9

Xana ma ha ta yiva, mu daya, mu bhaya, mu hlambanya mawunwa, mu hisa miphahlo yo nuhela ka Baali, ni ku lanzela vanwani vanungungulu lavo mu nga va tiviko?

Hosea 13:4

Kasike mina nzi Jehova a Nungungulu wa wena kusukela kuhumeni ka wena a tikweni ga Gipite; u nga ta tiva munwani nungungulu ahandle ka mina, ahandle ka mina a ku na muhanyisi.

Eksodusi 22:19

Kani hi wihi a etlelako ni xifuyo i ta dawa.

Eksodusi 23:24

U nga khizameli vanungungulu vabye, u nga va khozeli, u nga mahi mikhuwo yabye; kanilezi u ta va daya vontlhe, u khungumula zifananiso zabye zontlhe.

Valamuli 6:10

Nzi wa te ngalo ka nwina: Hi mina Jehova Nungungulu wa nwina; mu nga dzuki mu chava vanungungulu va vaAmori, lava mu akileko lomu tikweni gabye. Kanilezi a mu ingisangi a gezu ga mina. 2 Tih. 17:35, 38

1 Tihosi 11:4

Hakuva laha Solomoni a nga wa khosahele, a vasati vakwe va lo hambukisa a mbilu yakwe yi lanzela vanwani vanungungulu; zonake a mbilu yakwe yi wa nga mbhelelangi yontlhe ka Jehova Nungungulu wakwe, kota a mbilu ya raru wakwe Davida.

Tisimu 81:10

Nzi Jehova, Nungungulu wa wena, Loyi nzi nga ku humesa tikweni ga Gipite; Ahlamisa a nomu wa wena, nzi ta wu tata.

Danieli 3:18

Hambu loku zi nge nghaho, zi tive hosi, lezaku hi nga ta khozela a vanungungulu va wena, ge hambu ku khizamela a xifananiso xa nzalama lexi wena u xi yimisileko. Ekso. 20:4; 23:24