Eksodusi 18:21 - Tshwa Bible

²¹ Kanilezi hlawula xikari ka vanhu vontlhe a vavanuna lava va va nene, lava va chavako Nungungulu, a vavanuna lava va lulamileko, lava va vengako bhinzu legi gi nga lulamangiko; u va yimisa a kuva tinduna ta mazanazana, ni ta zana, ni ta ntlhanu wa makume, ni ta makume; Mitse. 11:16; Deut. 1:13

Eksodusi 18:21 Referans Kwoze

Mitiro 6:3

Hikwalaho vamakabye, hlawulani xikari ka nwina a ntlhanu wa vavanuna ni vambiri, lava va tsumbekileko, va teleko hi Moya ni kutlhariha, lava hi ta nga va yimisa ka ntiro lowo. Deut. 1:13; 1 Tim. 3:7

Ezekieli 18:8

loyi a nga pembisiko hi ku bhinzula, loyi a canja gakwe gi nga enghenangiko kubiheni, a lamulako xikari ka vanhu hi nongameto;

2 Samueli 23:3

Nungungulu wa ka Israeli i wulile, A Ribye ga ka Israeli gi te ngalo ka mina: Loyi a fumelako vanhu hi kululama, A mufumeli loyi a chavako Nungungulu,

1 Timote 3:3

loyi a nga ti nyikeliko kunweni ka byala, kutani kulweni; kanilezi a va wo rula, loyi a nga holoviko, na a nga hi muranzi wa mali;

Zakaria 8:16

A zilo lezi mu ta nga zi maha hi lezi: Munwe ni munwani a wule zinene ka muakelwane wakwe; lamulani hi nongameto ni kurula lomu tihubyeni ta nwina; Isa. 1:17; Efe. 4:25

Zakaria 7:9

Jehova wa tiyimpi i ngalo: Lamulani hi nongameto, a munwe ni munwani a zwela wuxinji ni ku hawukela a nakulobye.

Ezekieli 22:12

A ka wena ka xavelelwa kasi ku halata nkhata, u pembisile kasi ku bhinzula, u kalavela a vaakelane hi ku wutla, u nzi rivakelwa, ku wula Hosi Jehova.

Jeremia 5:1

Tsenzelekani maruweni ya Jerusalema, Mu hlotisisa, mu wona lomu maphangweni; Loku mu zi kota ku kuma munhu, Hambu ni munwe loyi a mahako kululama, ni ku tsumbeka, Mina nzi ta tsetselela a muti wontihe.

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Mavingu 28:2

Loku a tiko gi hluwukile, a tihosi ti tele; anilezi a wuhosi gi tiyisiwa hi vanuna va kupimisisa ni wutivi.

Tisimu 15:5

Loyi a nga pembisiko mali yakwe kasi ku bhinzula, Ge hambu ku rengelelwa kasi ku kumisa nanzu munhu a nga hiko na nanzu. Loyi a mahako lezo cima a nga ta tsekatsekiswa. Ekso. 22:25; Levi 25:36; Deut. 16:19

Joba 31:13

Loku nzi onhile a nanza ga mina ga xinuna kutani ga xisati, Laha vona va nga wa kanetisana na mina;

Joba 29:16

Nzi wa hi dadani wa zisiwana; Nzi wa hlolisisa a mhaka ya loyi nzi nga mu tiviko.

Nehemia 7:2

nzi lo yimisa nakulori Hanani na Hanania, a nduna ya khokhola, a kuva vahlayisi va Jerusalema, hakuva i wa hi wanuna a tsumbekileko, na a hunza vanyingi hi ku chava Nungungulu;

Nehemia 5:9

Nzi engeta nziku: Lezi mu zi mahako a hi zinene; mu fanele ku kombisa xichavo ka Nungungulu wa hina, kasi hi nga tseketselwi hi vamatiko, va nga valala va hina. Isa. 52:5; Ezek. 36:20; Rom. 2:24

1 Samueli 8:3

Kanilezi a vana vakwe a va fambangi hi tindlela takwe; va lo khunguvanyeka hi ku navela mali, va vumela ku rengelelwa, va hambukisa nongameto. Va ka Israeli va kombela hosi.

Eksodusi 18:25

Makunu Mosi i lo hlawula xikari ka vanhu va ka Israeli vontlhe vavanuna lava va lulamileko, a va yimisa kuva tinduna ta vanhu. Ti lo maha tinduna ta mazanazana, ni ta mazana, ni ta ntlhanu wa makume, ni ta makume,

Genesisi 22:12

Yiku ngalo: U nga tlhateki a canja ga wena ka mufana, u nga mahi nchumu ka yena; hakuva makunu nza zi tiva lezaku wa mu chava Nungungulu, lezi u nga kala ku ala ni nʼwana wa wena wa munwe. Jak. 2:21

Mitiro 20:33

A nzi navelangi mali ya siliva, kutani ya nzalama, hambu ni tinguwo ta munhu. 1 Sam. 12:3; 1 Kor. 9:12; 2 Kor. 7:2

Isaya 59:4

A ku na munhu a yimelako ku lulama, A nga kona a ti hlamulelako hi zinene. Va tsumba za hava, va wulawula mawunwa; Va xura nyimba ya kukhohlisa, va pswala kubiha.

Isaya 33:15

Hi yena loyi a fambako kululameni, a wulawulako zinene; Loyi a alako a titshomba ti wulilweko, Loyi a mandla yakwe ma nga amukeliko zakuxavelelwa. Loyi a tindleve takwe ti nga ingiseliko a timhaka ta kudaya, Loyi a valako mahlo yakwe lezaku ma nga woni kubiha.

Genesisi 42:18

Zonake hi siku ga wunharu, Josefa aku kabye: Mahani lezi mu ta hanya, hakuva nzi munhu nzi chavako Nungungulu.

Luka 18:4

Ku wa hi xikhati xo kari na a nga vumeli; kanilezi hi lenzhako i lo alakanya, aku: Hambu lezi nzi nga chaviko Nungungulu, ne ni ku khatala hi munhu;

Luka 18:2

aku: A mutini wo kari ku wa hi kona a mulamuli, loye a nga kala a nga chavi Nungungulu, ni ku nga khatali hi munhu.

Isaya 16:5

Zonake a xitshamu xa wuhosi xa wena xi ta tiyiswa hi wumbilu; Hehla ka xona ku ta tshama mulamuli lomu tabernakelini ga Davida, Loyi a ta nga tshanza nongameto, a hatlisako ku maha kululama. Jer. 23:5; 33:15

1 Tihosi 18:12

Loku nzi sukile, ku ta si dzuka kuta a Moya wa Jehova wu ta ku tlakula wu ku yisa laha nzi nga ku tiviko; nzi tava nzi tivisile Ahabi, a wuya a nga ku kumi, zonake a nzi daya. Kasilezo a nanza ga wena ga chava Jehova kusukela wunwananeni gakwe. 2 Tih. 2:16; Miti. 3:39

1 Tihosi 18:3

Zonake Ahabi i lo vitana Obadia, a muhlayisi wa yindlu yakwe. Obadia i wa hi munhu a chavako Jehova;

1 Samueli 8:12

A vavanuna va ta yimiswa a kuva tinduna ta hombe, ni titsongwani, a vanwani va ta mu rimela masimu yakwe, ni ku hula mavele yakwe, ni ku fula matlhari ya yimpi, ni mitiro ya tikareta takwe.

Joxua 22:14

ni khume ga tihosana, a hosana yinwe ka lixaka linwe ni linwani ka tontlhe tixaka ta ka Israeli; munwe ni munwani loyi a nga hosana lomu ndlwini ka tiyindlu ta vararu vabye lomu xikari ka matala ya ka Israeli.

Mitsengo 10:4

Kanilezi loku ku biwa punzu munwe basi, ku ta tsombana tihosana, ti nga tinduna ta matala ya ka Israeli.

Genesisi 47:6

A tiko ga Gipite gi kona mahlweni ka wena; akisa a raru wa wena ni vanakuloni ka tiko go saseka nguvu; va akise tikweni ga le Goxeni. Loku va hi kona vavanuna vo tlhariha xikari kabye, va yimise a kuva varisi va tihomu ta mina.

Mitsengo 1:4

ku tava kona zinwe na nwina a wanuna munwe wa lixaka ni lixaka, loyi a nga hloko ya yindlu ya vararu vakwe.

Mitsengo 1:16

Lava hi vona va vitanilweko le tlhanganweni, na va hi vona tihosana ta tixaka ta tiyindlu ta vararu vabye; ti nga tona tihosi ta matala ya ka Israeli.

Deuteronome 22:18

Ni masingalakati ya lowo muti va ta teka loye munhu va mu tsayisa.

Ezra 7:25

Wena Ezra, hi wutlhari ga Nungungulu wa wena legi u nga nago, yimisa a Valamuli, ni vahloti va ku lamula a vanhu vontlhe le tlhatuko wa congo, u yimisa vontlhe lava va tivako milayo ya Nungungulu wa wena; lava va nga yi tiviko mu Va gonzisa.

Joba 1:1

Ku wa hi kona a munhu wo kari le tikweni ga Uzi, a vito a nga hi Joba; i wa hi munhu a nga wa mbhelele kululameni, loyi a nga chava Nungungulu, a nyenya kubiha.

Tisimu 15:1

Jehova, himani a ta nga luvela tendeni ga wena? Himani a ta nga aka le xitsungeni xa wena xi basileko ke?

Eksodusi 17:9

Mosi aku ka Joxua: Hlawula a vavanuna mu yalwa ni vaAmaleki; manziko nzi taya yima le hehla ka xitsunga, na nzi khomile a nhonga ya Nungungulu.

2 Samueli 18:1

Davida i lo hlaya a vanhu lava a nga hi navo, a yimisa tinduna ta hombe ni ta titsongwani hehla kabye,