Eksodusi 15:22 - Tshwa Bible

²² Zonake Mosi i lo rangela vaIsraeli hi le Bimbini go Pswhuka, va famba hi tlhelo ga xiwula xa Xura; va lo famba masiku manharu lomu xiwuleni na va nga kumi mati. Mitse. 33:8

Eksodusi 15:22 Referans Kwoze

Genesisi 16:7

A ngelosi ya Jehova yi lo mu kuma le hlobyeni ya mati lomu xiwuleni, hi laha hlobyeni ya ndlela ya kuya le Xure.

1 Samueli 15:7

Zonake Saule i lo hlasela a vaAmaleki kusukela le Havila kala ku chikela le Xura, a tiko gi cuwukeneko ni Gipite.

Genesisi 25:18

Vona va lo aka kusukela le Havila va kala va chikela le Xure, ngomama ni Gipite, loku uya le Assiria: i lofa nghoheni ka tixaka takwe tontlhe.

Eksodusi 3:18

Vona va ta ingisa a gezu ga wena: zonake u ta famba ni masingalakati ya ka Israeli ka hosi ya vaGipite, mu yaku ngalo ka yena: Jehova. Nungungulu wa maHeberu i wonekile ka hina; hikwalaho hi vumele hi teka a pfhumba ga masiku manharu hiya xiwuleni hi ya khozela Jehova, Nungungulu wa hina, hi miphahlelo.

Genesisi 20:1

Abrahama i lo rura laho aya tikweni ga le Dzongeni, i lo tshama xikari ka Kadexi ni Xure; a luvela Gerare.

Mitsengo 33:8

Va lo suka mahlweni ka Hahirote va tsemakanya hi laha xikari ka bimbi, va enghena xiwuleni, va famba masiku manharu lomu xiwuleni xa Etama, va ya gova le Mara. Ekso. 14:22; 15:22

1 Samueli 27:8

Davida zinwe ni vanhu vakwe va lo kanziha va ya maha xijumani le Gexura, ni le Girze, ni le ka maAmaleki, hakuva a matiko lawo ma wa hi ni vanhu lava va nga wa akile kale hi tlhelo ga le Xura, kala le tikweni ga le Gipite.

Tisimu 77:20

U lo rangela a vanhu va wena khwatsi i ntlhambi, Hi woko ga Mosi na Aroni. Mika 6:4; Isa. 83:11

Tisimu 78:52

I lo humesa vanhu vakwe khwatsi tiyivu, A va rangela lomu xiwuleni kotisa ntlhambi.

Tisimu 78:53

A va rangela khwatsi, va nga chavi nchumu, Kanilezi a valala vabye va lo khubunyetwa hi bimbi. Ekso. 14:19

Tisimu 136:16

Loyi a nga rangela vanhu vakwe lomu xiwuleni, Hakuva a wuxinji gakwe ga kala kupinzuka.

Eksodusi 17:1

Yontlhe hlengeletano ya vanana va ka Israeli yi lo suka xiwuleni xa Sini, na va kari va pima mipfhuka yabye kota kuleletela ka Jehova. Va lo ya zimeka matenda yabye le Refidime; kanilezi laho ku wa nga hi na meti ya kuva a vanhu vanwa. Mitse. 33:12