Eksodusi 15:2 - Tshwa Bible

² Jehova hi ntamu wa mina, ni lisimu la mina; Yena hi Muhanyisi wa mina. Hi yena Nungungulu wa mina, nzi ta mu dumisa; I Nungungulu wa dadani, nzi ta mu kulisa.

Eksodusi 15:2 Referans Kwoze

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Tisimu 118:14

Jehova hi ntamu wa mina ni lisimu la mina, Hi yena kuhanyiswa ka mina. Ekso. 15:2; Isa. 12:2

Tisimu 18:46

Jehova wa hanya! A gi dumiswe a ribye ga mina! Ngha a kuliswe a Nungungulu wa kuhanyiswa ka mina!

Tisimu 59:17

Ntamu wa mina, nzi ta ku dumisa hi kuyimbelela, Hakuva Nungungulu i khokhola ga mina, A Nungungulu loyi a nzi mahelako wuxinji.

Isaya 25:1

Jehova, u Nungungulu wa mina; Nzi ta ku kulisa, nzi dumisa vito ga wena, Hakuva u mahile zilo zi hlamalisako; A makungo ya kale yo tsumbeka yo tiya.

Tisimu 140:7

Jehova Hosi, ntamu wa kuhanyisa ka mina, U lwela a hloko ya mina hi siku ga yimpi.

Tisimu 99:9

Kulisani Jehova, Nungungulu wa hina, Khozelani xitsungeni xakwe xo basa, Hakuva Jehova, Nungungulu wa hina i basile.

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9

Va le Filipi 2:11

kasi a tirimi tontlhe ti fela ku wulela lezaku Jesu Kristu i Hosi, a dumiswa Nungungulu Dadani. Joh. 13:13

Tisimu 118:28

Wena u Nungungulu wa mina, nzi ta ku bonga; Wena u Nungungulu wa mina, nzi ta ku kulisa.

Tisimu 99:5

Kulisani Jehova, a Nungungulu wa hina, Khizamani xitsikelweni za mikonzo yakwe; I basile.

Tisimu 34:3

Dumisani Jehova zinwe na mina; A hi kuliseni zinwe a vito gakwe.

Deuteronome 10:21

Hi yena a wudzunzo ga wena, hi yena Nungungulu wa wena, loye a ku maheleko a zilo za hombe lezi zi chavisekako, lezi u zi wonileko hi mahlo ya wena.

Eksodusi 3:6

Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.

2 Va le Korinte 5:19

hakuva Nungungulu i wa hi ka Kristu loku a tlhanganyisa tiko zinwe naye, lezaku a nga ha va hlayeli a zihambuko zabye; makunu i hi nyikile a mhaka ya kutlhanganyisa. Isa. 43:25; Rom. 3:25

Mitiro 4:12

A ku kona kuhanyiswa hi ka munwani; hakuva a ku na vito ginwani lahasi ka tilo, legi gi nyikilweko xikari ka vanhu, legi hi nga hanyiswako ha gona. Mat. 1:21; Xip. 10:43; Rom. 3:24; 1 Tim. 2:5

Tisimu 145:1

Nungungulu wa mina, nzi ta ku dumisa, Hosi; Nzi ta khesa vito ga wena kala kupinzuka.

2 Samueli 22:47

Jehova wa hanya! A gi dumiswe a ribye ga mina! A kuliswe Nungungulu, a nga ribye ga kuhanyisa ka mina!

Eksodusi 14:13

Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.

Eksodusi 4:22

Zonake u taku ka Faro: Jehova i ngalo: Israeli i nʼwana wa mina wa matewula. Mat. 2:15

Va le Efesusi 2:22

loyi mu akilweko khatiginwe ka yena, mu maha a yindlu ya Nungungulu le Moyeni. Joh. 17:23; 1 Ped. 2:5

Isaya 49:6

E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47

Tisimu 109:1

Nungungulu, wena loyi nzi ku dumisako, u nga miyeli;

Tisimu 27:1

Jehova hi kuwonekela ka mina ni kuhanyisa ka mina; Nzi ta chava mani ke? Jehova hi khokhola ga wutomi ga mina; Nzi ta rurumela ha mani ke?

Eksodusi 40:34

Zonake a refu gi lo fenengeta a tenda ga mutlhangano, hakuva a refu gi wa hi hehla ka gona, ni kuhatima ka Jehova ku tata a tabernakeli,

Kuvululelwa 19:1

Anzhako ka lezo nzi lozwa a ku khwatsi i gezu ga hombe le tilweni, giku: Haleluya! A kuhanyisa, ni wudzunzo, ni ntamu zi lumba Nungungulu wa hina; Xip. 4:11; 7:10, 12; 11:15

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Johani 5:23

kasi vontlhe va fela kuva ni xichawo hi Nʼwana, kota lezi va nga ni xichawo hi Dadani. Loyi a nga hiko na xichawo hi Nʼwana, a nga chavi ni Dadani loyi a mu rumileko. 1 Joh. 2:23

Johani 4:22

Nwina mu khozela lexi mu nga xi tiviko; hina hi khozela lexi hi xi tivako; hakuva a kuhanyiswa ku huma hi ka VaJuda. 2 Tih. 17:29; Isa. 2:3; Lu. 24:47

Luka 2:30

Hakuva a mahlo ya mina ma wonile a kuhanyisa ka wena, Isa. 52:10; Xip. 3:6

Luka 1:77

A kuva u tivisa vanhu va yona hi kuhanyiswa Kutsetselelweni ka zionho zabye,

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Jeremia 32:38

Vona va tava vanhu va mina, na mina nzi tava Nungungulu wabye.

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Jeremia 3:23

Hizinene hi tsumbile mahala a kuhanyiswa loku ku tako hi lomu migangeni, Ni ngholovanya ya lomu zitsungeni a yi vuni nchumu. Hizinene a kuhanyiswa ka Israeli kuta hi ka Jehova a Nungungulu wa hina.

Isaya 66:1

Jehova wa wula, aku: A tilo xitshamu xa mina xa wuhosi, A misava xikhegetelo xa mikonzo ya mina. I yindlu ya kuyini mu ta nga nzi akela yona, Wutshamu muni gi ta ngava wuhumulelo ga mina ke? 1 Tih. 8:27; Mat. 5:34; Miti. 7:48

Isaya 45:17

Kanilezi Israeli i hanyisilwe hi Jehova hi kuhanyisa ka pinzukelwa; Mu nga tava ni tingana ni ku kanganyiseka kala kupinzuka.

Tisimu 132:5

Kala nzi mu kumele wutshamu Jehova, A yindlu ya Nyamintamu wa Jakobe. 2 Sam. 7:2; 1 Kro. 17:1; Miti. 7:46

Tisimu 68:20

Ka hina Nungungulu hi Nungungulu loyi a hanyisako; Jehova a Hosi wa zi kota ku hanyisa kufeni. Kuv. 1:18

Tisimu 30:1

Jehova, nza ku dzumeleta, hakuva u nzi tsawule kueteni, A ku vumelangi valala va mina a ku maha migiyo hi kota ya mina.

Tisimu 28:8

Jehova i ntamu wa vanhu vakwe; I khokhola ga kuhanyiswa ka a totilweko wakwe.

Tisimu 22:10

Kusukela kupswalweni nzi wa hi mawokweni ya wena, U Nungungulu wa mina kusukela rumbyini ga mamani.

Tisimu 22:3

Kasi wena u basile, Wena loyi u tshamako xiluvelweni xa kudumisa ka Israeli.

1 Tihosi 8:27

Xana hakunene Nungungulu a nga tshama misaveni ke? Languta, a tilo ga matilo a gi zi koti ku ku kangatela wena; nguvunguvu a yindlu leyi nzi ku akeleko yona! Isa. 66:1; Jer. 23:24; Miti. 7:48

1 Tihosi 8:13

Hakunene mina nzi ku akele a yindlu, a wutshamu legi u ta nga tshama ka gona kala kupinzuka.

2 Samueli 22:51

Yena i ponisile a hosi yakwe hi kuhanyisa ka hombe, A kombisa wuxinji ka a totilweko wakwe, Ka Davida ni ka pswalo wakwe kala kupinzuka.

2 Samueli 7:5

Famba u ya byela Davida, a nanza ga mina, uku: Jehova i ngalo: Kasi nzi ta akelwa hi wena a yindlu leyi nzi ta nga tshama ka yona ke?

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Va le Kolosi 2:9

Hakuva a kutala kontlhe ka wuNungungulu ku tshamile ka yena hi miri. Isa. 9:6; Joh. 1:14; Rom. 9:5; Tit. 2:13

Genesisi 49:18

Jehova, nzi cuwukele ku tirulwa hi wena!

Valamuli 5:21

A congo wa Kixoni wu lo va kukuleta; A congo lowu wa kale, a congo wa Kixoni. O muhefemulo wanga, u kanzihele mintamu.

Tisimu 48:14

Hakuva Nungungulu loyi, i Nungungulu wa hina kala kupinzuka; I tava murangeli wa hina kala kufeni.

Habakuka 3:13

U humela ku ponisa a tiko ga wena, A ku hanyisa loyi a totilweko wa wena; U faya a langwa la yindlu ya vakubiha, U khungumula a yindlu kala xiseketelweni. (Sela.)

Eksodusi 6:7

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

2 Samueli 7:24

Wena u ti yimisele a vanhu va wena va ka Israeli a kuva va wena kala kupinzuka; hikwalaho wena Jehova u mahile Nungungulu wabye.

2 Samueli 22:3

Nungungulu wa mina, a ribye ga mina legi nzi chavelako ka gona, A xitlhangu xa mina, ni limhonzo la kuhanya ka mina, Ni khokhola ga mina gi tlakukileko, ni wuchavelo ga mina! Muhlanguti wa mina, u nzi hanyisako ka lava va nzi hlokisako. Lu. 1:69; Maheb. 2:13

1 Kronekele 16:14

Yena Jehova i Nungungulu wa hina; A kulamula kakwe ku kona misaveni yontlhe.

Tisimu 118:21

Nza ku bonga hakuva u nzi zwile, U nzi hanyisa.