Eksodusi 14:21 - Tshwa Bible

²¹ Zonake Mosi i lo nawuluta a canja gakwe hehla ka bimbi, Jehova a tlhelisa a bimbi hi mheho ya ntamu ya Mutsuwuka-gambo, yi nga wa pupuxa wusiku gontlhe a pswhisa bimbi, a mati ma avanyeka hi laha xikari. Jox. 4:23; Isa. 63:12

Eksodusi 14:21 Referans Kwoze

Isaya 63:12

Loyi a nga fambisa a woko gakwe ga wukulu le reveni ga xinene ga Mosi, Loyi a nga avanyisa mati mahlweni kabye kasi ku ti mahela a vito ga pinzukelwa?

Eksodusi 15:8

Hi kuhefemula ka tinhovu ta wena, a mati ma lo tsemeka, A mati lawa ma khulungako ma yimisilwe ma maha nhulu; A mabyandlati ma 16 woma xikari ka bimbi.

Tisimu 66:6

I hunzulusile bimbi a gi maha muhanza wu womileko, Va lo famba hi milenge va tlatuka congo; Hi lo mu tsakela laho. Ekso. 14:21; Jox. 3:18

Isaya 51:10

A hi wena u nga womisa a bimbi, a mamati ya kueta; Loyi u bhoxileko a ndlela xikari ka bimbi go eta, Va famba ha yona a vanhu va hanyisilweko ke? Ekso. 14:22, 29

Tisimu 78:13

I lo avanyisa bimbi, a va tlhatukisa, A maha mati ma yima khwatsi i nhulu.

Tisimu 74:13

U avanyisile a bimbi hi ntamu wa wena, U faya a tihloko ta madrako laha matini. Ekso. 14:21; Isa. 51:9; Ezek. 29:3

Nehemia 9:11

U lo va avanyisela a bimbi, kasi va fela ku famba muhanzeni wa lomu xikari ka gona, kanilezi lava va nga wa va hlongolisa u va hoxa lomu kueteni ka gona, khwatsi i ribye gi hoxilweko matini ya ntamu.

Joxua 4:23

Hakuva Jehova Nungungulu wa nwina i lo pswhisa mati lawa ya Jordani mahlweni ka nwina mu kala mu tlhatuka, kota lezi Jehova Nungungulu wa nwina a nga maha hi Bimbi go Pswhuka legi a nga gi pswhisa mahlweni ka hina hi kala hi tlhatuka.

Tisimu 136:13

Loyi a nga avanyisa Bimbi go Pswhuka hi laha xikari, Hakuva a wuxinji gakwe ga kala kupinzuka.

Eksodusi 14:16

Kambe tlakusa a nhonga ya wena, u nawuluta a canja ga wena hehla ka bimbi, u gi avanyisa; a vanana va ka Israeli va ta famba xikari ka bimbi misaveni yi womileko.

Isaya 51:15

Hakuva nzi Jehova a Nungungulu wa wena, Loyi a vindlusako a bimbi lezaku ma gobhoza a mabyandlati ya gona; A vito gakwe hi Jehova wa tiyimpi.

Joba 26:12

Hi ntamu wakwe i lo avanyisa a bimbi; Hi wutlhari gakwe wa hlula kutikukumukisa ka gona.

Mitiro 7:36

Hi yena a nga va humesa, na a mahile a zirewukiso ni ziwoniso le Gipite, ni le Bimbini go Pswhuka, ni le xiwuleni hi 40 wa malembe. Ekso. 14:21; 16:1; 33:1

Genesisi 8:1

Na Nungungulu i lo alakanya Noa, ni zihari zontlhe, ni zifuyo zontlhe zi nga hi lomu tarwini; na Nungungulu i lo maha mheho yi pupuxa hehla ka misava, kasi a mati ma bohla.

Eksodusi 7:19

Jehova aku ka Mosi: Byela Aroni uku: Teka a nhonga ya wena, u tlakusa a canja ga wena hehla ka mati ya vaGipite, ni hehla ka micongo, ni hehla ka micongwana yabye, ni hehla ka mativa yabye, ni hehla ka tihlowo tabye, a mati ma ta hunzuka ma maha nkhata; ni nkhata wu tava kona tikweni gontlhe ga Gipite, ni lomu zibyeni zo vatliwa ni za maribye.

Eksodusi 14:20

A tlhelo ginwe a mhinga ya refu yi lo maha ntima, kanilezi a ginwani tlhelo yi lo woninga ni wusiku; hikwalaho a yimpi yinwe yi wa nga zi koti ku tshinela ka yinwani gontlhe wusiku.

Joxua 2:10

Hakuva hi zwile hi lezi Jehova a omisileko zotia a mati ya Bimbi go Pswhuka mahlweni ka nwina: xikhati lexo mu nga wa huma hi le Gipite, ni lezi mu mahisileko zona ka tihosi timbiri ta maAmori le tlhatuko wa Jordani, yena Sihoni na Ogi, lava mu va lovisileko.

Joxua 3:17

Ni vapristi lava va rwalako a nghaxa ya xivumelwano xa Jehova va lo yima vaku tseka hi mikonzo lomu ku omileko laha xikari ka Jordani, zonake vontlhe va ka Israeli va lo famba muhanzeni wu omileko, kala vontlhe vanhu va tlhatuka Jordani.

2 Tihosi 2:8

Zonake Elija i lo teka a nguwo yakwe a yi petsa, aba ha yona a mati ya congo, a mati ma avanyeka maya seno ni seno. Vona vambiri va lo tlhatuka muhanzeni wu womileko. Ekso. 14:21; Jox. 3:16

Isaya 23:11

I nawulutile a woko gakwe hehla ka bimbi, a tsekatsekisa mifumo, Jehova i nyikile zileletelo xungetano ni makhokhola ya Kanani, Lezaku ma khungumulwa.

Isaya 43:16

Ku wula Jehova loyi a bhoxileko ndlela lomu bimbini, Ni tisoko lomu matini ya hombe, Ekso. 14:21

Isaya 50:2

A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Isaya 63:13

Loyi a va rangeleko matshanwini ya kueta, kota haxi lomu xiwuleni, A ku kasi va nga khuveki?

Habakuka 3:8

Jehova a nga tsanwiswa hi micongo ke? U wa zangarela a micongo ke? Kutani u zangarela a bimbi, Lezi u khilelako a mahaxi ya wena, U famba hi tikareta ta wena ta ku hanyisa?

Joba 38:24

Hi yihi a ndlela leyi a kuwonekela ku avanyekako ha yona, Ni leyi a mheho ya Mutsuwuka-gambo, yi phuphuxako hehla ka misava?

Tisimu 148:8

A nzilo ni maralala, gapongo ni hunguva, Ni bhubhutsa leʼgi mahako kulaya kakwe;

Isaya 44:27

Hi mina nzi nge ngalo ka kueta ka bimbi, Pswhana! Nzi ta pswhisa a micongo ya wena.