Eksodusi 14:13 - Tshwa Bible

¹³ Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.

Eksodusi 14:13 Referans Kwoze

2 Kronekele 20:17

A hi nwina mu ta ngalwa yimpini leyi: nwina humani mu ya yima ntsena. Mu ta wona a kuhanyisa ka Jehova loyi a nga zinwe na nwina. Mu nga chavi nwina va ka Juda na nwina va le Jerusalema mu mbhela ntamu, manziko fambani mu ya va vuka, Jehova i tava zinwe na nwina. Ekso. 14:13

2 Kronekele 20:15

aku: Zwanani nwina nwentlhe vaJuda ni vaaki vontlhe va Jerusalema, na wena hosi Jehoxafate! Jehova i ngalo ka nwina: Mu nga chavi mu mbhela ntamu hi kota ya xidlemo lexi xa hombe nguvu, hakuva a yimpi leyi a hi ya nwina, kanilezi nja Nungungulu.

Eksodusi 14:30

Ka lego siku Jehova i lo hanyisa Israeli canjeni ga vaGipite, ni vaIsraeli va lo wona a zirumbi za vaGipite lomu mbhirini ya bimbi.

2 Tihosi 6:16

Yena i te ngalo: U nga chavi, hakuva lava va nga na hina va tele ku hunza lava va nga na vona.

Isaya 35:4

Wulani ka vona lava va nga ni hlenekera, muku: Tiyisani timbilu, mu nga chavi! Langutani, wata Nungungulu wa nwina, i ta mu photela, Wu nga wona nchachazelo wa Nungungulu; I tata a ta mu hanyisa.

Mikosi 3:26

Zi sasekile akuva munhu a rinzela hi kurula A kuhanyisa ka Jehova.

Hosea 13:4

Kasike mina nzi Jehova a Nungungulu wa wena kusukela kuhumeni ka wena a tikweni ga Gipite; u nga ta tiva munwani nungungulu ahandle ka mina, ahandle ka mina a ku na muhanyisi.

Habakuka 3:13

U humela ku ponisa a tiko ga wena, A ku hanyisa loyi a totilweko wa wena; U faya a langwa la yindlu ya vakubiha, U khungumula a yindlu kala xiseketelweni. (Sela.)

Isaya 43:11

Mina, hi mina Jehova, A handle ka mina a ku na muhanyisi.

Deuteronome 20:3

Ingisa Israeli! Mu longile inyamutlha a kulwa ni valala va nwina! A timbilu ta nwina ti nga mbheli ntamu, mu nga chavi, mu nga rurumeli, hambu ni ku dzukiswa ha vona;

Mitsengo 14:9

Ntsena mu nga ti alisi mu vukela Jehova; kambe mu nga chavi a vanhu va tiko lego, hakuva vona va ta kuva kuga ka hina. A va na wuponelo, hilezi Jehova i na hina; mu nga va chavi.

Genesisi 49:18

Jehova, nzi cuwukele ku tirulwa hi wena!

Jeremia 3:23

Hizinene hi tsumbile mahala a kuhanyiswa loku ku tako hi lomu migangeni, Ni ngholovanya ya lomu zitsungeni a yi vuni nchumu. Hizinene a kuhanyiswa ka Israeli kuta hi ka Jehova a Nungungulu wa hina.

Nehemia 9:9

Wena u wonile a kuxaniseka ka vararu va hina le Gipite, uzwa kurila kabye laha Bimbini go Pswhuka.

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Tisimu 3:8

A kuhanyisa kuta hi ka Jehova: A xikatekiso xa wena ngha xive hehla ka vanhu va wena. (Sela.) Isa. 43:11

Isaya 26:3

Loyi wa mbilu yi tiyileko u ta mu veka kuruleni, U ta mu nyika kurula hakuva i tsumba wena.

Mateu 28:5

A ngelosi yi lo wula ka vavasati, yiku: Mu nga chavi; hakuva nza zi tiva lezaku mu lava Jesu, loye a nga belelwe.

Isaya 30:15

Hakuva Hosi Jehova, a Wa ku Basa wa ka Israeli e ngalo: Loku mu tlhela ni loku mu rutisa mu ta kuma kuhanyiswa; a ntamu wa nwina mu ta wu kuma kuruleni ni kutsumbeni; kanilezi mu alile.

1 Kronekele 11:14

Va lo yima xikari ka simu va gi vikela, va hlasela vaFilistia, Jehova a va nyika kuhlula ka hombe.

Habakuka 3:8

Jehova a nga tsanwiswa hi micongo ke? U wa zangarela a micongo ke? Kutani u zangarela a bimbi, Lezi u khilelako a mahaxi ya wena, U famba hi tikareta ta wena ta ku hanyisa?

Hosea 13:9

A kulobyiswa ka wena Israeli, kuta hilezi u nzi vukeleko, mina loyi nzi nga muvuni wa wena.

Genesisi 46:3

Aku: Hi mina Nungungulu, Nungungulu wa raru wa wena; u nga chavi ku rura uya Gipite, hakuva leyo nzi ta ya ku maha a tiko ga hombe.

Eksodusi 20:20

Kanilezi Mosi aku ka vanhu: Mu nga chavi, hakuva Nungungulu i tile ku ta mu ringa, kasi a kuchabya kakwe kuva mahlweni ka nwina, kasi ma fela ku kala mu nga onhi.

1 Samueli 11:13

Kanilezi Saule i te ngalo: Cima ku nga tava kona wa ku dayiwe legi siku, hakuva inyamutlha Jehova i hanyisile Israeli.

1 Samueli 12:16

Makunu yimani laha, mu ta wona a xihlamaliso xa hombe, lexi Jehova a ta nga xi maha mahlweni ka nwina.

Isaya 7:4

Uku ka yena: Ti wonele, u rutisa; u nga chavi, ni mbilu ya wena yi nga mbheli ntamu hi kota ya zihunyana lezi zimbiri zi tuvikako musi, hikwalaho ka zanga ya Rezini ni ya Siria, ni ya nʼwana Remalia;

Genesisi 26:24

Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Tisimu 68:21

Kanilezi Nungungulu i ta faya a tihloko ta valala vakwe; A lipala la loyi a simamisako kugoheni kakwe.

Tisimu 78:53

A va rangela khwatsi, va nga chavi nchumu, Kanilezi a valala vabye va lo khubunyetwa hi bimbi. Ekso. 14:19

Tisimu 91:8

U ta cuwuka ntsena hi mahlo ya wena; U wona a nchachazelo wa vakubiha.

Hosea 1:7

Kanilezi nzi tava ni wuxinji ka yindlu ya ka Juda, nzi va ponisa ha Jehova a Nungungulu wabye; nzi nga ta va ponisa hi mawura, kutani tisupado ni kulwa, hambu mahaxi ni vakhileli va mahaxi.