Eksodusi 13:5 - Tshwa Bible

⁵ Laha Jehova a ta nga mu chiketa a tikweni ga Kanani, ni ga vaHiti, ni ga vaAmori, ni ga vaHivi, ni ga vajebusi, a tiko legi a hlambanyileko ka vararu va nwina a ku va nyika gona, a tiko ga masi ni wulombe; ka hweti leyi mu ta hlayisa ziyimiso lezi:

Eksodusi 13:5 Referans Kwoze

Eksodusi 3:8

Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18

Joxua 24:11

Nwina mu lo tlhatuka Jordani, mu chikela Jeriko. A va le Jeriko, ni maAmori, ni vaPerezi, ni vaKanani, ni vaHiti, ni vaGirgaxi, ni vaHivi, ni vajebusi va lolwa na nwina, kanilezi mina nzi lo va nyikela canjeni ga nwina.

Eksodusi 6:8

nzi ta mu yisa ka tiko legi nzi nga hlambanya nziku: Nzi ta gi nyika ka Abrahama, na Isaka, na Jakobe; nzi ta mu nyika gona, akuva tshomba ya nwina. Hi mina Jehova. Ezek. 20:5

Eksodusi 34:11

Hlayisa lezi nzi ku leletelako zona nyamutlha. Nzi ta hlongola mahlweni ka wena a vaAmori, ni vaKanani, ni vaHiti, ni vaPerezi, ni vaHivi, ni vajebusi.

Eksodusi 3:17

Mina nzi te ngalo: Nzi ta mu tlhatlhisa hlomulweni wa nwina wa Gipite, nzi mu yisa tikweni ga vaKanani, ni ga vaHiti, ni ga vaAmori, ni ga vaPerezi, ni ga vaHivi, ni ga vajebusi ka tiko ga masi ni wulombe.

Deuteronome 26:1

Laha u ta nga chikela a tikweni legi Jehova Nungungulu wa wena a ku nyikileko lezaku gi maha tshomba ya wena, ni loku u gi khozisile, na u akile ka gona,

Deuteronome 19:1

Laha Jehova Nungungulu wa wena a ta nga lovisa a matiko lawo Jehova Nungungulu wa wena a ku nyikileko tiko ga wona ku gi fumela, laha u ta nga va hlasela u va wutlela zabye, ni loku u akile lomu mitini yabye ni lomu tindlwini tabye, Ekso. 21:15; Jox. 20:2

Deuteronome 12:29

Laha Jehova Nungungulu wa wena a ta nga mbhetisa mahlweni ka wena a matiko lawa u ta nga ma hlongola, ni loku u tekile matiko yabye, na u akile ka wona,

Deuteronome 7:1

Laha Jehova Nungungulu wa wena a ta nga ku chiketa ka tiko legi u yako ka gona ku ya gi fumela, ni laha a ta nga panzanya mahlweni ka wena wontihe matiko lawa yo tala, a vaHiti, ni vaGirgaxi, ni vaAmori, ni vaKanani, ni vaPerezi, ni vaHivi, ni vajebusi, a ntlhanu wa matiko ni mambiri lawa ma ku hunzako hi wukulu ni ntamu, Ekso. 23:23

Mitsengo 32:11

Vontlhe a vanhu lava va humileko le Gipite, kusukela ka lava va nga ni 20 wa malembe ni ku hunza, cima va nga ta wona a tiko legi nzi hlambanyileko ka Abrahama, ni ka Isaka, ni ka Jakobe, hakuva a va nzi lanzelangi hi zinene;

Mitsengo 14:30

cima mu nga ta enghena ka tiko legi nzi hlambanyileko lezaku nzi ta mu veka ka gona, ntsena Kalebi a nʼwana wa Jefuna, na Joxua a nʼwana wa Nuni.

Mitsengo 14:16

Jehova i tsanzekile ku enghenisa a vanhu ka tiko legi a nga wa hlambayile lezaku i ta va nyika, makunu i va dele le xiwuleni. Deut. 9:28

Eksodusi 33:1

Zonake Jehova aku ka Mosi: Suka u famba, wena ni vanhu lava u va humesileko le Gipite, uya ka tiko legi nzi hlambanyileko lezaku nzi ta gi nyika ka Abrahama, na Isaka, na Jakobe, na nzi te ngalo: Nzi ta gi nyika ka pswalo wa wena.

Genesisi 50:24

Zonake Josefa aku ka vanakulobye: Mina nzafa; kanilezi Nungungulu i ta mu enzela, hakunene i ta mu humesa ka legi tiko, a mu yisa tikweni legi a nga hlambanya ka Abrahama, na Isaka, na Jakobe, lezaku i ta va nyika gona.

Genesisi 26:3

Tshama tikweni legi, nzi tava na wena, nzi ku katekisa; hakuva wontihe laya matiko nzi ta ma nyika ka wena ni ka pswalo wa wena, nzi ta tiyisa xifungo lexi nzi nga hlambanya ka Abrahama a raru wa wena.

Eksodusi 12:24

Nwina mu ta hlayisa zileletelo lezi, zona zi tava xiyimiso ka nwina ni ka vanana va nwina kala kupinzuka.

Eksodusi 13:10

U ta hlayisa a xiyimiso lexi hi xikhati xa xona, ka malembe wontihe.

Eksodusi 13:11

Laha Jehova a ta nga ku chiketa a tikweni ga vaKanani, kota lezi a hlambanyileko ka wena ni ka vararu va wena, a ku ku nyika gona,

Eksodusi 32:13

Alakanya Abrahama, na Isaka, na Israeli, a malanza ya wena, lava u nga hlambanya ka vona uku ngalo: Nzi ta anzisa a pswalo wa nwina; wu ta kota tinyeleti ta tilo; nzi ta nyika ka pswalo wa nwina gontlhe tiko legi nzi gi wulileko, va ta gi fumela kala kupinzuka, Gen. 12:7; 15:5; Maheb. 6:13

Levi 20:24

Nzi sina nzi mu byelile lezaku: Nwina mu taya fumela a tiko gabye, nzi ta mu nyika gona giva tshomba ya nwina; a tiko gi khulungako masi ni wulombe. Hi mina Jehova, Nungungulu wa nwina, loyi nzi mu hambanyisileko xikari ka matiko.

Mitsengo 11:12

Xana nzi mina dadani ni mamani wa vanhu lava vontlhe ke? Kutani nzi va pswalile, laha u nga ta ngha uku ka mina: va beleke khwatsi hilezi mupswali a belekako a nwanana loyi a mu anwisako, kala va chikela tikweni legi u tsumbisileko vararu vabye ke?

Mitsengo 13:27

Va lo hlawutela a mahungu ka Mosi, vaku: Hi yile ka tiko legi u hi rumileko ka gona; hakunene i tiko gi khulungako masi ni wulombe, a mihanzu ya kona hi yaleyi.

Jeremia 11:5

kasi nza tiyisa a xifungo lexi nzi xi hlambanyileko ka vararu va nwina: xa ku va nyika a tiko gi khulungako masi ni wulombe, kota lezi ku nga ha zona nyamutlha. Zonake nzi lo hlamula, nziku: Amen, O Jehova!

Jeremia 32:22

U va nyikile tiko legi u nga gi hlambanya ka vararu vabye lezaku u ta va nyika gona, a tiko gi khulungako a masi ni wulombe;

Ezekieli 20:6

A siku lego nzi lo tsumbisa hi ku hlambanya lezaku nzi ta va humesa tikweni ga Gipite nzi va yisa tikweni legi nzi gi hlawuleleko vona, legi gi khulungako a masi ni wulombe, gi sasekileko ku hunza wontihe matiko.

Eksodusi 6:4

Mina nzi yimisile a xivumelwano xa mina zinwe na vona xa kuva nzi va nyika a tiko ga Kanani, a tiko legi va nga wa luvele ka gona.

1 Kronekele 1:15

ni vaHivi, ni vaAraki, ni vaSini,