Eksodusi 12:14 - Tshwa Bible

¹⁴ Lego siku gi tava xialakanyiso ka nwina; mu ta gi hlayisa giva siku ga ximuse ka Jehova zizukulwaneni zontlhe za nwina: ku tava xiyimiso xa kala kupinzuka.

Eksodusi 12:14 Referans Kwoze

2 Tihosi 23:21

A hosi yi lo leletela vanhu vontlhe, yiku: Mahani a Pasika ya Jehova Nungungulu wa nwina, khwatsi hi lezi ku tsalilweko lomu bhukwini ga xivumelwano. Ekso. 12:3; Deut. 18:2

Eksodusi 12:24

Nwina mu ta hlayisa zileletelo lezi, zona zi tava xiyimiso ka nwina ni ka vanana va nwina kala kupinzuka.

Eksodusi 12:17

Mu ta hlayisa a mubuzo wa zibaba zi nga hava comelo, hakuva ka siku lego nzi lo humesa mabandla ya nwina tikweni ga Gipite; mu ta hlayisa siku lego zizukulwaneni za nwina, ku tava xiyimiso xa kala kupinzuka.

Eksodusi 12:43

Zonake Jehova aku ka Mosi na Aroni: A xiyimiso xa Pasika hi lexi: Ngha ku nga hi kona muluveli xikari ka nwina a ta ngaga Pasika;

Mateu 26:13

Hizinene nzi ngalo ka nwina: Kani hi kwihi laha misaveni laha a ivangeli leyi yi ta nga kanetwa kona, ku ta kanetwa ni lexi a xi mahileko loyi wasati, lezaku a alakanyiwa ha xona.

Tisimu 135:13

Jehova, a vito ga wena gi simamisa kala kupinzuka, Jehova, u ta alakanyiwa zizukulwaneni zontlhe.

Tisimu 111:4

I mahile lezaku a mitiro yakwe yi fela ku alakanyiwa; Jehova ngwa tipswalo, i tele hi wuxinji.

Deuteronome 16:11

U ti tsakela mahlweni ka Jehova Nungungulu wa wena zinwe ni mufana wa wena, ni nhanyana wa wena, ni nanza ga wena ga xinuna ni ga xisati, ni muLevi loyi a nga xikari ka muti wa wena, ni muluveli, ni xisiwana, ni noni, lava va nga xikari ka nwina ka wutshamu lego Jehova Nungungulu wa wena a ta nga gi hlawula ku veka vito gakwe laho;

Deuteronome 16:1

U ta hlayisa a hweti ya Abiba u mahela Jehova Nungungulu wa wena a Pasika, hakuva a hweti ya Abiba hi yona a hweti leyo Jehova Nungungulu wa wena a ku humesileko ha yona ni wusiku le Gipite.

Eksodusi 5:1

Anzhako ka lezo Mosi na Aroni va loya ka Faro, va yaku ngalo: Jehova, Nungungulu wa ka Israeli, i ngalo: Tsika a vanhu va ya nzi mahela a nkhozo le xiwuleni.

Luka 22:19

Yena i lo teka xibaba, laha na a bongile, i lo xi khema, a va nyika, aku: Lexi hi miri wa mina, lowu wu nyikelwako nwina; mahani lezo, mu nzi alakanya ha zona. 1 Kor. 11:24

Zakaria 6:14

Kanilezi a xidlodlo xi ta vekiwa tempeleni ya Jehova, xiva xialakanyiso xa Helema, na Tobija, na. Jedaia, na Heni, a nʼwana Zefania.

Ezekieli 46:14

Mixo ni mixo u ta nyikela zinwe na yona a munyikelo wa tinzhoho, a xipanze xa wuntlhanu ni xinwe xa efa ni xipanze xa wunharu xa hini ga mafura kasi ku xolovisa ha wona a tinzhoho. Lowu hi munyikelo wa zakuga ka Jehova wa xiyimiso xa simasima.

1 Samueli 30:25

Ku lo mahisa lezo kusukela lego siku kuya mahlweni, ku lo maha lezo; va lo zi maha xileletelo ni nayo lomu ka Israeli kala legi siku.

Joxua 4:7

Zonake mu ta va byela ku ngalo: A mati ya Jordani ma wa lo avanyeka mahlweni ka nghaxa ya xivumelwano xa Jehova; laha yona yi nga tlhatuka Jordani a mati lawa ya Jordani ma lo avanyeka, ni lawa maribye xialakanyiso xikari ka vanana va ka Israeli kala kupinzuka.

Mitsengo 18:8

Jehova i lo wulawula kambe ka Aroni, aku: Languta, zontlhe lezi zi basileko, lezi a vanana va ka Israeli va zi nyikelako ka mina, nzi ku nyikile wena. Nzi ku nyikile zona, kasi zi avelwa ka wena ni vana va wena, xi tava xiavelo xa kala kupinzuka.

Mitsengo 16:40

ziva xialakanyiso ka vanana va ka Israeli; kasi ku nga dzuki kuva ni munhu munwe loyi a nga hiko wa lixaka la ka Aroni a ta nga tshinela a nyikela a libani mahlweni ka Jehova, ku nga taku a kota Kora ni ntlawa wakwe, khwatsi hilezi Jehova a wulileko ka yena hi nomu wa Mosi.

Mitsengo 10:8

Mbapristi, a vana va Aroni, lava va ta ngaba mipunzu. Lexo xi tava xileletelo xa kala kupinzuka ka zizukulwana za nwina.

Eksodusi 12:6

Mu ta yi hlayisa kala siku ga wukhume ni mune ga hweti leyi; zonake yi ta tlhabyiwa laha gambyeni hi hlengeletano wontihe wa ka Israeli. Deut. 16:6

Eksodusi 23:15

U ta hlayisa a mutlhangano wa zibaba zi nga comelwangiko; ka masiku ya ntlhanu ni mambiri, hi hweti ya Abibi, u taga a zibaba zi nga comelwangiko khwatsi hilezi u leletelweko; hakuva hi yona a hweti leyi u nga huma ha yona le Gipite. Hikwalaho a vanhu va nga dzuki va woneka mahlweni ka mina na va nga hi na nchumu.

Levi 23:6

zonake hi siku ga 15 lomu ka hweti, mubuzo wa zibaba zi nga hiko na comelo, wu mahelwako Jehova; ntlhanu wa masiku ni mambiri mu taga zibaba lezi zi nga hiko na comelo.

Deuteronome 6:8

U ta yi boha lomu wokweni ga wena, xiva xialakanyiso xa wena, ni xikombiso a xikari ka mahlo ya wena.

Eksodusi 27:21

Aroni ni vanana vakwe va ta hlayisa a tabernakeli, hi le handle ka nguwo ya xisirelo, leyi yi nga le mahlweni ka Wumboni, kasi a tikandiya ti ta woninga mahlweni ka Jehova, kusukela gambyeni kala mixweni. Ku tava xilayelo xa kala kupinzuka ka zizukulwana za vanana va ka Israeli.

Mitsengo 15:15

Ku tava nayo munwe wa tlhangano, hi lezaku wa nwina ni wa muluveli loyi a akileko xikari ka nwina. Ku tava xileletelo xa kala kupinzuka ka zizukulwana za nwina; ku tava kota yinwe ka muluveli ni ka nwina mahlweni ka Jehova.