Eksodusi 10:4 - Tshwa Bible

⁴ Hakuva loku u beletela a vanhu va mina a kuya nzi khozela, manziko nzi ta humesa a humbi lomu tikweni gontlhe ga wena.

Eksodusi 10:4 Referans Kwoze

Kuvululelwa 9:3

Ku lo huma humbi hi lomu musini yita misaveni; yi lo nyikwa ntamu wo kota wa tihume ta misava. Ekso. 10:4; Vala. 7:12

Joeli 2:25

Nzi ta mu tlhelisela a malembe lawa ma nga giwa hi humbi, ni zidodwani, ni ziwungwani, ni bhanzala, zi nga hi yimpi ya mina leyi nzi nga yi rumela xikari ka nwina.

Mavingu 30:27

A humbi a yi na hosi, anilezi yi famba khatiginwe hi mabutho;

Eksodusi 9:18

manziko hi xwalexi xikhati, nzi ta nisa a vula ya maralala yo tshisa nguvu, leyi ya ku cima a mu se yi wona lomu tikweni ga Gipite, kusukela kusanguleni ka gona kala lezi.

Eksodusi 9:5

Jehova i lo yimisa xikhati, aku: Manziko Jehova i ta maha lezi zilo lomu tikweni.

Eksodusi 8:23

Mina nzi ta veka mbhingano xikari ka vanhu va mina ni vanhu va wena. Lexo xikombiso xi tava kona manziko.

Eksodusi 8:10

Faro aku: Manziko ni mixo. Mosi aku: A zive nghaho, kasi wena wa fela ku zi tiva lezaku a ku kona wo fanana na Jehova, Nungungulu wa hina.

Eksodusi 10:3

Zonake Mosi na Aroni va loya ka Faro va yaku ngalo kakwe: Jehova, Nungungulu wa maHeberu, i ngalo: U ta ala kala rini a ku ti koramisa mahlweni ka mina? Tlhatlha a vanhu va mina va ya nzi khozela.

Eksodusi 10:5

Yi ta fenengeta misava yontlhe, a vanhu va ta tsanzeka ni ku wona misava; a humbi yi taga lezi zi seleko, lezi zi nga pona maralala; yi taga ni tisinya tontlhe leti ti mitileko masinwini ya nwina.

Deuteronome 28:38

U ta byala a mbewu yo tala le masinwini ya wena, kanilezi u ta tshovela zitsongwani, hakuva a humbi yi ta yi mbheta.

Eksodusi 4:23

Nzi ngalo ka wena: Tlhatlha nʼwana wa mina, a ya nzi khozela; kanilezi loku u ala ku mu tlhatlha a famba, nzi ta daya a nʼwana wa wena wa matewula.

Eksodusi 5:1

Anzhako ka lezo Mosi na Aroni va loya ka Faro, va yaku ngalo: Jehova, Nungungulu wa ka Israeli, i ngalo: Tsika a vanhu va ya nzi mahela a nkhozo le xiwuleni.