Danieli 9:25 - Tshwa Bible

²⁵ Hikwalaho, tiva u pima lezaku kusukela kuhumeni ka xileletelo xa ku tlhelisela ni ku aketa Jerusalema, kala ku chikela loyi a totilweko loyi a nga hosi, ku tava ni ntlhanu wa maviki ni mambiri; zonake hi 62 wa maviki a muti wu ta aketwa, wuva ni maruwa ni geva, hambu kuva ni zikhati za kukarateka.

Danieli 9:25 Referans Kwoze

Ezra 4:24

Zonake va lo kaketa a ntiro wa yindlu ya Nungungulu le Jerusalema; va lo tsika kala lembe ga wumbiri ga kufuma ka Dariusi a hosi ya le Persia.

Johani 4:25

A wasati aku ngalo kakwe: Nza zi tiva lezaku Messia wata, loyi a tibyako Kristu; loku a chikele, i ta hi tivisa zontlhe.

Johani 1:41

A kusangula i lo kuma nakulobye Simoni, aku kakwe: Hi mu kumile Messia, (hi kutlhamusela ku ngalo, Kristu).

Isaya 55:4

Langutani, nzi mu yimisile a kuva mboni ka vamatiko, A hosana ni murangeli wa matiko.

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Danieli 9:23

Na wa ha sangula ku khongela ku lo huma a xileletelo lexi nzi teleko ku ta ku byela xona, hakuva wa ranzeka nguvu. Hikwalaho xiyisisa a mhaka, u pima a muwoniso.

Danieli 8:25

Hi kota ya kutlhariha ka yona yi ta humelela hi mano ya yona; i ta ti kulisa mbilwini yakwe, a lovisa vanyingi lava va tshamekileko. Kambe i ta vukela a hosi ya tihosi, kanilezi i ta tshobyiwa na ku nga hi woko ga munhu.

Nehemia 6:15

Zinghaho a ligingisi li lo mbhela hi siku ga 25 ga hweti ya Eluli, ku maha 52 wa masiku.

Nehemia 4:8

Vontlhe va lo tlhangana va boha xikungo xa kulwa ni Jerusalema, ni ku vuxa a vilinganya mutini lowo.

Nehemia 3:1

Zonake mupristi wa hombe Eliaxiba i lo suka ni vanakulobye, a vapristi, va aka a nyangwa ya Tiyivu; va lo yi basisa, va yi vekela tivati ta kona; va tlhela kambe va aka a ligingisi kala le khokholeni ga Hamea, Va gi basisa, kala va ya chikela khokholeni ga Hananeli. Jer. 31:38

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Mitiro 5:31

Kanilezi Nungungulu i lo mu tlakusa hi canja gakwe ga xinene, a kuva Hosi ni Muhanyisi, kasi ku nyika kuhunzuluka ka Israeli, ni kutsetselelwa ka zionho. Xip. 2:33; Fil. 2:9; Isa. 9:6; Ezek. 34:24; Mat. 1:21; Efe. 1:7

Mitiro 3:15

mu daya a Hosi ya wutomi; kanilezi Nungungulu i mu vuxile hi ka vafileko; hina hi vakustumunyu va lezo.

Marku 13:14

Kanilezi laha na mu wona a manyalataniso ya mbhangalakasa na ma yimile laha ku nga faneliko (ngha loyi a gonzako a pima), zonake lava va nga le Judia a va chavele zitsungeni; Dan. 9:27; Mat. 24:15; Lu. 21:21

Mateu 24:15

Hikwalaho, loku mu wona a manyalataniso ya mbhangalakasa, lawa ma nga kanetwa hi muprofeti Danyeli, na ma yimile wutshanwini go basa (loyi a gonzako lezi ngha a pima), Dan. 9:27; Mar. 13:14; Lu. 21:20

Danieli 8:11

Ina, li lo ti kulisa ni mahlweni ka Nduna ya yimpi leyo, li yi tekela a munyikelo wa kuhiswa wa simasima, ni wutshamu ga yona ga kubasa gi lo khungumulwa. Mitse. 28:3

Tisimu 71:10

Hakuva a valala va mina va wulawula ha mina, Lava va nyanimelako a wutomi ga mina va maha gujeguje,

Ezra 7:8

I lo chikela Jerusalema hi hweti ya wuntlhanu ya lembe ga wu 7 ga kufuma ka hosi.

Ezra 7:1

Anzhako ka lezo, hi xikhati xa kufuma ka Artaxerxesi a hosi ya le Persia, Ezra nʼwana Seraia wa Azaria wa Hilkia,

2 Samueli 15:25

Zonake a hosi yi te ngalo ka Zadoki: Tlhelisa a arke ga Nungungulu le Jerusalema. Loku mina nzi kuma thomo mahlweni ka Jehova, i ta nzi tlhelisa a ya nzi kombisa gona ni yindlu yakwe.

Va le Efesusi 5:16

Tirisani xikhati, hakuva masiku ma bihile.

Mitiro 8:30

Filipu i lo tsutsuma, a muzwa na a kari a gonza a bhuku ga muprofeti Isaya, aku ngalo: Xana wa zi pima lezi u zi gonzako ke?

Mateu 13:23

Kanilezi loyi a nga xwanyiwa misaveni yo saseka, hi yena loyi a zwako mhaka, a yi pima; yena wa pswala mihanzu, a munwani i pswala hi 100, a munwani hi 60, ni munwani hi 30.

Nehemia 4:2

I lo wulawula mahlweni ka vanakulobye ni ka yimpi ya Samaria, aku: Zini yi mahako mikoxa leyi ya vaJuda? Hi ta va tsika va vuxa a ntamu wabye ke? Va ta maha miphahlo ke? Va ta mbheta ntiro lowu hi siku ginwe ke? Va ta vuxa a maribye lawa ma mahileko tinhulu ta fenze hi ku hisiwa hi nzilo ke?

Mutshawuteli 3:3

ku nani xikhati xa ku daya, ni xikhati xa ku chuma; a xikhati xa ku khungumula, ni xikhati xa ku aka;

Mika 5:1

Makunu tsombanyisa a mabutho ya wena, wena nhanyana wa tiyimpi! Va hi ranzele matlhelo wontlhe; vaba a hlaya ya mulamuli wa ka Israeli hi nhonga.