Danieli 9:20 - Tshwa Bible

²⁰ Laha na nza ha kombela, nzi wulela zionho za mina ni za vanhu va mina a va ka Israeli, nzi veka mukhongelo wa mina mahlweni ka Jehova a Nungungulu wa mina xungetano ni xitsunga xi basileko xa Nungungulu wa mina;

Danieli 9:20 Referans Kwoze

Tisimu 145:18

Jehova i kusuhi ni vontlhe lava va mu khongelako, Lava va mu vitanako hi zinene.

Va le Roma 3:23

hakuva vontlhe va onhile, va vumala a kuhatima ka Nungungulu. Gal. 3:22

Isaya 58:9

Zonake Jehova i ta ku hlamula loku u kombela, Ni loku u vitana, yena i taku: Nzi laha! Loku u susa miyoka xikari ka wena, Ni loku u tsika ku lumbeta hi titiho ni ku wulawula kubiha,

Danieli 9:16

Hosi, hi kota ya kululama ka wena kontlhe, hi nga susa a zanga ya wena ni khulo ga wena mutini wa Jerusalema, a xitsunga xa wena xa kubasa. Hakuva Jerusalema ni vanhu va wena va mahile xiruko ka vontlhe lava va hi ranzeleko hi kota ya zionho za hina ni zigoho za vadadani va hina.

Isaya 65:24

Ku ta maheka lezaku na va nga se ku vitana nzi ta va hlamula, Ni loku va ha wulawula nzi ta ingisa. Gen. 24:15; Dan. 9:23; Mat. 7:7

Isaya 6:5

Zonake mina nziku: Khombo ka mina, nzi lovile! hakuva nzi munhu a nga ni milomu yi nga hlazekangiko, na nzi akile xikari ka vanhu va nga ni milomu yi nga hlazekangiko, hakuva a mahlo ya mina ma wonile a Hosi, Jehova wa tiyimpi.

Tisimu 32:5

Nzi ku tivisile a kuonha ka mina, A kugoha ka mina a nzi ku fihlangi. Nzi te ngalo: Nzi ta vumela a zihambuko za mina ka Jehova; Zonake u tsetselele a nanzu wa kuonha ka mina. (Sela.) 2 Sam. 12:13; 1 Joh. 1:9

Kuvululelwa 21:10

Yi lo nzi yisa hi moya xitsungeni xa hombe xo leha, yi nzi kombeta Jerusalema a muti lowu wo basa, na wu relela hi le tilweni ka Nungungulu, Ezek. 43:5; Xip. 1:10; 17:3

Kuvululelwa 21:2

Nzi lo wona muti wo basa, a Jerusalema giswa, na gi relela hi le tilweni ka Nungungulu, na gi longisilwe kota muswika a bombiselweko nuna wakwe. Isa. 52:1; 2 Kor. 11:2; Maheb. 12:22

Jakobe 3:2

Hakuva hontlhe ha khubeka hi zilo zinyingi; loku munhu a nga khubeki hi kuwulawula, yaloye i munhu a mbheleleko, loyi a zi kotako ku khoma ni miri wakwe wontihe hi matomu. 1 Tih. 8:46; Mat. 12:37

Mitiro 4:31

Laha na va khongele, a wutshamu legi va nga tlhangene ka gona gi lo tsekatsekiswa, vona vontlhe va tatiswa hi Moya wa ku Basa, va kanela a mhaka ya Nungungulu hi kutiya. Xip. 2:2, 4; 16:26

Zakaria 8:3

Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.

Danieli 10:2

A masikwini lawa mina Danieli nzi wa maha hlomulo maviki manharu.

Isaya 56:7

Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. 1 Tih. 8:41; Mat. 21:13; Lu. 19:46

Mutshawuteli 7:20

Hakuva a nga kona munhu a lulamileko misaveni, loyi a mahako kusaseka, a nga onhi nchumu.

Ezra 10:1

Makunu laha Ezra a nga wa ha khongela, a ti wulela na a kari a rila, na a khizamile mahlweni ka yindlu ya Nungungulu, ku lo tsombana kakwe a gotsovanyano wa hombe nguvu wa va ka Israeli, vavanuna ni vavasati ni vanana, hakuva a vanhu va lo rila hi kubayiseka ka hombe nguvu.

Nehemia 1:6

ngha a ndleve ya wena yi panga, ni mahlo ya wena ma vululeka, kasi wa fela kuzwa a mukombelo wa nanza ga wena, lowu nzi wu kombelako xikhati lexi, wusiku ni mumu, nzi kombelelako a vanana va ka Israeli, a malanza ya wena, na nzi wulela zionho zabye, lezi hi ku onheleko. Ina, mina ni vadadani va mina hi onhile.

Danieli 10:12

Zonake aku ka mina: Danieli, u nga chavi, hakuva kusukela a siku go ranga legi a mbilu ya wena yi nga pika ku pimisisa ni ku ti tsongahata mahlweni ka Nungungulu wa wena, a timhaka ta wena ti zwilwe; nzi tile hi kota ya timhaka ta wena.

Danieli 11:45

I ta gwimba matenda yakwe ya wuhosi xikari ka bimbi ni xitsunga xa kubasa leʼxo saseka nguvu. Kanilezi i taya gumelwa, a nga kona a to mu vunetela.