Danieli 9:16 - Tshwa Bible

¹⁶ Hosi, hi kota ya kululama ka wena kontlhe, hi nga susa a zanga ya wena ni khulo ga wena mutini wa Jerusalema, a xitsunga xa wena xa kubasa. Hakuva Jerusalema ni vanhu va wena va mahile xiruko ka vontlhe lava va hi ranzeleko hi kota ya zionho za hina ni zigoho za vadadani va hina.

Danieli 9:16 Referans Kwoze

Zakaria 8:3

Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.

Joeli 3:17

Zinghaho mu ta zi tiva lezaku hi mina Jehova a Nungungulu wa nwina, loyi nzi tshamako le Zioni xitsungeni xa mina xo basa. Zonake Jerusalema gi ta basa, a vamatiko va nga ta ha hunza hi gona. Isa. 52:1

Danieli 9:20

Laha na nza ha kombela, nzi wulela zionho za mina ni za vanhu va mina a va ka Israeli, nzi veka mukhongelo wa mina mahlweni ka Jehova a Nungungulu wa mina xungetano ni xitsunga xi basileko xa Nungungulu wa mina;

Tisimu 31:1

Jehova, nza chavela ka wena; Ngha nzi nga wiswi tingana ni siku ni ginwe; Nzi tlhatlhise hi kululama ka wena.

Tisimu 79:4

Hi mahile a xiruko ka vaakelwane va hina, Hi maha a tseketselo ni xihlekiso ka lava va hi ranzelako.

Tisimu 71:2

Nzi ponise kululameni ka wena, u nzi hlanguta; Phuhunha a ndleve ya wena ka mina, u nzi hanyisa.

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

1 Johani 1:9

Loku hi vumela a zionho za hina, Nungungulu i tsumbekile ni kululama, lezaku a hi tsetselela a zionho za hina, ni ku hi hlaza kontlhe a kungalulami. Tis. 32:5; 51:2; Mat. 28:13

2 Va le Tesalonika 1:6

Hakuva xilo xi lulamileko ka Nungungulu ku tlhelisela hlomulo ka lava va mu xanisako. Kuv. 6:10

Ezekieli 5:14

Tlhatakumbiri nzi ta ku maha xiwula ni xiruko xikari ka matiko lawa ma ku ranzeleko a kuwoneni ka vontlhe vahunzi.

Jeremia 32:32

hi kota ya kubiha kontlhe ka vana va Israeli ni vana va ka Juda, loku va ku mahileko kasi ku nzi zangarisa, vona ni tihosi tabye, ni tihosana tabye, ni vapristi vabye, ni vaprofeti vabye, ni vanhu va ka Juda ni vaaki va Jerusalema. Neh. 9:34; Dan. 9:8

Jeremia 29:18

Nzi ta va hlongolisa hi supado, ni ndlala, ni ntungu; nzi ta va maha a xichaviso xikari ka mifumo yontlhe ya misava, ni kuva xiruko, ni xirewukiso ni xihlekiso, ni xixovo a ka wontihe matiko nzi to va hangalasela ka wona;

Jeremia 24:9

A ka matlhelo wontihe va tava xichaviso ni khombo a ka matiko wontihe ya misava, va tava xihlekiso, ni vingu, a xixovo, ni xiruko lomu nzi ta nga va hangalasela kona. Deut. 28:25; 1 Tih. 9:7

Tisimu 143:1

Jehova, zwana mukombelo wa mina, Kangatela ndleve ka mikombelo ya mina. Nzi hlamule hi kutsumbeka ka wena ni kululama ka wena.

Tisimu 41:13

A bongiwe Jehova, a Nungungulu wa Israeli, Kusukela kupinzukeni kala kupinzuka! Amen, Amen!

Nehemia 9:8

u kuma mbilu yakwe na yi kholekile mahlweni ka wena, u maha naye xivumelwano xo nyika vana vakwe a tiko ga maKanani, ni ga vaHiti, ni ga vaAmori, ni ga vaPerizi, ni ga vajebusi, ni ga vaGirgaxi, u tlhela u tatisa timhaka ta wena; hakuva wena u lulamile.

1 Samueli 2:7

Jehova wa vanga wusiwana, wa fumisa; Jehova wa tsongahata, ni kambe wa tlakusa.

Tisimu 85:4

Hi hunzulukele, Nungungulu wa kuhanyiswa ka hina, U tsika ku hi zangarela.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Jeremia 32:31

Hakuva lowu muti wu vindlusile a zanga ya mina ni xiviti xa mina a kusukela a siku lego va nga wu aka kala nyamutlha lezi; kasi nza fela ku wu susa mahlweni ka mina,

Danieli 11:45

I ta gwimba matenda yakwe ya wuhosi xikari ka bimbi ni xitsunga xa kubasa leʼxo saseka nguvu. Kanilezi i taya gumelwa, a nga kona a to mu vunetela.

Tisimu 89:51

Jehova, alakanya a kutseketsela ka valala va wena, Lezaku va tseketselisa kuyini a mabatha ya mikonzo ya a totilweko wa wena.

Ezekieli 22:4

U na ni nanzu hi nkhata lowu u wu halatileko; u ti nyenyezisile hi zifananiso lezi u zi mahileko; u tshinetile a magumo ya masiku ya wena ni ya malembe ya wena. Hikwalaho nzi ku mahile a xiruko xikari ka vamatiko ni xihlekiso xa matiko wontihe.