Danieli 9:13 - Tshwa Bible

¹³ A khombo gontlhe legi gi hi wele khwatsi hilezi ku tsalilweko nayweni wa Mosi. Kanilezi a hi kombelangi a wuxinji ga Jehova a Nungungulu wa hina, hi ku tsika zigoho za hina, hi chela kota hi zinene za wena.

Danieli 9:13 Referans Kwoze

Danieli 9:11

A vaIsraeli vontlhe va hambunyetile a nayo wa wena, va ku fularela, va nga ingisi a gezu ga wena. Hikwalaho a nzhukano yi chululwe hehla ka hina, ni xifungo lexi xi tsalilweko nayweni wa Mosi a nanza ga Nungungulu, hakuva hi mu onhele. Levi 26:14; Deut. 27:15; 28:15

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Isaya 9:13

Kanilezi a vanhu a va tlhelelangi ka loyi a va bako, Ge, hambu ku lava Jehova wa tiyimpi.

Hosea 7:10

A matshanza ya Israeli ma mu ranisa; kanilezi a va se nga hunzulukela ka Jehova a Nungungulu wabye, kambe a va mu lavi.

Jeremia 31:18

Nzi zwile Efraime ku ti tsetsa, aku: U nzi tsayisile, nzi kwapiwa A ku fanana ni nkuzana yi nga tolovelangiko a muyoko; Nzi hunzuluse, kasi nza wuya, Hakuva hi wena Jehova Nungungulu wa mina.

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Tisimu 119:27

Nzi pimise a ndlela ya zileletelo za wena, Zonake nzi ta gugutsela hi zihlamaliso za wena.

Joba 36:13

Kanilezi a va timbilu ta wukhohlisi, va ti veketelela zanga, A va kombeli ku vuniwa loku yena a va boha.

Jakobe 1:5

Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23

Va le Efesusi 4:21

loku mu mu zwile, mu gonziswa ka yena, kota lezi a zinene zi nga ka Jesu.

Johani 10:35

Loku a va vitanile aku vanungungulu, vona lava a mhaka ya Nungungulu yi nga tile kabye (ni mitsalo a yi na ku fuva), Rom. 13:1

Johani 8:32

zonake mu ta tiva zinene, ni zinene zi ta mu tlhatlhisa. Rom. 6:14, 18, 22; 8:2; Jak. 1:25

Johani 6:45

Lomu bhukwini ga vaprofeti ku tsalilwe, ku ngalo: Vontlhe va ta gonziswa hi Nungungulu. Loyi a ingisileko Dadani, a gonza ka yena, wata ka mina. Isa. 54:13; Jer. 31:34; Mika 4:2

Luka 24:45

Zonake i lo vulula a kupima kabye, lezaku kasi va fela ku pima mitsalo; Miti. 16:14

Hosea 7:14

A va rili ka mina hi timbilu tabye, ntsena ku keta masangweni yabye. Va tsombanela mavele ni vinya, va nzi fularela.

Hosea 7:7

Vontlhe va hisa ku fanana ni njalo, vaga a Valamuli vabye; a tihosi tabye tontlhe ti wile, ku hava ni munwe a nzi khongelako.

Mikosi 5:21

Hi wuyise ka wena Jehova, kasi hi tlhelela ka wena; Hunzula masiku ya hina mava maswa khwatsi hi kusanguleni.

Jeremia 44:27

Nza va xiyelela kasi ku va mahela kubiha, na ku nga hi kusasa. A vanhu vontlhe va ka Juda va nga lomu tikweni ga Gipite va ta dawa hi supado ni ndlala, kala va mbhela.

Isaya 64:7

A ku na munhu a khongelako vitweni ga wena, Loyi a vukako kasi ku namarela ka wena; Hakuva u hi fihlele a nghohe ya wena, U hi tsika hifa zigohweni za hina.

Isaya 42:9

Langutani, lezi nzi zi wulileko zi mahekile, Makunu nza mu tivisa lezi za ziswa; Nzi mu byela na zi nga se ku chikela. A lisimu tiswa.

Tisimu 119:73

A mandla ya wena ma lo nzi maha, ma nzi wumba; Nzihe kupima kasi nza gonza zileletelo za wena.

Tisimu 119:18

Vulula mahlo ya mina, Kasi nza wona mahanjalati ya nayo wa wena.

Tisimu 85:4

Hi hunzulukele, Nungungulu wa kuhanyiswa ka hina, U tsika ku hi zangarela.

Deuteronome 29:4

Kanilezi kala lego siku Jehova a nga se mu nyika a mbilu ya ku pima ni mahlo ya ku wona, ni tindleve ta kuzwa. Isa. 6:10

Isaya 31:1

Khombo ka vona lava va relelako Gipite ku ya vuniwa, Lava va tsumbako mahaxi, Va tsumba tikareta hakuva tinyingi, Va tsumba vakhileli va mahaxi hakuva va nga ni ntamu, Kanilezi a va tsumbi Loyi a Basileko wa ka Israeli, Ge, hambu ku lava Jehova.

2 Tihosi 22:16

Nzi ta neha a khombo ka legi wutshamu ni hehla ka vanhu va gona, ti nga tona a timhaka tontlhe ta bhuku legi a hosi ya ka Juda yi gi gonzileko.

Isaya 43:22

Kanilezi wena Jakobe a ku nzi kombelangi, A ku ti karatangi ha mina, wena Israeli!

Isaya 64:6

Hina hontlhe hi fanana ni loye a nga hlazekangiko, Ni kontlhe kululama ka hina ku fanana ni nguwo yi nga ni chaka; Hina hontlhe hi wuna kukotisa matluka, Ni zigoho za hina za hi kukuleta ku fanana ni mheho.

Jeremia 30:14

A varanziwa va wena vontlhe va ku rivele, A va ku khataleli. Hakuva nzi ku porongetile kota nala, Hi tsayiso wu hlokisako; Hi kota ya wukulu ga kubiha ka wena, Ni wunyingi ga zionho za wena.

Jeremia 44:23

Hikuva mu hisile tibani, mu onhela Jehova, mu nga ingisi a gezu ga Jehova, mu nga hlayisi milayo yakwe ni zileletelo zakwe ni ziyimiso zakwe, hikwalaho mu welwe hi khombo legi kota lezi zi nga zona nyamutlha.

Ezekieli 16:43

Kota lezi u nga kala ku alakanya a masiku ya wuswa ga wena, kanilezi u nzi zangarisa hi zilo lezi zontlhe, hikwalaho nzi ta tlhelisela a zimaho za wena hehla ka hloko ya wena, ku wula Hosi Jehova. Zonake u nga ta ha maha wubemba legi zinwe ni manyalataniso wontihe ya wena.