Danieli 9:12 - Tshwa Bible

¹² I tiyisile a timhaka leti a nga ti wula ka hina, ni ka Valamuli va hina lava va nga hi lamula ni ku hi wisela a khombo ga hombe; hakuva lahasi ka tilo gontlhe a zi na nga maheka zo ringana ni lezi zi nga mahiwa ka Jerusalema.

Danieli 9:12 Referans Kwoze

Ezekieli 5:9

Nzi ta maha ka wena lezi nzi kalako nzi nga se ku zi maha, ni lezi nzi to kala nzi nga ha zi mahi kambe, hi kota ya wontihe a manyalataniso ya wena.

Mikosi 1:12

Xana a mu cheli kota ha zona, nwina vahunzi ke? A ha nga cuwukani, mu wona loku ku hi kona kuxaniseka kunwani ko ringana ni loku ku nzi weleko, Loku Jehova a nga nzi hlokisa ha kona hi siku ga khulo gakwe.

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Mikosi 2:17

Jehova i mahile lezi a zi xuvileko, I tatisile a mhaka yakwe leyi a nga yi leletela kaleloko; I khungumule, na a nga hi na kutsetsa; I tsakisile lava va ku vengako; a tlakusa a limhonzo la valala ya wena. Levi 26:14; Deut. 28:15

Mikosi 2:13

Nzi ta ku kustumunyela yini? nzi ta ku fananisa ni yini, wena nhwana wa Jerusalema? Nzi ta ku ringanisa ni yini, wena nhwana wa Zioni, kasi nza ku chavelela? Hakuva a mole wa wena ngwa hombe ku fana ni bimbi, himani a nga zi kotako ku ku chuma?

Joba 12:17

Wa yisa masungukati makhotsweni na va phangilwe, A Valamuli a va maha zipumbu.

Va le Roma 15:8

Hakuva mina nza mu byela lezaku Kristu i lo maha nanza ga lava va zitshiva, kasi ku kombisa a zinene za Nungungulu, ni ku tiyisa a zitsumhiso lezi va nga tsumbisiwa zona a vakokwani; Mat. 15:24; Joh. 1:11; Miti. 3:25, 26; 2 Kor. 1:20

Luka 21:22

Hakuva lawa hi masiku ya kuphota, kasi zontlhe lezi zi tsalilweko zi fela ku tatiseka. Dan. 9:26; Zak. 11:1

Marku 13:19

hakuva lawo masiku ma tava ni kuxaniseka, loku ku nga ngha ku nga hi kona hi kusanguleni ka tiko legi Nungungulu a nga gi vanga kala lezi, cima ku nga tava kona. Dan. 9:26; Mat. 24:21

Mateu 24:21

hakuva hi xikhati lexo ku tava kona a kuxaniseka ka hombe, loku ku nga ngha ku nga hi kona hi kusanguleni ka misava kala makunu, cima ku nga ta ku va kona kambe. Dan. 9:26; Joeli 2:2

Mateu 5:18

Hizinene nziku ka nwina: Ku ta kala ku hunza a tilo ni misava, na cima ku nga fuvangi a nzhatana munwe kutani xidokho xinwe xa nayo, kala zontlhe lezi zi maheka. Lu. 16:17

Zakaria 1:8

Nzi wonile munhu ni wusiku na khilele a haxi go pswhuka, na yimile xikari ka tisinya ta mirta ti nga hi lomu nzhelelweni; lenzhako kakwe na ku hi ni mahaxi yo pswhuka, ni yo swuswuluka, ni yo basa.

Zakaria 1:6

Kanilezi a timhaka ta mina ni zilayelo za mina, lezi nzi nga zi leletela ka vaprofeti a malanza ya mina, a zi kamanyetangi a vadadani va nwina ke? kasi va hunzuluka, vaku: Khwatsi hilezi Jehova wa tiyimpi a xuvileko ku maha zona ka hina, maringano ni tindlela ta hina ni zimaho za hina, i hi mahele lezo.

Amosi 3:2

Hi nwina nwece nzi mu hlawulileko xikari ka yontlhe mingango yi nga laha misaveni; hikwalaho nzi ta mu tsayisa hi kota ya zigoho zontlhe za nwina. Ekso. 19:5; Deut. 4:20

Joeli 2:2

I siku ga munyama ni kuphuma, a siku ga marefu ni munyama wu phumileko, gata khwatsi wuronga gi wonekako xitsungeni. Vata a vanhu va tiko ga hombe ga ntamu, legi ni kale a ku na ngava kona go fanana nago, ge hairibu ni nzhako ka gona ku nga ta kuva kona go fanana nago, kala ka malembe ni malembe ya zizukulwana.

Ezekieli 13:6

A miwoniso yabye nja hava, va vumba mawunwa, lavo va nge ngalo: Ku wula Jehova. Jehova a nga va rumangi, kanilezi va tsumba lezaku a gezu gabye gi ta tatiseka.

Mikosi 4:6

Hakuva a xionho xa nhanyana wa tiko ga mina xa hombe ku hunza xionho xa Sodoma, Loyi a nga lobyiswa hi xitshuketi, na a nga tlhatekiwangi mandla ya munhu.

Mavingu 8:16

Hi kota ya mina a tihosana ta fuma, ahombe ni vontlhe valamuli va misava.

Tisimu 148:11

Tihosi ta misava, ni wontihe matiko; Tihosana, ni Valamuli vontlhe va misava;

Tisimu 2:10

Hikwalaho, tlharihani nwina tihosi, Na nwina valamuli va misava, ngha muva lava mu lulekilweko.

1 Tihosi 3:9

Hikwalaho nyika a nanza ga wena a mbilu ya ku tivisisa ku lamula vanhu va wena, kasi nza fela ku tiva ku hambanyisa kusasa ni kubiha. Hakuva himani a nga zi kotako ku lamula a vanhu va wena vo tatisa lezi?

Jeremia 30:7

Yowe, mina zanga! A siku legi ga hombe, A ku na ginwani go fanana nago. Xikhati xa khombo a ka Jakobe, Hambu zi hi tano, i ta pona ka xona. Joeli 2:11; Am. 5:18; Zef. 1:15

Jeremia 32:23

va lota va gi khozisa, kanilezi a va ingisangi gezu ga wena, hambu a ku famba hi nayo wa wena; ni zontlhe lezi u nga va layile a ku zi maha, a va zi mahangi; u kala u va humesela wontihe makhombo lawa.

Jeremia 39:16

Famba u ya byela Ebed-meleki a muEtiopia, uku: Jehova wa tiyimpi, a Nungungulu wa Israeli i ngalo: Languta, nzi ta tatisa a timhaka ta mina hehla ka lowu muti hi kubiha, na ku nga hi kusaseka; ti ta tatiseka kuwoneni ka wena hi lego siku.

Jeremia 44:23

Hikuva mu hisile tibani, mu onhela Jehova, mu nga ingisi a gezu ga Jehova, mu nga hlayisi milayo yakwe ni zileletelo zakwe ni ziyimiso zakwe, hikwalaho mu welwe hi khombo legi kota lezi zi nga zona nyamutlha.

Danieli 12:1

Xikhatini lexo ku ta huma Mikaeli, a hosana leʼya hombe yi yimelako a vana va tiko ga wena; ku tava ni zikhati za zikarato lezi zi kalako zi nga se huma kusukela a kusanguleni ka mifumo kala xikhatini lexo. Xikhatini xwalexo a vanhu va wena va ta tlhatlhiswa, vontlhe lava va ta nga kunwa na va tsalilwe bhukwini. Mat. 24:1; Mar. 13:19

Zakaria 7:12

Va lo nonohisa timbilu tabye tiku khwatsi i daimani, lezaku va ngazwi a nayo ni timhaka leti Jehova wa, tiyimpi a nga ti rumele hi Moya wakwe hi nomu wa vaprofeti va kale; hikwalaho ku lo huma a zanga ya hombe hi ka Jehova wa tiyimpi.

2 Tihosi 22:16

Nzi ta neha a khombo ka legi wutshamu ni hehla ka vanhu va gona, ti nga tona a timhaka tontlhe ta bhuku legi a hosi ya ka Juda yi gi gonzileko.

Isaya 43:28

Hikwalaho nzi tsongahatile a tihosana ta yindlu yo basa, Nzi nyikele Jakobe a kuva a lobyiswa, Na Israeli a kuva a rukiwa.