Danieli 6:24 - Tshwa Bible

²⁴ Zonake hi kulayiwa ka hosi ku lo nehiwa a vavanuna lava va nga ranisa Danieli, va ta hoxiwa lomu nkeleni wa tinghala, vona ni vanana vabye ni vasati vabye. Vaku va nga se chikela lehasi ka nkele, a tinghala ti va khamukela ti tshoveletela a marambu yabye wontihe.

Danieli 6:24 Referans Kwoze

Isaya 38:13

Nzi miyele kala ni mixo, A ku khwatsi i nghala a fayetela marambu ya mina wontihe. Na ku nga se ku chikela wusiku u nzi mbhetile.

Estere 7:10

Zinghaho va lo cikita Hamani laha mhanzeni leyi a nga wa yi longisele Mordekai. Zonake a zanga ya hosi yi lo hohla.

Tisimu 54:5

Yi ta va tlhelisela kubiha lava va nzi xiyelelako, Va lovise, wena loyi u tsumbekako.

Estere 9:25

Kanilezi laha a mhaka yi nga chikela hosini, Estere i lo rumisa lezaku ku hangalaswa mapapilo yo vukela a xikungo lexi xi nga wa bohelwe vaJuda, ni lezaku xi wela hlokweni yakwe Hamani, yena ni vana vakwe va hayekiwa timhanzeni.

2 Tihosi 14:6

Kanilezi a nga dayangi a vanana va vadayi, khwatsi hi lezi ku tsalilweko bhukwini ga nayo wa Mosi, laha Jehova a leleteleko, aku: A vanana va nga dzuki va dawa hi kota ya vadadani, ni vadadani va nga dzuki va dawa hi kota ya vanana, hakuva munwe ni munwani i ta dawa hi kota ya zionho zakwe. Deut. 24:16; Ezek. 18:20

Deuteronome 24:16

A vapswali va nga ta dawa hi kota ya vanana, ni vanana va nga ta dawa hi kota ya vapswali; munhu ni munhu i ta dawa hi kota ya nanzu wakwe yena nwinyi.

Mavingu 11:8

A wa kululama wa tlhatlhiswa zikaratweni zakwe; wa kubiha a enghena wutshanwini gakwe.

Estere 9:10

va nga khume ga vana va Hamani nʼwana Hamedata, a nala wa vaJuda. Kanilezi a va na nga phanga nchumu.

Danieli 3:22

Khwatsi hilezi a xileletelo xa hosi xi nga wa tikisile, ni lezi a nzhimbo wu nga hunzelele ku hisa, a vavanuna lava va nga hoxa Xadrake na Mexake na Abed-nego lomu nzilweni va lo dawa hi malangavi ya wona,

Mavingu 19:9

A kustumunyu ya mawunwa yi nga ta pona ku tsayiswa; i loyi a hembako mawunwa i ta lova.

Jeremia 34:17

Hikwalaho Jehova i ngalo: Nwina a mu nzi ingisangi, a mu bangi hungu ga kutlhatlheka a munwe ni munwani ka makabye wakwe, ni munwe ni munwani ka muakelwane wakwe. Langutani, nza mu bikela kutlhatlheka, ku wula Jehova, nzi tlhatlha matlhari, ni ntungu, ni ndlala; nza mu nyikela mu xaniswa xikari ka yontlhe mifumo ya misava.