Danieli 5:23 - Tshwa Bible

²³ Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Danieli 5:23 Referans Kwoze

Joba 12:10

A mihefemulo ya zontlhe zi hanyako yi kona canjeni gakwe, Ni mimoya ya vanhu vontlhe.

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Jeremia 10:23

O Jehova, nza zi tiva lezaku a ndlela ya munhu a yi le ntanwini wakwe, Kambe a munhu a nga zi koti ku lulamisa a mazambo yakwe.

Isaya 37:23

Himani loyi u nga mu rukatela u mu tseketsela ke? U tlakusile a gezu ga wena ni mahlo ya wena hehla ka mani? U vukele Loyi a Basileko wa ka Israeli.

Isaya 2:12

Hakuva gi tava kona a siku ga Jehova wa tiyimpi, ga ku tsongahata ha gona laʼva matshanza ni laʼva ti kukumukisako, ni wihi loyi a tlakusilweko i ta reletwa. Isa. 40:4

Jeremia 50:29

Vitaneni vontlhe a vaweleli va mawura va ta vukela Babuloni, mu goveleni matlhelo wontihe, ku nga poni ni munwe. Mu tlheliseleni hi mitiro yakwe; zontlhe lezi a nga wa zi maha, mahaniwo zalezo kakwe, hakuva i wa ti kulisa mahlweni ka Jehova, a vukela Loyi a Basileko wa ka Israeli.

Mavingu 20:24

A mafambela ya munhu ma layiwa hi Jehova; munhu a nga zi kotisa kuyini ku pima tindlela takwe wutsumbu?

Joba 31:4

Yena a nga ti woni tindlela ta mina ke? A nga hlayi a zikanzihelo za mina zontlhe ke? 2 Kro. 16:9; Jer. 32:19

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.

Isaya 37:19

Ti hisile a vanungungulu va wona hi nzilo, hakuva va wa nga hi vanungungulu, yi wa hi mitiro ya mandla ya vanhu, ya tisinya ni maribye. Hikwalaho ti zi khungumulela.

Tisimu 139:3

U hlola kufamba ka mina ni kuetlela ka mina, U tiva tindlela ta mina tontlhe. Maheb. 4:13

2 Tihosi 14:10

Wena u hlulile Edomi, makunu a mbilu ya wena ya ti kukumukisa; tsaka hi wudumo ga wena u tshama kaya ka wena! Hi kuyini u ti vuxela hlomulo, laha ka kuva u ta nga hluliwa wena zinwe na Juda ke?

1 Timote 3:6

Ngha a nga hi loyi a ha sangulako ku kholwa, a nga taku a ti kukumukisa a koneka hi xionho xa Satani.

1 Va le Korinte 8:4

Hikwalaho xungetano ni kuga a zilo zi phahlelweko zifananisweni, ha zi tiva lezaku a xifananiso a hi nchumu laha misaveni, ni ku ngalo, a ku kona Nungungulu mumbe, munwe ntsena. Deut. 4:39; Isa. 41:24; 44:8

Mitiro 17:25

Tlhatakumbiri a nga tirelwi hi mandla ya vanhu, a ku khwatsi o vumala nchumu; kasi hi yena a va nyikako wutomi vontlhe, ni kuhefemula, ni zilo Zontlhe.

Habakuka 2:4

Languta, a muhefemulo wakwe wu kukumukile, a wu lulamangi nzeni kakwe. Kanilezi loyi a lulamileko! ta hanya hi kukholwa kakwe. Rom. 1:17; Gal. 3:11; Maheb. 10:38

Ezekieli 31:10

Hikwalaho Hosi Jehova i ngalo: Hakuva u ti tlakusile hi wukulu, u lehisa a tichoka ta yona xikari ka marefu, u ti kukumukisa hi kota ya kuleha ka yona;

Ezekieli 28:17

A mbilu ya wena yi wa ti kukumukisa hi kota ya wumbhuri ga wena, u lo lahlekelwa hi wutlhari ga wena hi kota ya kungangamela ka wena. Nzi ku hoxile lahasi, nzi ku veka mahlweni ka tihosi kasi ti fela ku ku wona.

Ezekieli 28:5

Hi wukulu ga wutlhari ga wena ni mabhinzu ya wena u anzisile a kufuma ka wena; a mbilu ya wena yi ti tlakusile hi kota ya kufuma ka wena.

Ezekieli 28:2

Nʼwana wa munhu, byela a hosana ya Tire, uku: Hosi Jehova i ngalo: Hakuva a mbilu ya wena yi ti tlakusile, u wuya uku: Mina nzi nungungulu, nzi tshamile xitshanwini xa nungungulu xikari ka mabimbi; kasilezo u munhu, a ku nungungulu, hambu lezi u yimisileko a mbilu ya wena ku fanana ni mbilu ya nungungulu. Isa. 31:3; Dan. 5:20; Miti. 12:22

Isaya 42:5

I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Isaya 33:10

Makunu nzi ta vuka, ku wula Jehova; Makunu nzi ta ti tlakusa, nzi ti kulisa.

Tisimu 146:4

Loku wu huma moya wakwe, a tlhelela ntshurini; Ku mbhela makungu yakwe hi gwalego siku. Gen. 3:19; Mutsha. 12:7

Tisimu 115:16

A matilo nja Jehova, Kanilezi a misava i yi nyikile ka vanana va vanhu.

Tisimu 104:29

Zi karateka loku u fihla a nghohe ya wena, Loku u susa moya wa zona, zafa, Zi tlhelela tshurini.

Valamuli 16:23

A tihosi ta maFilistia ti lo tsombana a ku ta maha a miphahlo ka nungungulu wabye Dagoni; va lo maha miphahlo ya hombe nguvu ni mibuzo, vaku: Nungungulu wa hina i hi nyikile Samsoni a nala wa hina mandleni ya hina.

Genesisi 14:19

I lo mu katekisa, aku: A katekiswe Abrama hi Nungungulu a nga Hehla-hehla, a nwinyi wa tilo ni misava.

Genesisi 2:7

Jehova Nungungulu i lo wumba munhu hi tshuri wa misava, ni ku mu pupuxela lomu tinhovini a muhefemulo wa kuhanya, ni munhu i lo maha xiwumbiwa xi hanyako. 1 Kor. 15:45, 47

Kuvululelwa 9:20

Kanilezi a vanhu lava va seleko, lava va nga kala ku dawa hi zixaniso lezi, a va hunzulukangi; a va tsikangi a mitiro ya mandla yabye, lezaku va nga ha khozeli madimoni, ni zifananiso za nzalama ni za siliva ni za suku ni za maribye ni za tisinya, lezi zi nga hiko na kuwona, ni kuzwa, hambu ni kufamba, Deut. 31:29; Tis. 106:37; Dan. 5:23

Isaya 13:11

Nzi ta tsayisa misava hi kota ya kubiha ka yona, Ni vakubiha hi kota ya kugoha kabye, Nzi fuvisa a matshanza ya laʼva ti kulisako, Nzi tsongahata laʼva ti kukumukisako.

Isaya 14:13

Hakuva a mbilwini ya wena u waku: Nzi ta kanziha tilweni, Nzi ta tlakusa xitshamu xa mina xa wuhosi hehla ka tinyeleti ta Nungungulu; Nzi ta tshama xitsungeni xa hlengeletano hi tlhelo ga Nwalungu.

Jeremia 48:26

Mu popiseni, hakuva i ti kulisile mahlweni ka Jehova. Moabi i ta puluwunza mahlateni yakwe, A maha xihlekiso na yenawu.

1 Samueli 17:26

Davida aku ka vavanuna lava va nga yimile laha kusuhani kakwe: Ve ngalo ku ta mahiwa yini ka munhu loye a ta nga daya a muFilistia loyi, a susa a nzhukano ka Israeli ke? Na ova mani a khuna legi ga muFilistia go kala gi tlangamela a mabutho ya Nungungulu a hanyako ke?

1 Samueli 17:36

Hikwalaho a nanza ga wena gi dele a nghala ni urso, zonake loyi muFilistia wa khuna i ta kotisa xinwe xa zona, hakuva yena wa tlangamela tiyimpi ta Nungungulu a hanyako.

Jeremia 50:28

A gezu ga lava va ponako tikweni ga Babuloni ga zwakala le Zioni, gi tlhatlhambutela, a ku ti photela ka Jehova, a Nungungulu wa hina, loyi a photelako a tempeli yakwe.

Danieli 8:11

Ina, li lo ti kulisa ni mahlweni ka Nduna ya yimpi leyo, li yi tekela a munyikelo wa kuhiswa wa simasima, ni wutshamu ga yona ga kubasa gi lo khungumulwa. Mitse. 28:3

Danieli 11:12

A xidlemo xi ta hlaselwa ku dawa mazana ya mazana; a mbilu ya hosi yi ta ti kukumukisa, kanilezi yena a nga ta hlula.