Danieli 5:11 - Tshwa Bible

¹¹ I kona wanuna lomu mufunweni wa wena a nga ni moya wa vanungungulu va basileko. A masikwini ya raru wa wena ku wa kumiwa ka yena a kuwonekela ni kupimisisa ni wutlhari go fanana ni wutlhari ga vanungungulu. Hosi Nebukadnezzare, a raru wa wena, i lo mu maha nduna ya tinʼanga ni vangoma ni titlhari ni zitumbe.

Danieli 5:11 Referans Kwoze

Danieli 4:18

Hi noro lowu nzi wu lorileko mina hosi Nebukadnezzare. Wena Beltexazzare, wu tlhatlhambutele, hakuva a titlhari tontlhe ta mufumo wa mina ti tsanzekile a ku wu tlhamusela. Wena wa zi kota, hakuva a moya wa vanungungulu va basileko wu ka wena.

Danieli 5:14

Nzi zwile ha wena lezaku u na ni moya wa vanungungulu, ni lezaku u na ni kuwonekela ni kupimisisa ni wutlhari go eta.

Kuvululelwa 3:9

Nzi ta ku nyika vanwani va sinagoga ga Satani, lava va hembako va ti wula ku ngalo vaJuda, na va nga hi vona; nzi ta va maha va ku khizamela mikonzweni ya wena, va ta zi tiva lezaku nzi ku ranzile. Isa. 49:23; 60:14

Mitiro 12:22

Zonake a vanhu va lo kanyuluka, vaku: I gezu ga nungungulu, a hi gezu ga munhu!

Danieli 2:11

I mhaka yo tsanza leyi yi labyiwako hi hosi, a ku na munhu a nga yi hlawutelako ka hosi, ahandle ka vanungungulu lava va nga tshamiko xikari ka vanhu.

2 Samueli 14:17

A nanza ga wena gi waku: A gezu ga hosi yanga gi ta nzi nyika kurula, hakuva a hosi ya mina yi fanana ni ngelosi ya Nungungulu a ku tiva kusasa ni kubiha; hikwalaho Jehova Nungungulu wa wena ave zinwe na wena!

Mitiro 16:16

Ku te laha hi nga kari hi famba wutshanwini ga kukhongela, hi lo tlhangana ni nhwana wo kari wa khumbi, loyi a nga hi ni moya wa kuvumba, a nga bhinzulela nguvu a venyi vakwe hi kuvumba. 1 Sam. 28:7; Xip. 19:24

Mitiro 14:11

Laha a zidlemo zi nga wona lezi zi mahilweko hi Paule, zi lo tlakusa gezu ga zona hi lirimi la xi Likaonia, ziku: A vanungungulu va relele ka hina na va hi ni madzumba ya vanhu. Xip. 8:10; 28:6

Genesisi 41:38

Zonake Faro i te ngalo ka malanza yakwe: Xana hi ta mu kuma a munhu wo kota loyi ke? Loyi a nga ni Moya wa Nungungulu ke?

Ezekieli 28:3

Kunene, u tlharihile ku hunza Danieli; a ku na fihlakalo wu fihlilweko ka wena.

Danieli 1:4

ma nga hi majaha ya timbhuri ti nga hiko na vala, a titlhari, va yileko mahlweni hi gonziselelo ni wutivi, lava va fanelweko hi ku enghena ntirweni wa yindlu ya hosi, kasi wa va gonzisa a matsaiela ni lirimi la maKaldea.

Danieli 2:22

Wa dlunyatisa lezi zi etileko ni mifihlakalo; wa tiva leʼzi nga munyameni, ni kuwonekela ku zinwe naye. 1 Kor. 2:10

Danieli 5:7

A hosi yi lo kanyuluka yi vitanisa a vangoma ni titlhari ni zitumbe. A hosi yiku ka titlhari ta Babuloni: Ni wihi munhu a ta nga gonza a mutsalo lowu, a nzi byela a tlhamuselo wa wona, i ta ambexiwa tinguwo to zirila, ava ni ketani ya nzalama nhanwini yakwe, a maha mufumeli wa wunharu lomu mufunweni wa mina.

Ezekieli 28:4

Hi wutlhari ga wena ni kupima ka wena u ti kumele kufuma, u ti vekela a nzalama ni siliva mabakweni ya wena.

Danieli 4:5

Nzi lo lora a noro lowu wu nga nzi chavisa; a maalakanyo ya mina laha nzi nga hi sangweni ga mina, ni miwoniso leyi nzi yi wonileko, zi lo nzi dzukisa.

Danieli 4:6

Hikwalaho nzi lo vitanisa tontlhe titlhari ta Babuloni, kasi ti ta nzi tlhamusela a noro lowo.