Danieli 4:19 - Tshwa Bible

¹⁹ Zonake Danieli, a nga vitwa Beltexazarre, aku kaye xikhatana laho, a xeveka maalakanyweni yakwe. A hosi yiku: Beltexazzare, u nga xeveki hi kota ya noro ni tlhamuselo wa wona. Beltexazzare aku: Hosi yanga, a noro lowu a wuve hehla ka lava va ku vengako, ni tlhamuselo wa wona a wu henye a valala va wena.

Danieli 4:19 Referans Kwoze

Danieli 8:27

Makunu mina Danieli nzi lowa nzi mbhela ntamu, nzi babya masiku yo kari; zonake nzi lo vuka nzi tira mitiro ya hosi. Nzi lo hlamaliswa hi muwoniso lowu, kanilezi ku wa nga hi na munhu a nga wu pima.

Danieli 7:28

Hi wona magumo ya timhaka. Makunu mina Danieli nzi lo karateka maalakanyweni ya mina, a nghohe ya mina yi hunzuka; kanilezi nzi lo hlayisa timhaka leti mbilwini ya mina.

Danieli 4:24

A tlhamuselo wa kona hi lowu, wena hosi: I nyiwo ya Loyi a Hunzeleleko Kutlakuka, leyi yi ta nga tatiseka ka nwinyi wa mina, a hosi yanga:

Jeremia 4:19

Marambu ya mina, marumbu ya mina! Nzi ni kubayiseka mbilwini ya mina! A mbilu ya mina ya radlama-ra-dlama, A nzi zi koti ku miyela; Hakuva a muhefemulo wa mina wu zwile a xiwuta xa mpunzu, Ni tihuwa ta tiyimpi.

1 Samueli 3:17

Eli aku: Xini a nga ku byela? U nga fihli nchumu ka mina. Nungungulu a mahe lezo ka wena ni ku engeta, loku u nzi fihlela a yinwe ya timhaka leti a ku byelileko!

Habakuka 3:10

A zitsunga za ku wona, zi chava; Ku hunza a swinga wa mati. A kueta ku zwata a gezu ga kona, Ku tlakusa a mandla ya kona.

Danieli 7:15

Mina Danieli, a moya wa mina wu lo xaniseka xikari ka mina, nzi karateka hi kota ya miwoniso ya mina.

Danieli 5:12

A hosi yi lo mu chula a vito ga Beltaxazzare, hakuva Danieli i wa hi ni moya wu nene, ni wutivi, ni kupimisisa, ni ntamu wa ku tlhamusela miloro ni mifihlakalo, ni ku tlhamusela a timhaka to nonoha. Makunu vitanisa Danieli, i ta ta ku tlhamusela.

Danieli 2:26

A hosi yiku ka Danieli, loyi a nga chulilwe a vito ga Beltexazzare: Wa zi kota a ku nzi hlawutela a noro lowu nzi nga lora, ni tlhamuselo wa kona ke?

Danieli 1:7

Kanilezi a nduna ya mithenwa yi lo va chula mavito manwani: Danieli ava Beltexazzari, Hanania ava Xadrake, Mixaeli ava Mexake, na Azaria ava Abed-nego.

Jeremia 29:7

Xuvani a makatekwa hehla ka muti lowu nzi mu yisileko ka wona kota vakhonwi, mu wu khongelela ka Jehova; hakuva loku wu humelela, mu ta humelela na nwinawu.

1 Tihosi 18:7

Makunu Obadia na hi laha ndleleni, i lo tlhangana na Elija. Obadia i lo mu tiva, awa hi nghohe yakwe, aku; Xana hi wena Elija hosi ya mina ke?

1 Samueli 26:15

Davida i te ngalo ka Abneri: A hi wena nhenha ke? Himani a fananako na wena lomu ka Israeli ke? Hi kuyini u nga kala ku hlayisa a hosi ni nwinyi wa wena ke? Hakuva ku tile munwani munhu a ku ta daya hosi, a nwinyi wa wena.

1 Samueli 24:8

Anzhako ka lezo Davida i lo humawu hi lomu muhumeni, zonake i lo vitana Saule, aku: Hosi yanga, hosi yanga! Saule i lo cuwuka lenzhako kakwe, zonake Davida i lo korama lahasi hi xichavo.

1 Samueli 1:15

Hana a hlamula, aku: Kokwihi, hosi yanga! Nzi wasati wa ku karateka mbilwini. A nzi nwangi vinya hambu byala, kanilezi nzo chulula a muhefemulo wa mina mahlweni ka Jehova.

Eksodusi 32:32

Kanilezi makunu tsetselela kuonha kabye! Loku zi nge ngaho, vinya a vito ga mina legi u gi tsalileko lomu bhukwini ga wena. Tis. 69:28; Rom. 9:3

Genesisi 32:18

Zonake u taku ngalo: Za Jakobe, a nanza ga wena; xinyikiwo a rumelako ka hosi ya mina Esau; languta, yenawu wata a nzhako ka hina.

Genesisi 31:35

Zonake Rakeli i te ngalo ka raru wakwe: Ngha a hosi ya mina yi nga zangari loku nzi nga suki nzi yima mahlweni ka wena; hi lezaku nzi lomu ka mukhuwo wa vavasati. Yena i lo lavisisa kanilezi a nga ma kumangi a materafime lawo.

Genesisi 40:12

Josefa aku: A tlhamuselo ya kona hi leyi; Maravi manharu, masiku manharu;

Danieli 2:37

Wena hosi u hosi ya tihosi, loyi a Nungungulu wa le tilweni a mu nyikileko a kufuma, a wukulu, ni ntamu, ni wudzunzo.

Danieli 5:18

Wena hosi, Nungungulu a Hunzeleleko Kutlakuka i nyikile mufumo ka raru wa wena Nebukadnezzare, ni wukulu, ni wukosi, ni wudzunzo.

Danieli 5:19

Hi kota ya wukulu legi a nga mu nyika gona, a va matiko wontihe ni tixaka ni tirimi va lo chava va rurumela mahlweni kakwe. I wa daya ni wihi a ranzako ku mu daya, a hanyisa ni wihi a ranzako ku mu hanyisa, a tlakusa ni wihi a ranzako ku mu tlakusa, ni ku tsongahata ni wihi a ranzako ku mu tsongahata.