Danieli 2:45 - Tshwa Bible

⁴⁵ Lezi za komba a ribye legi u nga gi wona na gi lemuka laha xitsungeni, gi ta fayetela a xiketse, ni suku, ni wumba, ni siliva, ni nzalama. A Nungungulu wa hombe i tivisile hosi lezi zi ta nga maheka anzhako ka lezi. A noro wu tiyisile, ni tlhamuselo wa wona wu wula zinene.

Danieli 2:45 Referans Kwoze

Isaya 28:16

Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33

Genesisi 41:32

A miloro leyo yi wuyetilwe ka Faro, hakuva i mhaka yi tiyisilweko hi Nungungulu, na Nungungulu i ta hatlisa ku maha lezo zilo.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Tisimu 48:1

Jehova ngwa hombe, i fanelwe hi ku dumiswa nguvu, Lomu mutini wa Nungungulu wa hina, laha xitsungeni xakwe xo basa.

2 Samueli 7:22

Hikwalaho u wa hombe, Jehova Nungungulu! Hakuva a nga kona munwani wa ku fanana na wena, a nga kona Nungungulu ahandle ka wena, kukotisa zontlhe hi zi zwileko hi tindleve ta hina. Deut. 3:24; Isa. 44:6; Mar. 12:29, 32

Deuteronome 10:17

hakuva Jehova Nungungulu wa nwina i Nungungulu wa vanungungulu, ni Hosi ya tihosi, i Nungungulu wa hombe, wa mintamu, ni loyi a chavekako, loyi a nga hlawuliko a nghohe ya munhu, loyi a nga amukeliko ku rengelelwa; 2 Kro. 19:7; Joba 34:19; Miti. 10:34

Genesisi 41:28

Hi tona timhaka nzi byelako Faro; a zilo lezi Nungungulu a lavako ku zi maha i zi kombisile ka Faro.

Kuvululelwa 19:17

Nzi lo wona ngelosi na yi yimile gambyeni; yi lo kanyuluka hi gezu ga hombe yiku ka zinyanyani zontlhe zi purumako ndengelengeni: Tanani mu ta tsombana mubuzweni wa hombe wa Nungungulu. Ezek. 39:17

Kuvululelwa 4:1

Zonake nzi lo wona a nyangwa yi vululekileko le tilweni, a gezu go sangula legi nzi nga gizwa gi lo wulawula na mina, na gi zwala kota mpunzu, giku: Kanziha uta laha, nzi ta ku wonisa lezi zi ta nga maheka anzhako ka lezi. Xip. 11:12; 22:6

Kuvululelwa 1:19

Hikwalaho tsala lezi u zi wonileko, u tsala lezi zi nga kona makunu, ni lezi zi ta nga maheka anzhako ka lezi.

Luka 17:20

Na a wutisilwe hi vaFarisi lezaku, wu tata rini a mufumo wa Nungungulu, i lo va hlamula, aku: A mufumo wa Nungungulu a wu woneki a kufeni ka wona.

Mateu 24:35

A tilo ni misava zi ta hunza, kanilezi a timhaka ta mina ti nga ta hunza. Isa. 51:6; Mar. 13:31

Mateu 21:24

Jesu i lo hlamula, aku ngalo kabye: Minawu nzi ta mu wutisa mhaka yinwe, loku mu nzi hlamula, minawu nzi ta mu byela a ntamu lowu nzi mahako ha wona lezi zilo.

Zakaria 12:3

A siku lego Jerusalema nzi ta gi maha a ribye go binza ka matiko wontlhe; vontlhe lava va ta nga gi tlakula va ta bayiswa; a matiko wontlhe ma ta tsombana ma gi vukela.

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Danieli 2:24

Zonake Danieli i loya ka Arioki, loyi a hosi yi nga mu rumile ku ya daya a titlhari ta Babuloni, a yaku kakwe: U nga dzuki u daya a titlhari ta Babuloni! Nzi yise hosini, nzi ta ya yi tlhamusela a noro.

Tisimu 145:3

Jehova ngwa hombe, i fanekelwe hi kudumiswa, A wukulu gakwe a gi na ku pimiwa.

Tisimu 135:5

Nza zi tiva lezaku Jehova ngwa hombe, Lezaku a Hosi ya hina yi le hehla ka vanungungulu vontlhe.

Tisimu 96:4

Hakuva Jehova ngwa hombe, i fanelwe hi ku dumiswa, Wa chaveka ku hunza vanungungulu vontlhe. Deut. 10:17

Joba 36:26

Languta, Nungungulu ngwa hombe, a hi gi tivi wukulu gakwe; Ge hambu a tsengo wa malembe yakwe a wu na ku hlayiwa. Isa. 63:16; Dan. 6:26; Maheb. 1:12

Nehemia 9:32

Hikwalaho wena Nungungulu wa hina, u nga Nungungulu wa hombe, wa ntamu, wo tshisa, loyi a hlayisako xivumelwano ni wuxinji, ngha hlomulo lowu wu ngavi wutsongwani mahlweni ka wena, lowu wu weleko hehla ka hina, ni tihosi ta hina, ni tihosana ta hina, ni vapristi va hina, ni vaprofeti va hina, ni vararu va hina, ni hehla ka vanhu va wena vontlhe kusukela xikhatini xa tihosi ta le Assiria kala lezi.

Nehemia 4:14

Nzi lo cuwuka na nzi yimile, nziku ka manghanakana, ni ka vafumeli, ni ka vontlhe vanhu: Mu nga va chaveni! Alakanyani Hosi, loyi a nga wa hombe, a chavekako, mu lwela vanakuloni, a vana va nwina, ni vanhanyana va nwina, ni vasati va nwina, ni tiyindlu ta nwina! Mitse. 14:9; Deut. 1:21

1 Kronekele 16:25

Hakuva Jehova ngwa hombe, i fanekelwe hi ku dumiswa. Yena wa chaveka ku hunza vanungungulu vontlhe.

Danieli 2:28

Kanilezi i kona Nungungulu le tilweni loyi a tsetsulako a mifihlakalo, hi yena a tivisileko hosi Nebukadnezzare lezi zi ta nga maheka masikwini ma ha tako. A noro wa wena ni miwoniso leyi u yi wonileko sangweni ga wena, hi lezi:

Danieli 2:29

Na u hi sangweni ga wena hosi, u lo telwa hi maalakanyo ya lezi zi ta nga maheka xikhatini za ha tako. Loyi a tsetsulako mifihlakalo i ku kombisile lezi zi ta nga maheka.

Danieli 8:25

Hi kota ya kutlhariha ka yona yi ta humelela hi mano ya yona; i ta ti kulisa mbilwini yakwe, a lovisa vanyingi lava va tshamekileko. Kambe i ta vukela a hosi ya tihosi, kanilezi i ta tshobyiwa na ku nga hi woko ga munhu.

Genesisi 41:26

A tihomu leti ta ntlhanu ni timbiri to saseka, hi malembe ya ntlhanu ni mambiri; a miponwani leyi ya ntlhanu ni mimbiri ya yi nene hi malembe ya ntlhanu ni mambiri; a noro munwe.

Tisimu 2:9

U ta va tshova hi nhonga ya xiketse, U ta va fayetela kotisa a mbita ya muwumbi. Kuv. 2:27; 12:5; 19:15

Hagai 2:22

Nzi ta khungumula a zitshamu za wuhosi za mifumo, nzi ta fuvisa a ntamu wa mifumo ya vamatiko; nzi ta hangalasa a tikareta ni vakhileli va tona; a mahaxi ni vakhileli va wona va ta dawa munwe ni munwani hi supado ya nakulobye.