Danieli 2:44 - Tshwa Bible

⁴⁴ A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Danieli 2:44 Referans Kwoze

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Tisimu 145:13

A mufumu wa wena ngwa kala kupinzuka, Ni wuhosi ga wena gi simama zizukulwaneni zontlhe. Dan. 4:3; 4:34; 6:26; 7:14

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Mika 4:7

Lava va khwitako nzi ta va maha misalela, ni lava va hlongolilweko kule nzi ta va maha a mufumo wa ntamu. Jehova i ta va fumela le xitsungeni xa Zioni kusukela lezi kala kupinzuka. Dan. 7:14; Lu. 1:33

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Danieli 7:27

A mufumo ni ntamu ni wukulu ga mifumo yontlhe lahasi ka tilo zi ta nyikiwa a tiko ga vobasa va Loyi a Hunzeleleko Kutlakuka. A mufumo wakwe ngwa simasima, a matiko wontihe ma ta mu tirela ma mu ingisa.

Danieli 4:34

A kumbheleni ka masiku lawo, mina Nebukadnezzare nzi lo tlakusa mahlo ya mina tilweni, a kupima ka mina ku wuyelelana. Nzi lo khesa Loyi a Hunzeleleko Kutlakuka, nzi dumisa ni ku kulisa loyi a hanyako kala kupinzuka; hakuva a kufuma kakwe ka simasima, ni mufumo wakwe wu tsonzoma ka zizukulwana zontlhe.

Isaya 60:12

Hakuva a tiko ni mufumo wu to kala wu nga ku tireli wu ta lova, Ina, a matiko lawo ma ta hahlulwa maku bhi!

Danieli 4:3

A zikombiso zakwe zi kulisa kuyini! A zirewukiso zakwe zi na ni ntamu wa kuyini! A mufumo wakwe wa simasima, ni kufuma kakwe ka zizukulwana ni zizukulwana.

Danieli 2:37

Wena hosi u hosi ya tihosi, loyi a Nungungulu wa le tilweni a mu nyikileko a kufuma, a wukulu, ni ntamu, ni wudzunzo.

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Danieli 2:28

Kanilezi i kona Nungungulu le tilweni loyi a tsetsulako a mifihlakalo, hi yena a tivisileko hosi Nebukadnezzare lezi zi ta nga maheka masikwini ma ha tako. A noro wa wena ni miwoniso leyi u yi wonileko sangweni ga wena, hi lezi:

Ezekieli 37:25

Va ta aka tikweni legi nzi gi nyikileko Jakobe a nanza ga mina, lomu ku nga wa akile a vakoko va nwina. Va ta aka lomo, vona ni vana vabye, ni vazukulu vabye kala kupinzuka. Davida a nanza ga mina i tava hosi yabye kala kupinzuka.

Kuvululelwa 2:27

I ta ma risa hi nhonga ya xiketse, a ma fayetela zipanzana khwatsi hi zibya za wumba; khwatsi hilezi na minawu nzi nga nyikiswa zona hi Dadani wa mina. Tis. 2:8, 9; Dan. 7:22

Johani 12:34

A xidlemo xi lo mu hlamula, xiku: Hi zwile nayweni lezaku Kristu i ta tshama kala kupinzuka; hi yini u wulako uku: A Nʼwana wa munhu i yimelwe hi ku tlakuswa ke? Hi mani yena Nʼwana loye wa munhu ke? Isa. 53:8; Ezek. 37:25; Dan. 2:44

Danieli 8:25

Hi kota ya kutlhariha ka yona yi ta humelela hi mano ya yona; i ta ti kulisa mbilwini yakwe, a lovisa vanyingi lava va tshamekileko. Kambe i ta vukela a hosi ya tihosi, kanilezi i ta tshobyiwa na ku nga hi woko ga munhu.

Danieli 2:34

Na wa ha xi cuwukisa, ku lo lemuka a ribye, na ku nga hi mandla ya munhu, gi ta wela hehla ka mikonzo ya xona, leyi ya xiketse xi vuvilweko ni wumba, gi yi fayetela fufanyi.

Maheberu 12:28

Hikwalaho kota lezi hi amukelako a mufumo lowu wu nga tsekatsekiswiko, ngha na hi hi ni kubonga, loku hi nga khozelako Nungungulu ha kona hi mu tsakisa, hiva ni xichawo xi basileko ni kururumela,

Danieli 2:35

Zonake a xiketse, ni wumba, ni suku, ni siliva, ni nzalama zi lo fayetelwa zinwe, ziku khwatsi muhungu laha xihulweni xa ximumu. A mheho yi lo zi kukuleta lezaku zi nga ha kumeki. A ribye legi gi ngaba a xifananiso gi lo maha a xitsunga xa hombe, gi tatisa a misava yontlhe.

Danieli 2:43

A xiketse lexi u xi wonileko na xi patsene ni wumba, tixaka ta vanhu ti ta nga tlhanganyiswa hi kutekana; kanilezi va nga ta bohana, khwatsi hi xiketse ni wumba zi nga namarelanangiko.

Hagai 2:7

Nzi ta tsekatsekisa a matiko wontlhe, ni titshomba tontlhe ta matiko ti ta nehiwa lomu; mina nzi ta tata a yindlu leyi hi wukosi, ku wula Jehova wa tiyimpi.

2 Samueli 7:13

Yena i ta akela vito ga mina a yindlu, minawu nzi ta yimisa xitshamu xakwe xa wukosi xa mufumo wakwe kala kupinzuka.

2 Samueli 7:16

Kanilezi a yindlu ya wena, ni mufumo wa wena zi ta tshama kala kupinzuka mahlweni ka mina. A xitshamu xa wena xa wukosi xi ta su tsonzoma kala kupinzuka.

Danieli 6:27

Wa tlhatlhisa a ponisa, wa maha xikombiso ni zihlamaliso le tilweni ni laha misaveni. Hi yena a ponisileko Danieli ntanwini wa tinghala.

Hagai 2:22

Nzi ta khungumula a zitshamu za wuhosi za mifumo, nzi ta fuvisa a ntamu wa mifumo ya vamatiko; nzi ta hangalasa a tikareta ni vakhileli va tona; a mahaxi ni vakhileli va wona va ta dawa munwe ni munwani hi supado ya nakulobye.