Danieli 2:11 - Tshwa Bible

¹¹ I mhaka yo tsanza leyi yi labyiwako hi hosi, a ku na munhu a nga yi hlawutelako ka hosi, ahandle ka vanungungulu lava va nga tshamiko xikari ka vanhu.

Danieli 2:11 Referans Kwoze

Danieli 5:11

I kona wanuna lomu mufunweni wa wena a nga ni moya wa vanungungulu va basileko. A masikwini ya raru wa wena ku wa kumiwa ka yena a kuwonekela ni kupimisisa ni wutlhari go fanana ni wutlhari ga vanungungulu. Hosi Nebukadnezzare, a raru wa wena, i lo mu maha nduna ya tinʼanga ni vangoma ni titlhari ni zitumbe.

2 Va le Korinte 6:16

Ku kwihi a kuvumelana ka tempeli ya Nungungulu ni zifananiso za vanungungulu va mawunwa ke? Hina hi tempeli ya Nungungulu a hanyako, kota lezi Nungungulu a ngaku ngalo: Nzi ta tshama ka vona, nzi fambafamba xikari ka vona; nzi ta maha Nungungulu wabye, vona va ta maha vanhu va mina. Levi 26:12; Jer. 31:33; Ezek. 36:28

Johani 14:23

Jesu i lo mu hlamula, aku: Loku munhu a nzi ranza, i ta hlayisa timhaka ta mina; Dadani i ta mu ranza, zonake hi tata ka yena, hi tshama zinwe naye. 1 Joh. 2:24; Kuv. 3:20

Johani 14:17

wu nga Moya wa zinene, lowu tiko gi nga zi kotiko ku wu amukela; hakuva a gi wu woni, hambu ni ku wu tiva; kanilezi nwina ma wu tiva, hakuva wu tshama na nwina, wu ta tshama nzeni ka nwina. Xip. 16:13; 1 Kor. 2:14; 1 Joh. 2:27

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Mateu 19:26

Jesu i lo va cuwuka, aku: Ka vanhu a zi koteki, kanilezi zilo zontlhe za koteka ka Nungungulu. Gen. 18:14; Lu. 1:37

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Eksodusi 29:45

Nzi ta aka xikari ka vanana va ka Israeli, nziva Nungungulu wabye. Levi 26:11; 2 Kor. 6:16

Genesisi 41:39

Zonake Faro aku ka Josefa: Kota lezi Nungungulu a ku kombileko a timhaka tontlhe leti, a nga kona munhu wo tlhariha ni wo pima kota wena.

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16

Joeli 3:21

Nzi ta fuvisa a milanzu yabye ya nkhata leyi nzi kalako nzi nga se ku yi fuvisa, hakuva Jehova i ta tshama le Zioni.

Isaya 8:18

Langutani, mina ni vanana lava Jehova a nzi nyikileko hi zikombiso ni zihlamaliso xikari ka Israeli hi ka Jehova wa tiyimpi, loyi a akileko xitsungeni xa Zioni.

Tisimu 132:14

Aku: Legi wuhumulelo ga mina kala kupinzuka, Nzi ta aka kwalaha, hakuva nzi ku navele.

Tisimu 68:18

Wena u tlakukela hehla, u yisa a vakhomiwa; U amukele a zinyikiwo hi ka vanhu, Ina, ni xikari ka lava va hluwukileko, kasi Jehova Nungungulu wa fela ku tshama xikari ka vona.

2 Kronekele 6:18

Kona Nungungulu hakunene a nga aka ni vanhu laha misaveni ke? Languta, a tilo, ni tilo ga matilo a ma ku ringani; ku ta kuyini ka yindlwana levi nzi yi akileko ke? Joba 11:7; Isa. 66:1; Miti. 17:24

1 Tihosi 8:27

Xana hakunene Nungungulu a nga tshama misaveni ke? Languta, a tilo ga matilo a gi zi koti ku ku kangatela wena; nguvunguvu a yindlu leyi nzi ku akeleko yona! Isa. 66:1; Jer. 23:24; Miti. 7:48

Mitsengo 35:34

Mu nga onhi a tiko legi mu ta nga aka ka gona, hakuva hi kwalaho nzi tshamako kona; hakuva mina Jehova nzi tshama xikari ka vanana va ka Israeli.

Eksodusi 8:19

Zonake a tinʼanga tiku ka Faro: Leli litiho la Nungungulu! Hambu lezo a mbilu ya Faro yi lo sihalala; a nga va ingisangi, khwatsi hi lezi Jehova a wulileko.

Genesisi 41:8

Na gi cile laha mixweni, Faro i lo karateka nguvu lomu mbilwini yakwe; hikwalaho i lo rumela lezaku ku vitanwa zitumbe zontlhe za le Gipite, ni titlhari ta kona. I lo va hlawutela miloro yakwe, kanilezi i wa nga hi kona loyi a nga wa tiva ku tlhamusela miloro leyo ya Faro.

Isaya 47:12

Yima zalezi ni wutumbe ga wena ni mimbhulo yinyingi ya wena, Leyi u yi tirileko kusukela wusweni ga wena, Kutani zi ta ku vuna ku chavisa a valala va wena.

Danieli 4:4

Mina Nebukadnezzare nzi wa tshamekile lomu ndlwini ya mina, nzi tsaka lomu xiluvelweni xa mina.