Danieli 12:3 - Tshwa Bible

³ Lava va tlharihileko va ta ngangamela ku fanana ni tilo, ni lava va kokelako vanyingi kululameni va ta fanana ni tinyeleti kala kupinzuka ni kupinzuka. Mat. 13:43; 1 Kor. 15:41

Danieli 12:3 Referans Kwoze

Mateu 13:43

Zonake a valulamileko va ta ngangamela kotisa gambo mufunweni wa Raru wabye. Loyi a nga ni tindleve, ngha a ingisa. Dan. 12:3; 1 Kor. 15:42, 43, 58

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Danieli 11:33

Lava va tlharihileko xikari ka tiko va ta gonzisa vanyingi; kanilezi va ta dawa hi supado, ni nzilo, ni wukhumbi ni kuphangiwa a masiku yo kari.

Danieli 11:35

A vanwani lava va tlharihileko va ta dawa, kasi vanhu va fela ku ringiwa ni ku hlaziwa, va basiswa kala xikhatini xa kugumesa, hakuva magumo ma nga ta chikela kala xikhatini xi yimisilweko.

Mavingu 11:30

A mbhanzo ya loyi a lulamileko i sinya ya wutomi; i loyi a tlharihileko wa kanyara mihefemulo.

Maheberu 5:12

Hakuva hambu lezi mu nga fanekele kale a kuva mu maha vagonzisi, ka ha laveka ka nwina lezaku munhu a mu gonzisa a zigonzo zo ranga za timhaka ta Nungungulu; ma ha hi lava va lavako masi, na ku nga hi kuga ku tiyileko. 1 Kor. 3:1, 2, 3; Xip. 6:1

Johani 5:35

Johani i wa hi kandiya yi vurako yi woningako; nwina mu vumele ku tsaka xikhatanyana kuwonekeleni kakwe. 2 Ped. 1:19

Johani 4:36

A mutshoveli i sina a amukela hakhelo, a hlengeletela mihanzu wutomini ga pinzukelwa; lezaku a muxwanyi ni mutshoveli va fela ku tsaka zinwe. Dan. 12:3

1 Va le Korinte 3:10

Hi tipswalo ta Nungungulu leti nzi nyikilweko tona, nzi lo aka a xiseketelo khwatsi hi gogwe wa kuaka, ni munwani i lo aka hehla ka xona. Kanilezi ngha munwe ni munwani a tlhariha lezaku i akisa kuyini ka xona. Rom. 15:20; 1 Ped. 4:11

Jeremia 23:22

Loku va wa yimile hubyeni ya mina, ngha va tivisile a vanhu va mina a timhaka ta mina, va va hunzulusa ndleleni yabye yo biha, ni ka zimaho zabye zo biha.

Kuvululelwa 1:20

A fihlakalo wa tinyeleti ta ntlhanu ni timbiri leti u nga ti wona canjeni ga mina ga xinene, ni timeza ta nzalama ta ntlhanu ni timbiri to veka tikandiya hi lowu: A tinyeleti ta ntlhanu ni timbiri hi tingelosi ta ntlhanu wa mabandla ni mambiri, ni timeza leti ta ntlhanu ni timbiri to veka tikandiya hi mabandla lawa ya ntlhanu ni mambiri. Zak. 4:2; Mat. 5:15

2 Pedro 3:15

Pimani lezaku a lihlaza-mbilu la Hosi ya hina kuhanyisa, kota lezi a makabye wa hina a ranzekileko Paule, a nga tsala ka nwina hi kutlhariha loku a nyikilweko kona; Rom. 2:4; 1 Ped. 3:20

Va le Efesusi 4:11

I lo nyika vanwani a kuva vapostoli, ni vanwani a kuva vaprofeti, ni vanwani a kuva vavangeli, ni vanwani a kuva varisi ni vagonzisi, 1 Kor. 12:28; Xip. 2:20

Mateu 24:45

Hi wihi loyi a nga nanza gi tsumbekileko ni go tlhariha, loye a hosi yakwe yi gi yimisileko hehla ka malanza ya yona, kasi ku ma nyika zakuga hi xikhati xi faneleko ke? Lu. 12:42; Miti. 20:28; 1 Kor. 4:2

Mateu 19:28

Jesu i lo va hlamula, aku: Hizinene nziku ka nwina: Hi xikhatini xa ku vuxetwa luswa ka zontlhe, laha a Nʼwana wa munhu a ta nga tshama xitshanwini xakwe xa wuhosi, nwina lava mu nzi lanzeleko mu ta tshama ka 12 wa zitshamu za wuhosi, mu lamula a 12 wa tixaka ta Israeli.

Mitiro 13:1

Ku wa hi kona a vaprofeti ni vagonzisi lomu bandleni ga le Antiokia, va nga Barnabasi, na Simeoni loyi a nga vitwa Nigeri, na Lukio wa le Kirene, na Manaen loyi a nga wundliwa zinwe ni hosi Herodi, na Saule. Xip. 14:26; 11:22

Mavingu 3:35

A titlhari ti taga tshomba ya wu dzunzo, anilezi a zipumbu zi ta wiswa ti-nganeni.

Isaya 53:11

I ta wona mihanzu ya kuxaniseka ka muhefemulo wakwe, a eneliswa; Hi kutiva kakwe a nanza ga mina gi lulamileko gi ta maha vanyingi va lulama, Hakuva i ta rwala zigoho zabye.

Danieli 12:10

Vanyingi va ta hlaziwa, va basiswa, va ringiwa; kanilezi a vakubiha va ta maha kubiha, Ku hava a wakubiha a ta nga zi pima, kanilezi a votlhariha va ta zi pima.

Eksodusi 34:35

A vanana va ka Israeli va lo wona lezaku a nghohe ya Mosi ya hatima, zonake Mosi a engeta a ti fenengeta a nghohe yakwe hi nguwo, kala aya enghena kambe a, kuya wulawula na Jehova.

Valamuli 5:31

Zinghaho Jehova, ngha valala va wena vontlhe va lobyiswa. Kanilezi ngha lava va ku ranzako va fanana ni gambo loku gi tsuwuka hi ntamu wa gona. Tis. 19:6; Mat. 13:43 Zonake a tiko gi lo humula 40 wa malembe.

Mutshawuteli 12:9

Tlhatakumbiri, kota lezi Mukaneli a nga tlharihile, i lo simamisa a gonzisa wutivi ka vanhu; ina, i lo kambisisa, a hlolisisa, a xaxameta mavingu yo tala.