Danieli 11:32 - Tshwa Bible

³² Hi mano yakwe i ta ti kokela lava va vukelako a xivumelwano; kanilezi lava va tivako Nungungulu wabye va tava ni ntamu va tira zihlamaliso.

Danieli 11:32 Referans Kwoze

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

Tisimu 9:10

A va ku tsumbe lava va tivako a vito ga wena; Hakuva wena Jehova a ku tsiki lava va ku lavako.

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

Jeremia 31:34

A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe, ku wula Jehova. Hakuva nzi ta va tsetselela a kubiha kabye, Cima nzi nga ta ha alakanya a zionho zabye. Mika 7:18; Joh. 6:45; Rom. 11:27

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mavingu 26:28

A lirimi la mawunwa la venga lava va xanisilweko ha lona; i nomu wu lapitako wa lovisa.

Mavingu 19:5

A kustumunyu ya mawunwa yi nga ta pona ku tsayiswa; i loyi a wulawulako mawunwa a nga ta huluka. Deut. 19:18

Kuvululelwa 6:11

Ku lo hiwa ka munwe ni munwani wa vona a nguwo yo basa yo leha; va lo byeliwa a kuva va humula xikhatanyana, wu kala wu tatiseka a ntsengo wa malanza-kulobye ni vamakabye lava va ta nga dawa khwatsi hi vona. Tis. 68:17; Maheb. 12:22

Danieli 11:21

Wutshanwini gakwe ku ta huma a munhu wo soleka, loyi a nga hiko na fanelo akuva hosi; i tata laha va nga mu languteliko, a ta teka wuhosi hi mano.

Danieli 11:34

Makunu laha na va xanisiwa va ta kuma xivuno xi tsongwani; kanilezi vanyingi va ta ti tlhanganyisa navo hi kukhohlisa.

Nehemia 4:14

Nzi lo cuwuka na nzi yimile, nziku ka manghanakana, ni ka vafumeli, ni ka vontlhe vanhu: Mu nga va chaveni! Alakanyani Hosi, loyi a nga wa hombe, a chavekako, mu lwela vanakuloni, a vana va nwina, ni vanhanyana va nwina, ni vasati va nwina, ni tiyindlu ta nwina! Mitse. 14:9; Deut. 1:21