Danieli 11:27 - Tshwa Bible

²⁷ A tihosi leti ta timbiri ti ta ehleketa kubiha timbilwini ta tona, ti wulawula mawunwa mezeni yinwe; kanilezi zi nga ta tiya, hakuva a magumo ma tata hi xikhati xi yimisilweko.

Danieli 11:27 Referans Kwoze

Tisimu 12:2

Va hembelana mawunwa ni vaakelane vabye, Va xengetela hi milomu yabye, Va wulawula hi timbilu timbiri.

Habakuka 2:3

Hakuva a muwoniso lowu wa ha rinzele a xikhati xi yimisilweko, kanilezi wu hatlisa wuya kumbheleni, na wu nga hi wa mawunwa. Hambu loku wu hlwela, wu rinzele, hakuva wu tata futsi, wu nga ta tindeka.

Danieli 11:35

A vanwani lava va tlharihileko va ta dawa, kasi vanhu va fela ku ringiwa ni ku hlaziwa, va basiswa kala xikhatini xa kugumesa, hakuva magumo ma nga ta chikela kala xikhatini xi yimisilweko.

Tisimu 64:6

Va alakanyela mano yo biha, vaku: Hi hetile a xikungo xi mbheleleko. A maalakanyo ni mbilu ya munhu zi etile nguvu.

Danieli 11:40

A xikhatini xa magumo a hosi ya le Dzongeni yi talwa naye; a hosi ya le Nwalungu yi ta mu hlongolisa kota a xipupuri hi tikareta ta yimpi ni vakhileli va mahaxi ni mataru yo tala. I ta enghena lomu matikweni a kukuleta khwatsi i ntalo, a hunza.

Danieli 8:19

Aku: Nzi ta ku byela lezi zi ta nga humelela magumo ka xikhati xa zanga, hakuva a muwoniso wu xungeta a xikhati xa magumo.

Mavingu 26:23

A milomu yi hisako zinwe ni mbilu yi bihileko, i fanana ni xibya xa wumba xi nameketelweko manyelo ya siliva.

Mavingu 12:20

A kukhohlisa ku lomu timbilwini ta lava va alakanyelako kubiha; anilezi lava va vangako kurula va na ni kutsaka.

Tisimu 58:2

Ahihi, lomu timbilwini mu tira kubiha; Laha misaveni mu ringanisa vanhu a mitiro ya nwina ya lunya.

Tisimu 52:1

Munhu wa lunya; Hikuyini u ti kukumukisako hi kubiha ke? A wuxinji ga Nungungulu gi simamisa kala kupinzuka.

1 Va le Tesalonika 5:1

Kanilezi xungetano ni masiku ni zikhati, vamakabye, a zi laveki a kuva mu tsalelwa nchumu ha zona. Mat. 24:3, 36

Mitiro 17:31

Hakuva i vekile a siku legi a ta nga lamula ha gona tiko hi kululama hi munhu loyi a mu yimisileko; hi ka kona i nyikile a xitsumbiso ka vanhu vontlhe, hilezi a nga mu vuxa hi ka vafileko. Xip. 2:24; 10:42; Rom. 2:16

Mitiro 1:7

Yena aku ngalo kabye: A zi nyikwangi ka nwina ku tiva a zikhati ni tinguva, lezi Dadani a zi yimisileko hi ntamu wakwe. Deut. 29:29; 1 Tes. 5:1

Danieli 11:29

Hi xikhati xi yimisilweko i ta tlhela a wuya Dzongeni; kanilezi legi khati gi nga ta fanana ni leʼgo ranga.

Danieli 10:1

Hi lembe ga wunharu ga kufuma ka Kurusi a hosi ya le Persia, a mhaka yi lo kombisiwa ka Danieli loyi a vito gakwe a nga hi Beltexazzare; a mhaka leyi yi tiyile, yi komba a khombo ga hombe. I lo xiyisisa a mhaka leyo, a pima khwatsi a muwoniso wa kona.

Ezekieli 17:9

Wula uku: Hosi Jehova i ngalo: Wu ta kula ke? A gama go ranga gi nga ta wu tsuwula, gi phophela a mihanzu ya wona kasi wa wuna ke? Wontihe mahluke ya wona ma ta wuna; ku nga ta laveka a ntamu wa hombe hambu a vanhu vanyingi vo wu tsuwula.

Mavingu 19:21

Ku na ni makungo manyingi mbilwini ya munhu; anilezi a wusungukati ga Jehova hi gona gi tiyileko.

Tisimu 62:9

Kunene, a vanhu va wulahasi a va nyawuli, Ni vanhu va hombe mbunwa ntsena; Loku va vekiwa xikalwini va hehuka ku hunza kuhefemula. Isa. 40:15, 17; Dan. 5:27

2 Samueli 13:26

Zonake Absalome i te ngalo: Kanilezi loku u tsanzeka wena, nza kombela lezaku nzi famba ni nakulori Amnoni. A hosi yiku: Kasi ku fela kuyini?

Danieli 11:28

I ta tlhelela tikweni gakwe ni nhunzu yo tala; lomu mbilwini yakwe i ta boha xikungo xo vukela a xivumelwano xi basileko, ni loku a xi tatisile i ta tlhelela tikweni gakwe.

Danieli 8:17

I lo tshinela laha nzi nga yimile, laha a ngata nzi lo chava, nziwa hi nghohe ya mina. Kanilezi aku ka mina: Xiyisisa, nʼwana wa munhu, hakuva a muwoniso wu xungeta a xikhati xa kugumesa.