Danieli 10:18 - Tshwa Bible

¹⁸ Zonake nzi lo khumbiwa kambe hi loyi a fananako ni munhu, a nzi tiyiseta,

Danieli 10:18 Referans Kwoze

Danieli 10:16

Languta a wo kari a fananako ni vana va vanhu i lo khumba a milomu ya mina; zonake nzi lo vulula a nomu wa mina nzi wulawula ka loyi a nga yimile mahlweni ka mina, nziku: Hosi yanga, a muwoniso lowu wu nzi bayisile, laha kaku a nza ha hi na ntamu.

Luka 22:43

Zonake ku lo woneka ka yena a ngelosi na yita hi le tilweni, yi ta mu tiyisa. Mat. 4:11

Danieli 8:18

Laha a nga wulawula na mina, nzi lo titivala, a nghohe ya mina na yi hi lahasi. Kanilezi i lo nzi khumba a nzi yimisa.

Va le Kolosi 1:11

Ngha mu tiyiswa matlhelweni wontihe, khwatsi hi ntamu wakwe wa hombe, a kuva mu hi ni kutiyisela kontlhe ni kutimisela zinwe ni kutsaka, Miti. 5:41

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Va le Efesusi 3:16

nzi kombela lezaku a fela ku mu nyika hi kutala ka wukosi gakwe, lezaku mu tiyiswa hi ntamu munhwini wa lomu nzeni hi Moya wakwe, Rom. 7:22; Fil. 4:19; Kol. 1:11

Mitiro 18:23

Na a tshamile laho a xikhati xo kari, i lo suka a ya tsemakanya tikweni ga le Galatia, ni le Frigia, na a tiyisa vapizani vontlhe. Gal. 1:2; 4:14; Xip. 14:22; 15:32

Luka 22:32

kanilezi mina nzi ku kombelele, lezaku a kukholwa ka wena ku nga hluleki. Wena loku u hunzulukile, tiyisa a vanakuloni. Tis. 51:13; Joh. 17:9; 21:15-17

Danieli 10:10

Nzi lo khumbiwa hi canja, legi gi nga nzi khizamisa hi madzolo ya mina ni mandla ya mina.

Joba 23:6

I wa ta nzi holovela hi ntamu wakwe wa hombe ke? Ge, kanilezi i wa ta nzi ingisa.

Joba 16:5

Zonake nzi wa ta mu tiyiseta hi nomu wa mina, Ni milomu ya mina yi wa ta mu tangalisa hlomulweni wa nwina.

1 Samueli 23:15

Davida i lo wona lezaku Saule i humile lahandle a ku hlota wutomi gakwe, zonake i lo tshama le xiwuleni xa le Zife lomu khwatini.

Danieli 8:15

Laha mina Danieli na nzi wonile muwoniso lowu, na nzi hlota ku wu pimisisa, nzi lo wona munwe wo fanana ni munhu na a yimile mahlweni ka mina.

Tisimu 138:3

A siku legi nzi nga rila, u nzi hlamule; U nzi tiyisile, a muhefemulo wa mina wu kuma ntamu.