Danieli 10:12 - Tshwa Bible

¹² Zonake aku ka mina: Danieli, u nga chavi, hakuva kusukela a siku go ranga legi a mbilu ya wena yi nga pika ku pimisisa ni ku ti tsongahata mahlweni ka Nungungulu wa wena, a timhaka ta wena ti zwilwe; nzi tile hi kota ya timhaka ta wena.

Danieli 10:12 Referans Kwoze

Danieli 10:19

aku: U nga chavi, wena wanuna a ranzekako nguvu! A kurula akuve na wena, tiyisa mbilu, kunene, tiyisa mbilu! Laha a nga wulawula na mina nzi lo kuma ntamu, nziku: Wulawula hosi yanga, hakuva u nzi nyikile ntamu.

Isaya 58:9

Zonake Jehova i ta ku hlamula loku u kombela, Ni loku u vitana, yena i taku: Nzi laha! Loku u susa miyoka xikari ka wena, Ni loku u tsika ku lumbeta hi titiho ni ku wulawula kubiha,

Mateu 28:5

A ngelosi yi lo wula ka vavasati, yiku: Mu nga chavi; hakuva nza zi tiva lezaku mu lava Jesu, loye a nga belelwe.

Isaya 65:24

Ku ta maheka lezaku na va nga se ku vitana nzi ta va hlamula, Ni loku va ha wulawula nzi ta ingisa. Gen. 24:15; Dan. 9:23; Mat. 7:7

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 41:14

U nga chavi wena xiwungwani, Jakobe, Na nwina misalela ya Israeli; Nzi ta ku vunetela, ku wula Jehova; A Mutiruli wa wena hi Loyi wa ku Basa wa ka Israeli.

Isaya 35:4

Wulani ka vona lava va nga ni hlenekera, muku: Tiyisani timbilu, mu nga chavi! Langutani, wata Nungungulu wa nwina, i ta mu photela, Wu nga wona nchachazelo wa Nungungulu; I tata a ta mu hanyisa.

Luka 24:38

Yena aku ngalo kabye: Hi yini mu nga ni hlenekera ke, ni kukanakana ku vuka hikuyini timbilwini ta nwina ke?

Levi 16:31

Gi tava siku ga kuhumula xikari ka nwina, na mu kari mu hi ni hlomulo; lexi xileletelo xa kala kupinzuka.

Levi 16:29

Lowu wu tava nayo wa kala kupinzuka a ka nwina: Hi hweti ya wuntlhanu ni timbiri, ka siku ga wukhume ga hweti, nwina mu ta va ni hlo mulo, mu nga tiri ni ntiro munwe, hambu ni wa ka nwina, hambu ni wamatiko loyi a luvelako xikari ka nwina.

Kuvululelwa 1:17

Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10

Mitiro 27:24

yiku: U nga chavi, Paule; wena u yimelwe hi ku yima mahlweni ka Kesari; wangabye, Nungungulu i ku nyikile vontlhe lava va fambako zinwe na wena tarwini.

Tisimu 69:10

Nzi lo rila nzi hlokisa a muhefemulo wa mina hi kuyila, Lezi kambe nzi lo rukiwa ha zona.

Luka 2:10

A ngelosi yiku ngalo ka vona: Mu nga chavi, hakuva nza mu bikela a mahungu ya kutsaka ka hombe, loku ku ta ngava ka vanhu vontlhe. Gen. 12:3; Mat. 28:19; Mar. 1:15

Luka 1:30

A ngelosi yiku ngalo kakwe: U nga chavi. Maria; hakuva u kumile thomo ka Nungungulu.

Luka 1:13

Kanilezi a ngelosi yi te ngalo kakwe: U nga chavi, Zakaria; hakuva a xikombelo xa wena xi zwilwe; a sati wa wena Elizabeti i ta ku pswalela a nisanyana, u ta mu chula vito gakwe ku hi Johani.

Marku 16:6

Gona giku kabye: Mu nga dzuki! Mu lava Jesu wa le Nazareta, loyi a nga belelwe. I vukile, a nga kona laha. Langutani a wutshamu legi va nga mu vekile kona! Mat. 28:5-7

Mateu 28:10

Jesu aku kabye: Mu nga chavi; fambani mu ya byela a vamakabye va mina lezaku vaya Galilea, hi laho va ta nga nzi wona kona. Rom. 8:29; Maheb. 2:11

Danieli 10:11

Aku ka mina: Danieli, wena wanuna a ranzekako nguvu, pima a timhaka leti nzi ku byelako u yima uku tseka, hakuva nzi rumilwe ka wena makunu. Na a wulile lezo ka mina, nzi lo yima na nzi dzevatana.

Mitsengo 29:7

Hi siku ga wukhume ga hweti leyi ya wuntlhanu ni timbiri, mu tava ni mutlhangano wu basileko, mu ti koramisa lomu mihefemulweni ya nwina; mu nga tiri hambu ni ntiro munwe.