Amosi 9:9 - Tshwa Bible

⁹ Hakuva nzi ta leletela lezaku a yindlu ya ka Israeli yi heheriwa xikari ka matiko wontlhe, kukotisa a mavele ma heheriwako hi lihlelo, ku ngawi ni nzhoho yinwe lahasi.

Amosi 9:9 Referans Kwoze

Luka 22:31

Simoni, Simoni, languta, Satani i mu kombele, a kuva a mu kuhlunga nwentlhe kota mavele; Am. 9:9; 1 Ped. 5:8

Deuteronome 28:64

Na Jehova i ta ku hangalasa xikari ka matiko wontihe, kusukela magumeso ya misava kala magumesweni manwani ya misava, hi leyo u ta ngaya khozela vanwani vanungungulu lava wena ni vararu va wena mu nga va tiviko, va nga vanungungulu va tisinya ni maribye.

Isaya 30:28

Ni kuhefemula kakwe ku khwatsi i congo wu hlatako, Wu kukumuka wu chikela nhanwini ya munhu, Kasi ku hehera mifumo hi lihlelo la lobyiselelo, A milonwini ya matiko i ta veka a matomu ma hambukisako.

Levi 26:33

Na nwina nzi ta mu hangalasa lomu matikweni, nzi mu hlongorisa hi matlhari, a tiko ga nwina gi sala gi maha xiwula, ni miti ya nwina yi maha marumbi.

Jeremia 31:36

Loku a milayo leyi yi nga have kona mahlweni ka mina, ku wula Jehova, Hi kona a lixaka la ka Israeli li ta nga gumesa A kuva tiko mahlweni ka mina kala kupinzuka.

Jeremia 46:28

U nga chavi wena Jakobe, nanza ga mina, ku wula Jehova; Hakuva nzi zinwe na wena. Hakuva nzi ta mbhetisa wontihe a matiko Lawa nzi ku hangalasileko ka wona, Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Jeremia 49:36

Nzi ta nehela Elami a mune wa timheho hi ka mune wa matlhelo ya tilo, nzi va hangalasa matlhelweni lawo wontihe; gi nga tava kona tiko legi a vatsutsumi va le Elami va to kala va nga chikeli.

Ezekieli 5:10

Hikwalaho a vapswali va taga a vana vabye xikari ka nwina, ni vana va taga vapswali vabye. Nzi ta ku lamula, nzi hangalasa matlhelo wontihe lava va seleko ka wena. Levi 26:29; Deut. 28:53

Ezekieli 5:12

A xipanze xa wunharu xa vanhu va wena xi tafa hi mitungu ni ndlala xikari ka wena; a xipanze xa wunharu xi ta dawa hi tisupado lahandle ka tigingisi ta wena; ni xipanze xa wunharu nzi ta xi hangalasa matlhelo wontihe, nzi xi hlongolisa hi supado.

Ezekieli 20:38

Nzi ta phaka xikari ka nwina a vahluwuki ni lava va nzi fularelako, nzi va humesa a tikweni legi va luvelako ka gona; kanilezi va nga ta enghena tikweni ga ka Israeli: mu ta zi tiva lezaku hi mina Jehova.

Ezekieli 36:19

Nzi lo va hangalasa xikari ka matiko, nzi va xwanya le matikweni, nzi va lamula maringano ni hanyela gabye ni zimaho zabye.

Isaya 27:12

A ka xikhati lexo Jehova i ta kolela mihanzu, Kusukela nzelelweni wa Congo kala congweni wa Gipite, Zonake nwina mu ta vingeretelwa ha munwe-munwe, nwina vana va ka Israeli.

Isaya 28:28

A tirigo a yi fayiwi, Kanilezi a ku hunzisiwi mpimo wa kuhula ni ku yi gaya hi nghonghola ya kareta yakwe; A yi panzelelwi hi masonzo ya mahaxi.

Ezekieli 39:28

Va ta zi tiva lezaku hi mina Jehova a Nungungulu wabye, loyi nzi nga va yisile matikweni va hi tikhumbi, nzi tlhela nzi va tsombanyisa lomu tikweni gabye, nzi nga ta siya ni munwe wabye lenzhako,