Amosi 9:13 - Tshwa Bible

¹³ Jehova i ngalo: A masiku mata lawa a murimi a ta nga lanza a mabata ya mutshoveli, ni mukameli wa mauva a ta nga lanza a mubyali wa mbewu; a zitsunga zi ta donela vinya go tsombela, ni miganga yontlhe yi ta nyeka.

Amosi 9:13 Referans Kwoze

Joeli 3:18

A xikhatini lexo a zitsunga zi ta dona a vinya, ni miganga yi ta khulunga masi, yontlhe micongwana ya ka Juda yi tava ni mati. Ku ta huma a xibuka hi ndlwini ya ka Jehova xi tsakamisa a nkova wa le Xittimu. Zak. 14:8; Kuv. 22:1

Johani 4:35

Xana a mu wuli muku: Ka ha sele mune wa tihweti, zonake kuva ni kutshovela? Kanilezi nziku ka nwina: Tlakusani a mahlo ya nwina, mu cuwuka masimu, lezaku ma te xwe a kuva ma tshovelwa. Mat. 9:37; Lu. 10:2

Isaya 55:13

A wutshanwini ga mizwa ku ta mila kipres, Ni wutshanwini ga zigetlwani ku ta huma a mirta; Zi ta zwakalisa a vito ga Jehova, Zi tava xikombiso xa pinzukelwa xi to kala xi nga vinyiwi,

Levi 26:5

Lomu tikweni ga nwina, a xikhati xa ku hula xi ta chikela xikhatini xa ku kamela vinya; ni xikhati xa ku kamela vinya xi ta chikela xikhatini xa ku byala. Mu taga zakuga za nwina mu xura, mu tshameka khwatsi lomu tikweni ga nwina.

Ezekieli 36:35

Va taku: A tiko legi gi nga wa hahlukile, makunu gi fanana ni simu ga Edeni; ni miti leyi yi nga wa hahlulwe yi maha marumbi yi bhiyelwe, yi na ni vanhu.

Joeli 3:20

Kanilezi Juda i ta tshama kala kupinzuka, na Jerusalema kala ka zizukulwana ni zizukulwana.

Tisimu 97:5

A zitsunga zi nyeka mahlweni ka Jehova kotisa sera, A mahlweni ka Hosi ya misava yontlhe.

Valamuli 5:5

A zitsunga zi lo khulunga mahlweni ka Jehova, Na yena Sinai, le mahlweni ka Jehova Nungungulu wa ka Israeli.

Amosi 9:5

Hakuva a Hosi, a Jehova wa tiyimpi, loyi a khumbako misava yi nyeka, kasi vontlhe va tshamako ka yona vaba nkosi, yi kukumuka ku fanana ni congo wa Nilo, yi tlhela yi bohla kukotisa congo wa le Gipite; Vala. 5:4; Nab. 1:5

Genesisi 49:11

A boha a mbongola yakwe sinyeni ya vina, Ni ximbongolana xakwe sinyeni ya vina yi hlawulilweko; A hlaza tinguwo takwe lomu vinyeni. Ni nkumba wakwe nkhateni wa vinya.

Isaya 16:10

A litsako ni kubhuma zi susilwe masinwini ma nonileko, Lomu zivineni a ku na tisimu ni guwa ga litsako. A vakami va nga ta ha kamela vinya lomu zigowolweni, Nzi miyetile a guwa gabye ga ku elula.

Ezekieli 28:26

Va ta tshamiseka lomo; ina, va ta aka tiyindlu, va byala zivina, va tshama hi kurula, loku nzi tsayisile vontlhe lava va va ranzeleko lava va va xanisako. Va ta zi tiva lezaku hi mina Hosi Jehova.

Joeli 2:24

A magomba ma ta tala hi mavele, ni maphiso ma ta halakela a vinya ni mafura.