Amosi 5:24 - Tshwa Bible

²⁴ Kanilezi nongameto a wu khulunge khwatsi i mati, ni kululama kukotisa congo wu nga pswhiko.

Amosi 5:24 Referans Kwoze

Mika 6:8

Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Jeremia 22:3

Jehova i ngalo: Lamulani hi fanelo ni kululama, mu ponisa loyi a phangiwako a mandleni ya loyi a mu tsimbeketako; mu nga xanisi a muluveli, ni xisiwana, ni noni, mu nga va tsimbeketi, hambu ku halata nkhata wa lava va nga hiko na nanzu wutshanwini legi.

Hosea 6:6

Hakuva nzi ranza wuxinji, a nzi ranzi miphahlelo; ni ku tiva Nungungulu ka hunza a minyikelo ya kuhiswa. 1 Sam. 15:22; Mat. 9:13; 12:7

Mavingu 21:3

A ku maha kululama ni nongameto, a amukeleka ka Jehova ku hunza muphahlo. 1 Sam. 15:22; Isa. 1:11; Hos. 6:6

Amosi 5:7

Nwina lava mu hunzulako a nongameto wu maha manonwe, a kululama mu chulula lahasi;

Isaya 48:18

O, loku ku wo khwatsi wa ingisa zileletelo za mina! Zonake a kurula ka wena ku wa ta khulunga ku khwatsi i congo, Ni kululama ka wena ku wa ta ku khwatsi mabyandlati ya bimbi,

Ezekieli 45:9

Hosi Jehova i ngalo; Nwina tihosana ta ka Israeli, zi ringene! Tsikani tihanyi ni kuphanga, mu maha nongameto ni kululama, mu nga ha hlongoli vanhu va mina tindlwini tabye, ku wula Hosi Jehova. Levi 19:35

Amosi 5:23

Tsikani a guwa ga tisimu ta nwina, hakuva a nzi lavi kuzwa a kuketsela ka mihambi ya nwina.