Amosi 3:5 - Tshwa Bible

⁵ A xinyanyani xi nga phasiwa lahasi laha ku nga dembiwangiko a tlhamu ke? A tlhamu wu dembilweko wu nga wachuka wu nga phasi nchumu ke?

Amosi 3:5 Referans Kwoze

Mutshawuteli 9:12

Hakuva munhu a nga xi tivi xikhati xakwe; khwatsi hi zidluwani zi phasiwako hi likoka, ni tinyanyani ti phasiwako hi tlhamu, hilezo ni vana va vanhu va phasiswako zona xikhatini xa kubiha, va welwa hi khombo hi xitshuketi. Mar. 13:35; Lu. 12:20

Danieli 9:14

Hikwalaho Jehova i rinzele a khombo legi, a gi wisa hehla ka hina; hakuva Jehova a Nungungulu wa hina i lulamile mitirweni yakwe yontlhe leyi a yi mahako, kanilezi a hi ingisangi a gezu gakwe.

Jeremia 31:28

Khwatsi hi lezi nzi nga va rinzela kasi ku va tsuwula, ni ku ya pswhandlasa, ni ku va wisa, ni ku va hahlula, ni ku va xanisa; lezo nzi ta va languta loku va aka ni ku byala, ku wula Jehova.

Tisimu 140:5

A vamatshanza va nzi fihlele mi nzhiyo ni tingoti; Va dembile ziyo tlhelweni ga ndlela, Va nzi dembele hi marinzi. (Sela.)

Amosi 3:4

A nghala yi nga dzuma lomu khwatini, ahandle ka kuva yi hi ni pfimba ke? A zinghalana xi nga ngurangura nzawini wa xona, ahandle ka kuva xi khomile nchumu ke?

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11