Amosi 3:1 - Tshwa Bible

¹ Zwanani a mhaka leyi Jehova a yi wulawulileko ka nwina vanana va ka Israeli, ni ka ngango wontlhe lowu nzi wu humesileko tikweni ga Gipite, i ngalo:

Amosi 3:1 Referans Kwoze

Amosi 2:10

Hi mina nzi mu humesileko tikweni ga Gipite, nzi mu rangela xiwuleni 40 wa malembe, kasi mu fela ku fumela a tiko ga maAmori.

Mika 3:1

Zonake nzi te ngalo: Zwanani nwina tihosi ta ka Jakobe, na nwina vafumeli va ka Israeli: A hi nwina mu faneleko a ku tiva nongameto ke?

Jeremia 8:3

Ni lava va seleko ka lixaka lolu li bihileko va ta ranza kufa ku hunza a kuhanya, a matshanwini wontihe lawa nzi va hlongoleko ka wona, ku wula Jehova wa tiyimpi.

Hosea 4:1

Zwanani a mhaka ya Jehova, nwina vanana va ka Israeli, hakuva Jehova wa kecara a vaaki va tiko, hakuva lomu tikweni a ku na zinene, a ku na wuxinji, ge hambu ku tiva Nungungulu.

Jeremia 31:1

A xikhatini lexo, ku wula Jehova, nzi tava Nungungulu wa tontlhe tixaka ta ka Israeli, vona va tava vanhu va mina.

Isaya 48:12

Jakobe, nzi ingise, Na wena Israeli, loyi nzi ku vitanileko; Hi mina yena, nzi wa kuranga, ni kambe nzi wa kugumesa. Isa. 41:4; Kuv. 1:8, 17; 21:6

2 Kronekele 20:15

aku: Zwanani nwina nwentlhe vaJuda ni vaaki vontlhe va Jerusalema, na wena hosi Jehoxafate! Jehova i ngalo ka nwina: Mu nga chavi mu mbhela ntamu hi kota ya xidlemo lexi xa hombe nguvu, hakuva a yimpi leyi a hi ya nwina, kanilezi nja Nungungulu.

Kuvululelwa 2:29

Loyi a nga ni tindleve, ngha a ingisa lezi a Moya wu byelako mabandla.

Hosea 5:1

Zwanani a mhaka leyi nwina vapristi, ingisani nwina va yindlu ya ka Israeli, mu kangatela ndleve nwina va yindlu ya hosi, hakuva a lamulelo lowu ngwa nwina; hakuva nwina mu ti mahile a ziyo le Mizpa ni likoka li anekilweko hehla ka Tabora. 1 Tih. 12:32

Isaya 46:3

Nzi ingiseni, nwina va yindlu ya Jakobe, Nwina nwentlhe mu seleko ka yindlu ya ka Israeli; Nwina lava nzi mu rweleko kusukela kupswalweni ka nwina, Nzi mu beleka na ma ha hi rumbyini ga nyine wa nwina. Ekso. 19:4; Deut. 1:31; 32:11

Jeremia 13:11

Hakuva kota lezi a bhandi gi namarelako xiwunwini xa munhu, hizalezo nzi mahile yontlhe a yindlu ya Israeli ni yontlhe a yindlu ya ka Juda ti namarela ka mina, ku wula Jehova, kasi vave ka mina a tiko, ni vito, ni wudzunzo, ni wukulu; kanilezi a va vumelangi ku ingisa. Deut. 26:19

Mika 2:3

Hikwalaho Jehova i ngalo: Langutani, nza alakanyela a khombo hehla ka lixaka leli, legi mu to kala mu nga zi koti ku humesa a tinhamu ta nwina ka gona, mu nga ha ta famba hi matshanza, hakuva a xikhati xi bihile.

Zefania 2:5

Va tava ni khombo lava a akileko fungwini wa bimbi, a tiko ga vaKereti! A mhaka ya Jehova ya ku vukela, wena Kanani, tiko ga maFilistia; nzi ta ku lovisa kasi ku nga havi kona ni muaki munwe ka wena.

1 Kronekele 16:13

Wena pswalo wa ka Israeli, a nanza gakwe, Na nwina vana va Jakobe, a vahlawulweko va yena.

Amosi 4:1

Zwanani mhaka leyi, nwina tihomu ta le Baxani, ti nga lomu xitsungeni xa Samaria, nwina lava mu xanisako zisiwana, mu tsimbeketako vavumali, mu nge ka vanuna va nwina: Nehani hinwa!

Amosi 5:1

Zwanani a mhaka leyi nzi mu belako ha yona a nkosi, nwina va yindlu ya ka Israeli.