2 Timote 4:5 - Tshwa Bible

⁵ Kanilezi wena ti tsitsirite timhakeni tontlhe, u timisela zikaratweni, u tira a ntiro wa muvangeli, u hetisa a ntiro wa wena. Miti. 21:6

2 Timote 4:5 Referans Kwoze

2 Timote 1:8

Hikwalaho u ngavi na tingana a ku kustumunya hi Hosi ya hina, hambu kuva ni tingana ha mina nzi nga peresu ya yona; kanilezi xaniseka zinwe na mina hi kota ya ivangeli hi ntamu wa Nungungulu, Mar. 8:38; Rom. 1:16

1 Pedro 1:13

Hikwalaho ti boheni a ziwunu za kupima ka nwina, mu ti khoma, muva ni kutsumba ku mbheleleko a tipswalweni leti mu ta nga hiwa tona kuwonekelisweni ka Jesu Kristu. Lu. 17:30; Efe. 6:14

2 Timote 2:3

Xaniseka zikaratweni zinwe na mina, kota a sochwa go saseka ga Kristu Jesu.

Va le Kolosi 4:17

Wulani ka Arkipusi, muku: Chela kota hi xikhundla lexi u xi amukeleko Hosini, lezaku u tira lezi zi lavekako ka xona. 1 Tim. 4:6; File. 2

1 Timote 4:12

Ngha a nga hi kona loyi a ku kanyisako hilezi u nga jaha, kanilezi ngha u hi xiwonelo ka makholwa hi kuwulawula, ni mahanyela, ni liranzo, ni kukholwa ni kuhlazeka. Tit. 2:15

Mitiro 21:8

Hi manziko wa kona hi lo suka, hi ya chikela le Kesaria; hi enghena ndlwini ya muvangeli Filipu, loyi a nga hi munwe wa va ntlhanu ni vambiri, hi tshama kakwe. Xip. 6:5; Efe. 4:11; 2 Tim. 4:5

1 Timote 4:15

Pangama mitirweni leyi, u ti nyikela gontlhe wutsumbu ga wena ka yona; kasi a kuya mahlweni ka wena ka woneka ka vanhu vontlhe.

1 Va le Tesalonika 5:6

hikwalaho ngha hi nga etleli khwatsi hi vanwani, kanilezi a hi rinzeleni, hi kari hi ti khoma.

Kuvululelwa 3:2

Vuka u hanyanya, u tiyisa lezi zi seleko, lezi zi nga lava kufa; hakuva a nzi kumangi mitiro ya wena na yi mbhelele mahlweni ka Nungungulu wa mina.

Va le Efesusi 4:11

I lo nyika vanwani a kuva vapostoli, ni vanwani a kuva vaprofeti, ni vanwani a kuva vavangeli, ni vanwani a kuva varisi ni vagonzisi, 1 Kor. 12:28; Xip. 2:20

Maheberu 13:17

Ingisani a varangeli va nwina, mu ti koramisa ka vona; hakuva va rinzela a mihefemulo ya nwina, hakuva va ta ti hlamulela ha yona. Va ingiseni lezaku va fela ku tira hi kutsaka, na ku nga hi kuketa; hakuva lezi zi nga ta mu vuna nchumu. Ekso. 3:17; 1 Tim. 5:17

2 Timote 2:10

Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8

Luka 12:37

Ma katekile a malanza lawo a hosi ya wona yi ta nga ta ma kuma na ma lavelele a kuwuyeni ka yona; hizinene nziku ka nwina, yi ta ti boha bhandi, yi ma tshamisa kugeni yita yi ta ma tirela. Mat. 24:46

Marku 13:37

Lezi nzi wulako ka nwina, nzi wula ka vontlhe, nziku: Rinzelani!

Va le Kolosi 1:25

Hakuva nzi mahile nanza ga gona, hi ku yimiswa hi Nungungulu hi kota ya nwina, kasi ku tlhamusela a mhaka yontlhe ya Nungungulu,

Va le Roma 15:19

zi mahiwa hi ntamu wa ziwoniso ni masingita, a ntanwini wa Moya wa ku Basa. Nzi kanele ivangeli ya Kristu kusukela Jerusalema ni matlhelweni ya kona nzi kala nzi chikela Ilurikumi. Miti. 19:11

Marku 13:34

Ku khwatsi hi loku munhu a enzela matikweni, a siya yindlu yakwe na a nyikile ntamu ka malanza yakwe, ka ginwe ni ginwani a ntiro wa gona, a laya ni mulaveleli a ku rinzela. Mat. 24:45; 25:14

Ezekieli 33:2

Nʼwana wa munhu, wulawula ka vanhu va tiko ga wena, uku ka vona: Loku nzi neha a supado hehla ka tiko go kari, loku a vanhu va tiko va hlawula munhu munwe xikari kabye va mu maha murinzeli;

Ezekieli 3:17

Nʼwana wa munhu, nzi ku mahile murinzeli wa yindlu ya ka Israeli. U tazwa a magezu ma humako nonwini wa mina, zonake u ta va tlharihisa vitweni ga mina.

Jeremia 6:17

Nzi vekile varinzeli xikari ka nwina, nziku: Ingisani a gezu ga mpunzu. Kanilezi va hlamule, vaku: Hi nga ta gi ingisa.

Isaya 62:6

Nzi vekile varinzeli makhurisini ya wena Jerusalema, Cima va nga ta miyela hlikanhi ni wusiku. Nwina lava mu nga vakhumbuxeti va Jehova mu nga dzuki mu humula;

Ezekieli 33:7

Zinghaho wena nʼwana wa munhu, nzi ku vekile kota murinzeli wa yindlu ya ka Israeli; hikwalaho zwana a mhaka yi humako nonwini wa mina, u va tlhatlhisa vitweni ga mina.

Va le Efesusi 4:12

kasi a vobasa va fela ku mbhelela ntirweni wa wurisi, ku akiwa a miri wa Kristu, 1 Kor. 14:26; Xip. 1:23; Kol. 1:24

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

Mateu 25:16

Loyi a amukeleko a ntlhanu wa titalenta, i lo famba a ya ti bhinzulisa, a bhinzula a tinwani ta ntlhanu.