2 Timote 4:17 - Tshwa Bible

¹⁷ Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

2 Timote 4:17 Referans Kwoze

1 Pedro 5:8

Ti khomeni, mu rinzela; hakuva a nala wa nwina Satani wa fambafamba kota nghala leyi yi dzumako, a hlota loyi a ta nga mu khadamula. Joba 1:7; Lu. 21:34

Tisimu 22:21

Nzi hanyise kanwini wa nghala, Nzi tlhatlhise timhonzweni ta tinyari.

1 Samueli 17:37

Davida a engeta aku: Jehova loyi a nga nzi ponisa canjeni ga nghala ni ga urso, hi yaloye a ta nga nzi ponisa canjeni ga loyi muFilistia. Zonake Saule i te ngalo ka Davida: Famba, Jehova ave na wena!

Mitiro 9:15

Kanilezi a Hosi yiku ngalo ka yena: Famba, hakuva loyi hi xibya xi hlawulilweko xa mina, a ku yisa a vito ga mina ka vamatiko ni ka tihosi, ni ka vanana va ka Israeli; Xip. 13:2; Rom. 1:1; 2 Tim. 1:11

Danieli 6:22

A Nungungulu wa mina i rumele a ngelosi yakwe yi ta vala milomu ya tinghala, hikwalaho a ti nzi bayisangi. Hakuva nzi kumekile nzi nga hi na nanzu mahlweni ka yena, ni le mahlweni ka wena hosi, a nzi gohangi nchumu.

Maheberu 11:33

lava va nga hlula matiko hi kukholwa, va lamula hi kululama, va kuma lezi va tsumbisilweko zona, va vala milomu ya tinghala, Dan. 6:22

Tisimu 109:31

Hakuva i yimile canjeni ga xinene ga loyi a vumalako, A mu ponisa ka lava va lamulako muhefemulo wakwe.

Mitiro 23:11

Hi wusiku ga kona a Hosi yi lo tshinela kakwe, yiku ngalo: Tiya hlana; hakuva kota lezi u nga kustumunya ha mina laha Jerusalema, zinghaho u ta nzi kustumunyela ni le Roma. Tis. 46:1; Xip. 18:9; 27:23, 24

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

2 Pedro 2:9

A Hosi ya zi kota ku hlanguta kuringweni lava va chavako Nungungulu, ni ku khoma a vangalulamangiko va tsayiswa kala sikwini ga kulamulwa; Tis. 34:17; 1 Kor. 10:13

Mateu 10:19

Kanilezi loku va mu nyikela kabye, mu nga kanakani muku mu ta wulawulisa kuyini niku zini mu ta nga wulawula, hakuva zi ta nyikiwa ka nwina hi xikhati lexi mu ta nga wulawula. Ekso. 4:12; Mar. 13:11-13; Lu. 12:11

Danieli 6:27

Wa tlhatlhisa a ponisa, wa maha xikombiso ni zihlamaliso le tilweni ni laha misaveni. Hi yena a ponisileko Danieli ntanwini wa tinghala.

Isaya 41:14

U nga chavi wena xiwungwani, Jakobe, Na nwina misalela ya Israeli; Nzi ta ku vunetela, ku wula Jehova; A Mutiruli wa wena hi Loyi wa ku Basa wa ka Israeli.

2 Timote 3:11

ni le kuxanisweni, ni kuxanisekeni loku nzi nga humelelwa ha kona le Antiokia, ni le Ikoniume, ni le Listra. Kuxaniseka ka kuyini nzi nga hi nako! kanilezi Hosi yi lo nzi hlanguta ka kona kontlhe. Tis. 34:19; Miti. 13:45; 14:2; 2 Kor. 1:10

1 Timote 1:12

Nza mu bonga Kristu Jesu a Hosi ya hina, loyi a nga nzi nyika ntamu, hakuva i nzi hlayile loyi a tsumbekileko, a nzi veka ntirweni wakwe; 1 Kor. 7:25; 2 Kor. 3:5, 6; 4:1; Kol. 1:25

Va le Efesusi 3:8

Mina loyi nzi nga tsongwanyanyani xikari ka vobasa vontlhe, nzi lo nyikiwa a tipswalo leti ta ku kanela ka vamatiko a ivangeli ya titshomba ta Kristu leti ti nga kambiwiko; 1 Kor. 15:9; Kol. 1:27

2 Va le Korinte 12:9

Kanilezi Hosi yi te ngalo ka mina; A tipswalo ta mina ti ku enele, hakuva a ntamu wa mina wu mbheleliswa gomeni. Hikwalaho nzi ranza a ku ti dzunza gomeni ga mina, lezaku a ntamu wa Kristu wu fela ku tshama ka mina. Mutsa. 7:18; Isa. 40:29; 41:10; 1 Kor. 10:13; 1 Ped. 4:14

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Mavingu 28:15

Khwatsi hi nghala yi dzumako, ni urso legi gi nga ni ndlala, inghaho ni mufumeli wo biha loyi a fumelako zisiwana.

Mavingu 20:2

A kutshisa ka hosi ku khwatsi kudzumadzuma ka nghonyamo; i wihi loyi a yi zangarisako wa vukela muhefemulo wakwe.

Luka 1:1

Kota lezi a vanyingi va ringileko a ku hlawutela hi ku longoloxa a mahungu laya ma humeleleko xikari ka hina,

Va le Roma 15:31

a ku kasi nzi fela ku poniswa ka lava va nga kholwiko le Judia, ni lezaku a hlengo lowu nzi wu yisako wona le Jerusalema wu fela ku amukeleka ka vobasa; 2 Tes. 3:2

2 Timote 2:1

Wena-ke, nwananga, ngha uva ni ntamu tipswalweni leti ti nga ka Kristu Jesu. Efe. 1:19; 3:16; 6:10; Kol. 1:11; 1 Tim. 1:2

2 Timote 2:9

Leyi nzi zwako zikarato ha yona kala nziva makhotsweni khwatsi hi xigohi; kanilezi a mhaka ya Nungungulu a yi na ku bohiwa.

2 Timote 4:5

Kanilezi wena ti tsitsirite timhakeni tontlhe, u timisela zikaratweni, u tira a ntiro wa muvangeli, u hetisa a ntiro wa wena. Miti. 21:6

Titusi 1:3

kanilezi hi xikhati xakwe i lo wonekelisa a mhaka yakwe hi mahungu lawa nzi nga nyikiwa wona hi kulaya ka Nungungulu, a Muhanyisi wa hina. 1 Tes. 2:4; 2 Tim. 1:10