2 Timote 2:25 - Tshwa Bible

²⁵ I fanele ku luleka hi kurula lava va kanetako, na a tsumba lezaku Nungungulu i ta va nyika kuhunzuluka va kala va tiva zinene,

2 Timote 2:25 Referans Kwoze

Va le Galatia 6:1

Vamakabye, loku a munhu a kumiwa xionhweni xo kari, nwina lava mu nga va moya, lulekani a wa kunghaho hi moya wa kuolova; zonake wenawu u ti tlharihela lezaku u nga ringiwi na wena. 1 Kor. 2:15; 7:5; 2 Tes. 3:15

Mitiro 11:18

Laha na va zwile leti timhaka va lo miyela, va dumisa Nungungulu, vaku: Kasi Nungungulu i nyikile ni ka vamatiko a kuhunzuluka loku ku yisako wutomini.

1 Timote 2:4

loyi a ranzako lezaku vanhu vontlhe va hanyiswa, vava ni kutiva ka zinene. Isa. 55:1, 7; Ezek. 13:23; Joh. 3:16; 17:3

1 Pedro 3:15

Dzunzani Kristu kota Hosi timbilwini ta nwina; na mu longile ku hlamula hi kurula ni xichawo ni wihi munhu loyi a mu wutisako hi xigelo xa kutsumba ka nwina, Kol. 4:6

1 Johani 5:16

Loku munhu a wona makabye wakwe na a kari a maha a xionho lexi xi nga yisiko kufeni, ngha a mu kombelela, na Nungungulu i ta mu nyika kuhanya, loku a xionho xi hi lexi xi nga yisiko kufeni. Xi kona a xionho xi yisako kufeni, a nzi wuli lezaku ku kombelelwa xona. Joba 42:8; Jer. 7:16; Mar. 3:29

Mitiro 8:22

Hikwalaho hunzuluka kubiheni ka wena, u kombela ka Hosi, kutani u nga tsetselelwa a kualakanya ka mbilu ya wena.

2 Timote 3:7

a vavasati lava va gonzako xontlhe xikhati, kanilezi va nga zi koti ku chikela kutiveni ka zinene. 1 Tim. 2:4

Mateu 11:29

Rwalani a pingu wa mina, mu gonza ka mina; hakuva nzi rulile, nzi hi ni mbilu yi koramileko; mu ta kuma kuhumula mihefemulweni ya nwina. Joh. 13:15; Fil. 2:5; 1 Ped. 2:21

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

Titusi 1:1

Paule, a nanza ga Nungungulu, tlhelo mupostoli wa Jesu Kristu, a rumelweko hi kota ya kukholwa ka vahlawulilweko va Nungungulu, ni kutiva kabye a zinene lezi zi xungeteneko ni ku khozela Nungungulu, 1 Tim. 6:3; 2 Tim. 2:25

Mitiro 20:21

na nzi tiyisa ka vaJuda ni ka vaGreki hi kuhunzulukela ka Nungungulu, ni kukholwa hi Hosi ya hina Jesu Kristu. Xip. 2:38; Mar. 1:15; Lu. 24:47

Mitiro 5:31

Kanilezi Nungungulu i lo mu tlakusa hi canja gakwe ga xinene, a kuva Hosi ni Muhanyisi, kasi ku nyika kuhunzuluka ka Israeli, ni kutsetselelwa ka zionho. Xip. 2:33; Fil. 2:9; Isa. 9:6; Ezek. 34:24; Mat. 1:21; Efe. 1:7

Mitiro 2:38

Pedro aku ngalo kabye: Hunzulukani, mu bapatizwa nwentlhelele vitweni ga Jesu Kristu, kutsetselelweni ka zionho za nwina; zonake mu ta amukela a xinyikiwo xa Moya wa ku Basa. Mat. 3:2, 8; Lu. 24:47; Xip. 3:19; 17:30

Johani 5:34

Kanilezi mina a nzi amukeli Wukustumunyu ga munhu; ahemba-lokoke nza wula lezi kasi mu fela ku hanyiswa.

Marku 1:15

aku: A xikhati xi tatisekile, ni mufumo wa Nungungulu wu tshinele; hunzulukani mu kholwa hi ivangeli. Dan. 9:25; Mat. 3:2; Gal. 4:4

Ezekieli 36:31

Zonake mu ta alakanya a tindlela ta nwina to biha, ni zimaho za nwina zo nyenyeza. Mu ta ti swihala hi kota ya kubiha ka nwina ni manyalataniso ya nwina.

Titusi 3:2

va nga lumbeti munhu, va nga holovi, va hi va nene, va kombisa kuolova ka vanhu vontlhe. Ekso. 20:16; Efe. 4:31

1 Timote 6:11

Kanilezi wena munhu wa Nungungulu, potsoloka lezi zilo, u hlota kululama, a kukhozela Nungungulu, a kukholwa, a liranzo, a kutimisela, ni kurula. Deut. 33:1

Mitiro 5:21

Laha va nga zi zwile, va lo enghena tempeleni ni mixo, va gonzisa kona. Kanilezi a mupristi wa hombe, ni lava va nga hi naye, va lota va ta tsombanyisa a hubye ni masingalakati wontihe ya vana va ka Israeli, zonake va lo rumela paxweni a ku ya teka vapostoli. Xip. 4:5, 6

Ezekieli 11:19

Nzi ta va nyika a mbilu yinwe, nzi chela a moya muswa nzeni ka vona; nzi ta susa a mbilu ya ribye mirini wabye, nzi va nyika a mbilu ya nyama, Jer. 32:39; Zef. 3:9; Miti. 4:32

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Mateu 21:32

Hakuva Johani i lota, a ta mu tivisa a ndlela ya kululama, a mu mu kholwangi; kanilezi a vahlengisi ni zibhayi va lo mu kholwa; hambu lezi mu nga zi wona, a mu hunzulukangi, kasi mu fela ku kholwa hi yena. Xip. 3:1; Lu. 3:12, 13

Zakaria 12:10

Nzi ta chulula a moya wa wunene ni wa mikhongelo hehla ka yindlu ya ka Davida ni hehla ka vaaki va Jerusalema; zonake va ta cuwuka ka mina loyi va nzi tlhavileko. Va ta mu rilela kukotisa loku va rilela a nʼwana wabye wa munwe, va ta mu karatekela, khwatsi hi loku va karatekela a matewula yabye. Joh. 19:37; Kuv. 1:7

Ezekieli 36:26

Nzi ta mu nyika a mbilu yiswa, nzi mu chela a moya muswa. Nzi ta susa ambilu ya ribye nyameni ya nwina, nzi mu nyika a mbilu ya nyama. Jer. 31:33; 32:39; Maheb. 10:16

Ezekieli 12:3

Hikwalaho wena nʼwana wa munhu, ti longisele a nhunzu ya ku famba hangalasiweni, u suka ni hlikanhi kuwoneni kabye; u ta rura na va kari va zi wona, kutani va ta zi pima lezaku mba yindlu ya mihluwukwa.