2 Timote 1:8 - Tshwa Bible

⁸ Hikwalaho u ngavi na tingana a ku kustumunya hi Hosi ya hina, hambu kuva ni tingana ha mina nzi nga peresu ya yona; kanilezi xaniseka zinwe na mina hi kota ya ivangeli hi ntamu wa Nungungulu, Mar. 8:38; Rom. 1:16

2 Timote 1:8 Referans Kwoze

Va le Roma 1:16

Hakuva a nzi na tingana hi ivangeli, hakuva i ntamu wa ku hanyisa ni wihi loyi a kholwako; a ka muJuda kusangula, ni ka muGreki kambe. 2 Tim. 1:8; 1 Kor. 1:18; 2 Kor. 10:4

Marku 8:38

Hakuva loyi a nga ni tingana ha mina ni timhaka ta mina xizukulwaneni lexi xa wubhayi ni kuonha, a Nʼwana wa munhu kambe i tava ni tingana ha yena, laha a ta nga wuya hi kungangamela ka Raru wakwe, zinwe ni tingelosi to basa. Mat. 10:33; Lu. 9:26; 2 Tim. 1:8

2 Timote 4:5

Kanilezi wena ti tsitsirite timhakeni tontlhe, u timisela zikaratweni, u tira a ntiro wa muvangeli, u hetisa a ntiro wa wena. Miti. 21:6

Kuvululelwa 12:11

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37

2 Timote 2:9

Leyi nzi zwako zikarato ha yona kala nziva makhotsweni khwatsi hi xigohi; kanilezi a mhaka ya Nungungulu a yi na ku bohiwa.

2 Timote 1:12

Hi kota ya lezo nza xaniseka hi lezi zilo; kanilezi a nzi na tingana, hakuva nza mu tiva loyi nzi kholwako kakwe; nza tsumba lezaku i na ni ntamu wa ku hlayisa lezi nzi zi vekileko ka yena, a zi hlayisela lego siku. 1 Ped. 4:19

Va le Efesusi 3:1

Hikwalaho mina Paule, nzi nga peresu ya Jesu Kristu hi kota ya nwina vamatiko,— Miti. 21:33; 2 Tim. 2:10

Va le Filipi 3:10

Hakuva nzi ranza ku tiva yena, ni ntamu wa kuvuka kakwe, ni ku hlengela kuxaniseka kakwe, nzi mu ringanyeta kufeni kakwe; 1 Ped. 4:13

Luka 9:26

Hakuva kani hi wihi a ta ngava ni tingana ha mina ni timhaka ta mina, a Nʼwana wa munhu i tava ni tingana ha yena, laha a ta nga wuya kungangameleni kakwe, ni ka Dadani ni ka tingelosi to basa. Mat. 10:33; Mar. 8:38; 2 Tim. 2:12

2 Timote 1:16

Ngha na Hosi yiva ni wuxinji ka yindlu ya Oniseferusi; hakuva i nzi tangalisile zikhati zinyingi, i wa nga hi na tingana hi kota ya makhotso ya mina. Mat. 5:7; File. 7

Va le Efesusi 4:1

Hikwalaho mina loyi nzi nga peresu Hosini, nza mu khongotela a kuva ni mafambela lawa ma faneleko a kuvitanwa loku mu nga vitanwa ha kona; Kol. 1:10

Kuvululelwa 1:9

Mina makabye wa nwina Johani, tlhelo xihlengeli-kuloni kuxanisekeni ni le mufunweni ni kuhoniseleni loku ku nga ka Jesu, nzi wa hi le xihlaleni xi tibyako Patmosi, hi kota ya mhaka ya Nungungulu ni wukustumunyu ga Jesu. 2 Tim. 2:19; Fil. 1:7

Juda 1:24

Makunu loyi a nga ni ntamu wo mu hlayisa kasi mu nga khunguvanyeki, a mu yimisa na mu nga hi na nanzu mahlweni ka kungangamela kakwe na mu kari mu tsaka, Efe. 3:20; Kol. 1:22

1 Pedro 1:5

nwina lava mu hlayiswako hi ntamu wa Nungungulu hi kukholwa, kasi ma kuma a kuhanyiswa loku ku longileko ku wonekeliswa xikhatini xo gumesa. Joh. 10:28

2 Timote 2:3

Xaniseka zikaratweni zinwe na mina, kota a sochwa go saseka ga Kristu Jesu.

1 Va le Tesalonika 3:4

Hakuva ni laha hi nga hi zinwe na nwina, hi lo mu byela hi mahlweni lezaku hi ta xaniswa kota lezi zi mahekileko, ma zi tiva na nwinawu. Miti. 20:24

Va le Filipi 1:7

Nzi fanele a kuva nzi alakanya lezo ha nwina nwentlhe, hakuva nzi na nwina mbilwini ya mina; hakuva hambu lomu makhotsweni ya mina, kutani loku nzi yima nzi vikela ivangeli ni ku yi tiyisa, nwina nwentlhe mu vahlengeli va tipswalo zinwe na mina. Efe. 3:1; 6:20; Xip. 4:14; Kol. 4:3; 2 Tim. 1:8

Va le Efesusi 3:13

Hikwalaho nza mu kombela lezaku mu nga rereki hi kota ya zikarato za mina hi kota ya nwina, hakuva wudumo ga nwina.

Va le Roma 16:25

A ka yena loyi a zi kotako a ku mu tiyisa ka ivangeli leyi nzi yi kanelako, ni kugonziseni ka Jesu Kristu, ni kuvululwa ka fihlakalo lowu wu nga thumbetilwe xikhatini xa kaleloko, Xip. 2:16; 1 Kor. 2:7; Efe. 3:3, 5; Kol. 1:27

1 Johani 4:14

Hina hi zi wonile, hi maha wukustumunyu lezaku Dadani i rumile a Nʼwana a ku ta maha Muhanyisi wa tiko. Joh. 3:17; Xip. 1:1, 2

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Va le Roma 9:33

khwatsi hi lezi ku tsalilweko, ku ngalo: Langutani, nza veka a ribye ga xikhunguvanyiso le Zioni, A ribye legi gi ta nga va wisa; Loyi a kholwako ka gona a nga tawa tingana. Tis. 118:22; Isa. 8:14; Mat. 21:42

Mitiro 5:41

A vapostoli va lo suka hi laha hubyeni, na va tsaka hilezi va hlayelweko lava va faneleko a ku xaniseka hi kota ya vito ga Jesu. Mat. 5:12; Rom. 5:3; 2 Kor. 12:10; Fil. 1:29; Jak. 1:2

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9

Kuvululelwa 1:2

loyi a mahako wukustumunyu makunu hi mhaka ya Nungungulu ni wumboni ga Jesu Kristu, hi zilo zontlhe lezi a zi wonileko. 1 Kor. 1:6; 1 Joh. 1:1

1 Va le Korinte 1:6

Ni wumboni ga Kristu gi tiyisilwe xikari ka nwina, Miti. 20:28; 2 Tim. 1:8; Kuv. 1:2

Johani 19:35

Loyi a zi wonileko i mahile wukustumunyu ha zona, ni wukustumunyu gakwe gi nene; wa zi tiva lezaku i wula zinene, kasi na nwinawu ma fela ku kholwa.

Tisimu 119:46

Nzi ta hlawutela wumboni ga wena mahlweni ka tihosi, Cima nzi nga tava na tingana.

Va le Kolosi 1:24

Makunu nza tsaka kuxanisekeni ka mina, loku nzi xanisekako hi kota va nwina; nzi tatisa nyameni ya mina lezi zi nga sele a kuxanisekeni ka Kristu hi kota ya miri wakwe, wu nga bandla gakwe. Efe. 1:23; Fil. 3:10

Va le Efesusi 4:17

Nzi laya ni ku tiyisa Hosini, nziku: Ngha mu nga ha fambi kota vamatiko, lava va fambako maalakanyweni yabye ya hava,

2 Va le Korinte 6:7

na hi wulawula zinene, na hi ntamu wa Nungungulu, ni matlhari ya kululama a canjeni ga xinene ni ga xibhabha, 1 Kor. 2:4; 2 Tim. 4:7

Va le Roma 8:36

Khwatsi hi lezi ku tsalilweko ku ngalo: Ha dawa hi kota ya wena gontlhelele siku; Hi wuliwa lezaku hi tiyivu to tlhabyiwa. Tis. 44:22

Johani 15:27

Na nwina mu ta kustumunya, hakuva mu wa hi na mina hi kusanguleni. Miti. 1:8, 21; 10:39; 1 Joh. 1:1

Isaya 51:7

Nzi ingiseni, nwina lava mu tivako kululama, Wena tiko u nga ni nayo wa mina mbilwini ya wena; Mu nga chavi ku tseketselwa hi vanhu, Ge hambu ku dzukiswa hi xiruko zabye.

Tisimu 19:7

A nayo wa Jehova wu mbhelele, wu humuta muhefemulo; A wukustumunyu ga Jehova gi nene, gi tlharihisa xipumbu. Rom. 15:4; 2 Tim. 3:15; 2 Ped. 1:19

1 Timote 2:6

Yena i lo ti nyikela a kuva nzhiho wa vontlhe, ku mahiwa wukustumunyu hi lezo a xikhatini xi faneleko;

Va le Kolosi 1:11

Ngha mu tiyiswa matlhelweni wontihe, khwatsi hi ntamu wakwe wa hombe, a kuva mu hi ni kutiyisela kontlhe ni kutimisela zinwe ni kutsaka, Miti. 5:41

Isaya 8:20

A hi yeni nayweni ni wumbonini! Loku va nga wuli lezo, a tiko gi nga ha ta kuva ni wuronga ginwani.

2 Timote 1:10

kanilezi makunu ti wonekelisilwe hi kuwoneka ka Muhanyisi wa hina Kristu Jesu, loyi a nga hetisa kufa, a wonekelisa a wutomi ni kungafi hi ivangeli, 1 Kor. 15:54; Efe. 1:9; Kol. 1:26; 1 Ped. 1:20

2 Timote 2:8

Alakanya Jesu Kristu loyi a vukileko hi ka vafileko, wa pswalo wa Davida, khwatsi hi kuwula ka ivangeli leyi nzi yi kanelako, Miti. 2:30; 13:23; Rom. 2:16; 1 Kor. 15:1