2 Timote 1:7 - Tshwa Bible

⁷ Hakuva Nungungulu a nga hi nyikangi a moya wa wutoya, kanilezi wa ntamu ni liranzo ni kutikhoma. Lu. 24:49; Rom. 8:15

2 Timote 1:7 Referans Kwoze

Va le Roma 8:15

Hakuva a mu amukelangi a moya wa wukhumbi lezaku mu tlhela mu chava; kanilezi nwina mu lo amukela a moya wa wunʼwana, lowu hi vitanako ha wona, hiku: Abba! Dadani! Isa. 56:5; 2 Tim. 1:7; Maheb. 2:15

1 Johani 4:18

A ku na kuchava liranzweni, kanilezi a liranzo leli li mbheleleko li hlongola kuchava. A kuchava ku longoloka ni kutsayiswa, ni loku munhu a chava a nga mbheleliswangi liranzweni.

Va le Galatia 5:22

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, Joh. 15:2; 1 Kor. 13:7; Jak. 3:17

Johani 14:27

A kurula nza ku siya ka nwina; nza mu nyika a kurula ka mina; a nzi mu nyiki kota lezi gi nyikisako zona tiko. A timbilu ta nwina ngha ti nga karateki, hambu ni ku chava. Fil. 4:7; Kol. 3:15

Luka 10:19

Langutani, nzi mu nyikile ntamu wa ku kanzihela tinyoka ni tihume, ni hehla ka ntamu wontihe wa nala; a ku na nchumu xi ta nga mu lamata. Mar. 16:18; Miti. 28:5

Mitiro 1:8

Kanilezi mu ta nyikiwa a ntamu, loku wu tile hehla ka nwina a Moya wa ku Basa; zonake mu ta maha vakustumunyu va mina laha Jerusalema, ni le Judia gontlhe, ni le Samaria, ku kala le magemeta-musi ya misava.

Zakaria 4:6

Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.

Mavingu 2:7

A vakululama i va hlayisela kukateka; i yena xitlhangu xa lava va fambako kululameni;

Mavingu 8:14

A wusungukati ni makungo ma nene zi kumeka ka mina, i mina kupimisisa, nzi na ni ntamu.

Va le Roma 5:5

A kutsumba a ku wisi tingana, hakuva a liranzo la Nungungulu li chelilwe timbilwini ta hina hi Moya wa ku Basa lowu hi nyikilweko wona. Fil. 1:20; 2 Kor. 1:22; Gal. 4:6; Efe. 1:13

Maheberu 2:15

ni ku tlhatlhisa vontlhe lava va nga hi tikhumbi kuhanyeni kabye kontlhe hi kota ya ku chava kufa. Lu. 1:74; Rom. 8:15; 2 Tim. 1:7

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

1 Va le Korinte 2:4

A kuwulawula ka mina ni kukanela ka mina ku wa nga hi na magezu ya wutlhari ma wongako, kanilezi ku lo tiyiswa hi Moya ni ntamu; 2 Ped. 1:16

Luka 24:49

Langutani, nzi ta mu rumela lexi Dadani a xi tsumbisileko; kanilezi tshamani laha mutini, mu kala mu ambexwa hi ntamu wa le hehla. Isa. 44:3; Joeli 2:28; Miti. 1:4

Mitiro 10:38

yaku ngalo: Nungungulu i lo tota Jesu wa le Nazareta hi Moya wa ku Basa ni ntamu; loyi a nga nzulanzula a maha kusaseka, a hanyisa vontlhe lava va nga tsimbeketwa hi Diabolus; hakuva Nungungulu i wa hi naye. Lu. 4:18; Joh. 3:2; Xip. 4:27

Mika 3:8

Kanilezi mina nzi tele hi ntamu hi wona Moya wa Jehova, nzi tele hi nongameto ni wunhenha a kuva nzi tlhatlhambutela ka Jakobe a zihambunyeto zakwe ni ka Israeli a kuonha kakwe.

Tisimu 119:80

A mbilu ya mina a yi mbhelele ziyimisweni za wena; Kasi nzi nga wiswi tingana.

1 Pedro 1:22

Kota lezi mu basisileko mihefemulo ya nwina hi ku ingisa zinene, mu kala mu ranza a vamakabye hi liranzo li nga xengeteliko, ranzanani hi timbilu ti basileko.

Mitiro 21:13

Kanilezi Paule i lo hlamula aku: Hikuyini mu rilako mu panza a mbilu ya mina ke? Kasi mina a nzi longelangi ku bohiwa ntsena, kanilezi ni ku fela a vito ga Hosi Jesu le Jerusalema. Xip. 20:24

Va le Kolosi 1:8

hi yena a nga hi hlawutela a liranzo la nwina le Moyeni.

Mitiro 6:8

Makunu Stefani loyi a nga tele hi tipswalo ni ntamu, i lo maha zirewukiso ni ziwoniso xikari ka vanhu.

Mitiro 9:22

Kanilezi Saule i lo enzeleka hi ntamu, a hlula a vaJuda lava va nga hi le Damasku, a va kombisa lezaku Jesu hi Kristu. Xip. 18:28

Luka 8:35

A vanhu va lo huma a ku ya wona lezi zi mahekileko; laha va nga chikela ka Jesu, va lo kuma a munhu loyi ma humileko ka yena a madimoni, na a tshamile mikonzweni ya Jesu, a ambele, a hi ni kupima kunene; va lo chava.

Mitiro 26:25

Paule aku; A nzi hungukangi, Festu a dumileko nguvu; nzi kanela a timhaka ta zinene ni kupima.

Luka 15:17

Kanilezi laha a nga ti alakanya, aku ngalo: Nweno a zitiri leʼzinyingi za dadani zi na ni kuga ku eneleko ni ku hunza, kasi mina nzofa laha hi ndlala!

Mitiro 26:11

Lomu masinagogeni wontihe nzi lo va tsayisa zikhati zinyingi, nzi ringa ku va kurumeta a kuva va rukatela; na nzi zangarile nguvu ha vona, nzi lo va xanisa ni le mitini ya vamatiko. Xip. 22:19

Isaya 11:2

A Moya wa Jehova wu ta tshama hehla ka yena, A moya wa wutlhari ni kupima, A moya wa wusungukati ni wa ntamu. A moya wa ku tiva ni wa ku chava Jehova.